ADផ្ទាំងផ្សព្វផ្សាយពាណិជ្ជកម្ម

Picture

នាយក​រដ្ឋមន្ត្រី​ជប៉ុន​នឹង​រុះរើ​គណៈរដ្ឋមន្ត្រីចំ​ពេល​មាន​ភាព​តានតឹង​របស់​កោះ​តៃវ៉ាន់

1 អាទិត្យ មុន

នាយក​រដ្ឋមន្ត្រី​ជប៉ុន​លោក Fumio Kishida បាន​និយាយ​នៅ​ថ្ងៃ​សៅរ៍ ទី​៦ សីហា​នេះ​ថា លោក​នឹង​រុះរើ​គណៈរដ្ឋមន្ត្រី​នៅ​ស​ប្តា​ហ៍​ក្រោយ ដើម្បី​ដោះស្រាយ​បញ្ហា​ដែល​កំពុង​កើន​ឡើងជា​ច្រើន រួម​មាន​បញ្ហា​តៃវ៉ាន់ កូ​វី​ដ​១៩…

នាយក​រដ្ឋមន្ត្រី​ជប៉ុន​លោក Fumio Kishida បាន​និយាយ​នៅ​ថ្ងៃ​សៅរ៍ ទី​៦ សីហា​នេះ​ថា លោក​នឹង​រុះរើ​គណៈរដ្ឋមន្ត្រី​នៅ​ស​ប្តា​ហ៍​ក្រោយ ដើម្បី​ដោះស្រាយ​បញ្ហា​ដែល​កំពុង​កើន​ឡើងជា​ច្រើន រួម​មាន​បញ្ហា​តៃវ៉ាន់ កូ​វី​ដ​១៩ និង​វិធានការ​ជំរុញ​សេដ្ឋកិច្ច​ដើម្បី​ទប់ទល់​នឹង​អតិផរណា​។

Picture

“​យើង​ត្រូវ​ចាប់ផ្តើម​ការ​បង្កើត​ថ្មី​ឱ្យ​បាន​ឆាប់​តាម​ដែល​អាច​ធ្វើ​ទៅ​បាន​ដោយ​ពិចារណា​លើ​បញ្ហា​ផ្សេង​ៗ”​។ នេះ​ជា​ការ​ថ្លែង​របស់​លោក​នៅ​ក្នុង​ស​ន្និ​សិ​ទ​កាសែត​នៅ​ក្នុង​ទីក្រុង Hiroshima ក្រោយ​ពេល​ចូលរួម​ពិធី​រម្លឹក​ខួប​លើក​ទី ៧៧​ឆ្នាំ​នេះ​ការ​ទម្លាក់​គ្រាប់បែក​ក្នុង​សង្គ្រាមលោក​លើក​ទី ២​។

លោក Kishida មិន​បាន​ផ្តល់​ព័ត៌មាន​លម្អិត​អំពី​ការ​ផ្លាស់​ប្តូរ​គណៈរដ្ឋមន្ត្រី​របស់​លោក​នោះ​ទេ ប៉ុន្តែ​កាសែត Yomiuri បាន​ចុះ​ផ្សាយ​មុន​នេះ​ថា លោក​ទំ​នឹង​ជា​ផ្លាស់​ប្តូរ​រដ្ឋមន្ត្រី​ការពារ​ជាតិ Nobuo Kishi ដោយសារ​បញ្ហា​សុខភាព​របស់​គាត់​។

Picture

លោក Nobuo Kishi ដែល​ត្រូវជា​ប្អូនប្រុស​ពៅ​របស់​អតីត​នាយក​រដ្ឋមន្ត្រី Shinzo Abe បាន​ធ្វើ​ជា​រដ្ឋមន្ត្រី​ការពារ​ជាតិ​ជប៉ុន​ចាប់តាំងពី​ខែកញ្ញា ឆ្នាំ ២០២០​មក​។

វិស័យ​ការពារ​ជាតិ​ជប៉ុន​កំពុង​ស្ថិត​ក្នុង​ការ​ចាប់អារម្មណ៍​ចំ​ពេល​មាន​ភាព​តានតឹង​រវាង​កោះ​តៃវ៉ាន់ និង​មហា​យក្ស​ចិន​ក្នុង​រយៈពេល​ប៉ុន្មាន​ថ្ងៃ​ថ្មី​ៗ​នេះ​។

ការ​រុះរើ​គណៈរដ្ឋមន្ត្រី​នេះ​កើតឡើង​ក្រោយ​ពេល​រដ្ឋាភិបាលចម្រុះ​របស់​លោក Fumio Kishida កើន​សំឡេង​ភាគច្រើន​នៅ​ក្នុង​ព្រឹទ្ធសភា​នៅ​ក្នុង​ការ​បោះ​ឆ្នោត​កាលពី​ខែកក្កដា រយៈពេល ២​ថ្ងៃក្រោយ​ពេល​អតីត​នាយក​រដ្ឋមន្ត្រី Shinzo Abe ត្រូវ​បាន​ធ្វើឃាត​។

Picture

ទីភ្នាក់ងារសារព័ត៌មាន Jiji បាន​រាយការណ៍​កាលពី​ថ្ងៃ​សុក្រ ទី ៥ សីហា​ថា រដ្ឋមន្ត្រី​ហិរញ្ញវត្ថុ Shunichi Suzuki នឹង​ត្រូវ​ឲ្យ​កាន់​តំណែង​ដដែល ហើយ​រដ្ឋមន្ត្រី​ឧស្សាហកម្ម Koichi Hagiuda អាច​នឹង​ត្រូវ​រក្សា​ទុក​ផង​ដែរ ឬ​ផ្លាស់​ប្តូរ​ទៅ​កាន់​តំណែង​សំខាន់​មួយទៀត​។

កាសែត Yomiuri ចុះ​ផ្សាយ​ថា រដ្ឋមន្ត្រី​ការ​បរទេស Yoshimasa Hayashi និង​ប្រធាន​ខុទ្ទកាល័យ​លោក Hirokazu Matsuno ក៏​ដូច​ជា​អនុប្រធាន​គណបក្ស Liberal Democratic (LDP) ដែល​កំពុង​កាន់​អំណាច លោក Taro Aso និង​អគ្គលេខាធិការ Toshimitsu Motegi ក៏​ទំនងជា​នឹង​រក្សា​តំណែង​របស់​ពួក​គេ​ផង​ដែរ​៕ (​យោង​តាម​ប្រភព​៖ Reuters)

Picture
Picture