​
រាជធានីភ្នំពេញ៖ យោងតាមការព្យាករធាតុអាកាសសម្រាប់ថ្ងៃទី១៤ ខែមករា ឆ្នាំ២០២៦ តំបន់ខ្ពង់រាបរួមមានខេត្តឧត្តរមានជ័យ ប៉ៃលិន ព្រះវិហារ ក្រចេះ រតនគិរី មណ្ឌលគិរី កំពង់ស្ពឺ ស្ទឹងត្រែង រួមទាំងតំបន់ជួរភ្នំក្រវាញ និងដងរែក នឹងមានធាតុអាកាសត្រជាក់នៅពេលព្រឹក ដោយសីតុណ្ហភាពអប្បបរមាធ្លាក់ចុះមកត្រឹម ១៦អង្សាសេ និងអតិបរមា ២៩អង្សាសេ។ នៅក្នុងតំបន់នេះ ក៏មានខ្យល់បក់មកពីទិសឧត្តរ និងឦសានក្នុងល្បឿនមធ្យម ៦ ម៉ែត្រ/វិនាទី ប៉ុន្តែពុំមានភ្លៀងធ្លាក់ឡើយ។

ដោយឡែក ស្ថានភាពទូទៅនៅទូទាំងប្រទេស រួមទាំងតំបន់វាលទំនាប និងមាត់សមុទ្រ ក៏មានសីតុណ្ហភាពអប្បបរមាទាបបំផុតចន្លោះពី ១៨អង្សាសេ ទៅ ២០អង្សាសេ ផងដែរ ដោយសារឥទ្ធិពលរបបខ្យល់មូសុងឦសានពីប្រទេសចិន ​ដែលនឹងបន្តជះឥទ្ធិពលរហូតដល់ថ្ងៃទី១៦ ខែមករា៕

​