ADផ្ទាំងផ្សព្វផ្សាយពាណិជ្ជកម្ម

Picture

ពលរដ្ឋ​សម្រុក​ធ្វើ​ប័ណ្ណ​ព្រំដែន​កម្ពុជា​-​ថៃ ក្នុង​១​ថ្ងៃ​មិន​តិច​ជាង​៤០០​ទៅ​៥០០​នាក់

1 អាទិត្យ មុន
  • បន្ទាយមានជ័យ

ប្រជាពលរដ្ឋ​បាន​សម្រុក​នាំ​ទៅ​ទៅ​ធ្វើ​ប័ណ្ណ​ព្រំដែន​កម្ពុជា​-​ថៃ​ច្រកចេញ​-​ចូល​តែ​មួយ ក្នុង​១​ថ្ងៃ​មិន​តិច​ជាង​៤០០​នាក់​ទៅ​៥០០​នាក់​នោះ​ទេ

ខេត្តបន្ទាយមានជ័យ ៖ បើ​តាម​សេចក្តីរាយការណ៍​បានឱ្យ​ដឹង​ថា ប្រជាពលរដ្ឋ​បាន​សម្រុក​នាំ​ទៅ​ទៅ​ធ្វើ​ប័ណ្ណ​ព្រំដែន​កម្ពុជា​-​ថៃ​ច្រកចេញ​-​ចូល​តែ​មួយ ក្នុង​១​ថ្ងៃ​មិន​តិច​ជាង​៤០០​នាក់​ទៅ​៥០០​នាក់​នោះ​ទេ នា​ថ្ងៃ​ទី​០៤ ខែសីហា ឆ្នាំ​២០២២​នេះ នៅ​សាលា​ខេត្តបន្ទាយមានជ័យ​។

Picture

លោក ឈើ​ន សូ​រិ​យ៉ា ប្រធាន​អង្គភាព​ច្រកចេញ​-​ចូល​តែ​មួយ​ខេត្តបន្ទាយមានជ័យ បាន​ប្រាប់​ថា ៖ ប្រជាពលរដ្ឋ​បាន​សម្រុក​មក​ធ្វើ​ប័ណ្ណ​ព្រំដែន​កម្ពុជា​-​ថៃ (BORDER PASS) ក្នុង​១​ថ្ងៃ​មិន​តិច​ជាង​៤០០​នាក់​ទៅ​៥០០​នាក់​នៅ​សាលា​ខេត្តបន្ទាយមានជ័យ នា​ថ្ងៃ​ទី​០៤ ខែសីហា ឆ្នាំ​២០២២​នេះ ក្រោយ​អាជ្ញាធរ​ភាគី​ថៃ បាន​សម្រេច​អោយ​ប្រជាពលរដ្ឋ​ដែល​ប្រើប្រាស់​ប័ណ្ណ​ព្រំដែន ចូល​ទៅ​ប្រទេស​ថៃ​តាម​ខេត្ត​ជាប់​ជាយ​ដែន ដោយ​អោយ​ស្នាក់​នៅ​រយៈពេល​៧​ថ្ងៃ​។

Picture

លោក​បាន​បញ្ជាក់​ថា ប័ណ្ណ​ព្រំដែន​កម្ពុជា​-​ថៃ ឬ (BORDER PASS) ដែល​ប្រជាពលរដ្ឋ​ខេត្ត​ជាប់​ជាយ​ដែន​ធ្វើ ចាប់ពី​ថ្ងៃ​ទី​១ ខែមករា ឆ្នាំ​២០២២ ដល់​ថ្ងៃ​ទី​០៤ ខែសីហា ឆ្នាំ​២០២២​នេះ មាន​ប្រជាពលរដ្ឋ​មក​ធ្វើ​មាន​ចំនួន​៣៤.៨៧៥​នាក់ និង​ចំនួន​ដែល​នៅ​សល់​ពី​មុន​ចំនួន​១.១១៤​ប័ណ្ណ ព្រមទាំង​ចំនួន​ដែល​ទទួល​មាន​ចំនួន​៣៩.០០០​ប័ណ្ណ និង​ប្រើ​មាន​ចំនួន​៣៤.៨៧៥​ប័ណ្ណ​និង​នៅ​សល់​៥.២៣៩​ប័ណ្ណ​។

Picture

លោក ឈើ​ន សូ​រិ​យ៉ា បាន​បញ្ជាក់​ថា ប្រជាពលរដ្ឋ​ខ្មែរ​ដែល​ប្រើប្រាស់​ប័ណ្ណ​ព្រំដែន​កម្ពុជា​-​ថៃ ចូល​ទៅ​ប្រទេស​ថៃ​ខេត្ត​ជាប់​ជាយ​ដែន មាន​ខេត្ត​ស្រះ​កែវ និង​ខេត្ត​ប្រា​ជី​ន​បូ​រី ដែល​ត្រូវ​បាន​ភាគី​ថៃ អនុ​ញ្ញតិ​អោយ​ស្នាក់​នៅ​រយៈពេល​៣​ថ្ងៃ​២​យប់ តែ​ប្រជាពលរដ្ឋ​ថៃ​ចូល​មក​កម្ពុជា​វិញ​ដោយ​អាជ្ញាធរ​កម្ពុជា អនុញ្ញាតិ​ឱ្យ​ស្នាក់​នៅ​រយៈពេល​៧​ថ្ងៃ ។ ជា​ការ​យកចិត្តទុកដាក់​ពី​ឯកឧត្តម​អភិបាល​ខេត្តបន្ទាយមានជ័យ ដើម្បី​សម្របសម្រួល រហូត​ដល់​ថ្ងៃ​ទី​០៤ ខែសីហា ឆ្នាំ​២០២២​នេះ អាជ្ញាធរ​ភាគី​ថៃ ក៏​បាន​សម្រេច​អោយ​ប្រជាពលរដ្ឋ​ខ្មែរ​ខេត្ត​ជាប់​ជាយ​ដែន ទៅ​ប្រទេស​ថៃ អាច​ស្នាក់​នៅ​បាន​រយៈពេល​៧​ថ្ងៃ​ដូច​គ្នា​៕

Picture
Picture
Picture
Picture
Picture