រន្ធត់ ! ម្នាក់ធ្លាយខួរស្លា.ប់យ៉ាងអាណោចអាធ័ម ម្នាក់បាក់កជើង
រាជធានីភ្នំពេញ ៖ យុវជនម្នាក់បានបែកក្បាលធ្លាយខួរស្លា.ប់យ៉ាងអាណោចអាធ័ម ចំណែកនារីវ័យក្មេងម្នាក់ដែលរួមដំណើរជាមួយបានរងរបួសធ្ងន់ ខណៈ …
រាជធានីភ្នំពេញ ៖ យុវជនម្នាក់បានបែកក្បាលធ្លាយខួរស្លាប់យ៉ាងអាណោចអាធ័ម ចំណែកនារីវ័យក្មេងម្នាក់ដែលរួមដំណើរជាមួយបានរងរបួសធ្ងន់ ខណៈជិះម៉ូតូបុកពីក្រោយរថយន្តប្រមូលសំរាមស៊ីនទ្រី ។ ហេតុការណ៍នេះកើតឡើងកាលពីវេលាម៉ោង១១ និង៣០នាទីយប់ ថ្ងៃទី៨ ខែមករា ឆ្នាំ២០១៧ លើកំណាត់ផ្លូវសហព័ន្ធរុស្សី មុខក្រុមហ៊ុនលក់រថយន្ត NISSAN ស្ថិតក្នុងភូមិប៉ប្រ៉កខាងជើង សង្កាត់កាកាប ខណ្ឌពោធិ៍សែនជ័យ ។
ជនរងគ្រោះដែលស្លាប់ឈ្មោះ លី ឆាយហុង ភេទប្រុស អាយុ២១ឆ្នាំ មុខរបរបុគ្គលិកក្រុមហ៊ុនលក់គ្រឿងបន្លាស់ទូរស័ព្ទ រីឯនារីត្រូវជាប្អូនជីដូនមួយរងរបួសបាក់ជើងឈ្មោះ តាល់ ស្រីណុច អាយុ២០ឆ្នាំ ធ្វើការជាមួយគ្នា ស្នាក់នៅភូមិតាំងកសាងខាងត្បូង សង្កាត់កាកាប ខណ្ឌពោធិ៍សែនជ័យ ទាំង២នាក់ជិះម៉ូតូម៉ាកស៊ុយស៊ីគី និច ពណ៌លឿង ពាក់ស្លាកលេខភ្នំពេញ 1FF-0575 ធ្វើដំណើរពីកើតទៅលិច ។ បើតាមសម្តីរបស់សាច់ញាតិប្រាប់អោយដឹងថា ជនរងគ្រោះទើបនឹងចេញពីខួបកំណើតមិត្តភក្តិ ។
បើតាមសម្ដីអ្នកឃើញហេតុការណ៍បានឲ្យដឹងថា មុនពេលកើតហេតុ គេឃើញជនរងគ្រោះទាំង២នាក់ជិះម៉ូតូក្នុងល្បឿនលឿន ពេលមកដល់ចំណុចកើតហេតុម៉ូតូបានបើកវ៉ាជែងរថយន្ត១គ្រឿងពីខាងស្ដាំដៃ តែមិនបានឃើញរថយន្តក្រុមហ៊ុនប្រមូលសំរាមស៊ីនទ្រីកំពុងតែឈប់ប្រមូលសំរាមនោះទេ ក៏ជ្រុលទៅបុកចំពីក្រោយរថយន្តដឹកសំរាមនោះបណ្ដាលឲ្យអ្នកបើកម៉ូតូស្លាប់ភ្លាមៗនៅនឹងកន្លែងកើតហេតុ ចំណែកនារីរួមដំណើរជាមួយរងរបួសបាក់កជើងខាងឆ្វេង ។
បើតាមប្រភពមួយផ្សេងទៀតបានឲ្យដឹងថា ដោយសារតែម៉ូតូខាងលើជិះលឿនពេកក៏ជ្រុលទៅបុករថយន្តប្រមូលសំរាមតែម្ដងទៅ ។
ក្រោយពេលកើតហេតុ នារីរងគ្រោះត្រូវបានរថយន្តសង្គ្រោះឯកជនមកដឹកយកទៅសង្គ្រោះ ដោយឡែកសពត្រូវបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ។ ចំណែករថយន្ត និងម៉ូតូបានសមត្ថកិច្ចចរាចរណ៍ខណ្ឌសហការជាមួយជំនាញចរាចរណ៍ក្រុងវាស់វែងយកទៅរក្សាទុកនៅការិយាល័យចរាចរណ៍ក្រុង រងចាំការដោះស្រាយនៅពេលក្រោយ ៕
ចែករំលែកព័តមាននេះ