ឯកឧត្តម យី វាសនា ជាប់ឆ្នោតជាអនុប្រធានសហព័ន្ធកីឡាជនពិការអាស៊ានអាណត្តិថ្មីបន្តទៀត
- ភ្នំពេញ
ឥណ្ឌូនេស៊ី ៖ ឯកឧត្តម យី វាសនា អគ្គលេខាធិការនៃគណៈកម្មាធិការជាតិប៉ារ៉ាឡាំពិកកម្ពុជា ត្រូវ
ឥណ្ឌូនេស៊ី ៖ ឯកឧត្តម យី វាសនា អគ្គលេខាធិការនៃគណៈកម្មាធិការជាតិប៉ារ៉ាឡាំពិកកម្ពុជា ត្រូវបានបោះឆ្នោតគាំទ្របន្តតំណែងជាអនុប្រធានសហព័ន្ធកីឡាជនពិការអាស៊ីអាគ្នេយ៍(APSF)អាណត្តិថ្មីឆ្នាំ២០២២-២០២៦ នៅក្នុងកិច្ចប្រជុំគណៈកម្មាធិការប្រតិបត្តិកីឡាជនពិការអាស៊ានកាលពីថ្ងៃទី២ ខែសីហា ឆ្នាំ២០២២ នៅសណ្ឋាគារSwiss-bei Hotelក្នុងទីក្រុងសូឡូ ប្រទេសឥណ្ឌូនេស៊ី។
ឯកឧត្តម យី វាសនា ដែលត្រូវបានបោះឆ្នោតគាំទ្រធ្វើជាអនុប្រធានសហព័ន្ធកីឡាជនពិការអាស៊ី
អាគ្នេយ៍ទទួលបន្ទុកយុទ្ធសាស្ត្រ-អភិវឌ្ឍន៍អាណត្តិថ្មីនេះ បន្ទាប់ពីរូបលោកទទួលបានសំឡេងគាំទ្រចំនួន៩ទល់នឹងលោកAdmisral Dato Subramaniam Raman អគ្គលេខាធិការទី១នៃគណៈ
កម្មាធិការជាតិប៉ារ៉ាឡាំពិកម៉ាឡេស៊ី ដែលរកបានតែ១សំឡេងប៉ុណ្ណោះ។
ចំណែកលោក Osoth Bhavilai អាយុ៧១ឆ្នាំ បានជាប់ឆ្នោតជាប្រធានសហព័ន្ធកីឡាជនពិការអាស៊ានអាណត្តិថ្មីឆ្នាំ២០២២-២០២៦ដោយលោកទទួលបានការគាំទ្រ៧សំឡេងទល់នឹងប្រធានក្រុមប្រឹក្សាប៉ារ៉ាឡាំពិកម៉ាឡេស៊ីDato Seri D.Shahriman Zaharuddinដែលទទួលបានតែ១សំឡេង និងប្រធានគណៈកម្មាធិការជាតិប៉ារ៉ាឡាំពិកសិង្ហបុរីលោកTeo-Koh Sock Miangទទួលបាន១សំឡេងដូចគ្នា ។
រីឯអនុប្រធានចំនួន៣រូបផ្សេងទៀតក៏បានជាប់ឆ្នោតបន្តអាណត្តិថ្មីឆ្នាំ២០២២-២០២៦ដែរ មានលោកWalter Francis K-Torres មកពីប្រទេសហ្វីលីពីនទទួលបន្ទុកគណៈកម្មាធិការកីឡាលោកThan Than Hty មកពីប្រទេសមីយ៉ាន់ម៉ា ទទួលបន្ទុកគណៈកម្មាធិការវេជ្ជសាស្ត្រនិងវិទ្យាសាស្ត្រកីឡា និងលោកSenny Marbumប្រធានគណៈកម្មាធិការជាតិប៉ារ៉ាឡាំពិកឥណ្ឌូនេស៊ីទទួលបន្ទុកគណៈកម្មាធិការព័ត៌មាននិងទីផ្សារ។
ដោយឡែកលោកCharnvit Munikanondមកពីប្រទេសថៃត្រូវបានជាប់ឆ្នោតជាអគ្គហិរញ្ញឹកនិងលោកស្រីWandee Tosuwanត្រូវបានជាប់ឆ្នោតបន្តជាអគ្គលេខាធិការសហព័ន្ធកីឡាជនពិការអាស៊ានអាណត្តិថ្មី ៕
ចែករំលែកព័តមាននេះ