ចម្លែកមែនទែន ! ត្រាក់ទ័រពាក់ស្លាកលេខរាជការ
ខេត្តបន្ទាយមានជ័យ ៖ គ្រោះថ្នាក់ចរាចរណ៍រវាងរថយន្តក្រុងបុកជាមួយត្រាក់ទ័រសណ្ដោងរ៉ឺម៉កក្នុងដំណើរស្របទិសគ្នា វាគ្រាន់តែជារឿងតូចតាច ព្រោះពុំមានអ្នករងរបួសទេ …
ខេត្តបន្ទាយមានជ័យ ៖ គ្រោះថ្នាក់ចរាចរណ៍រវាងរថយន្តក្រុងបុកជាមួយត្រាក់ទ័រសណ្ដោងរ៉ឺម៉កក្នុងដំណើរស្របទិសគ្នា វាគ្រាន់តែជារឿងតូចតាច ព្រោះពុំមានអ្នករងរបួសទេ …
ខេត្តបន្ទាយមានជ័យ ៖ គ្រោះថ្នាក់ចរាចរណ៍រវាងរថយន្តក្រុងបុកជាមួយត្រាក់ទ័រសណ្ដោងរ៉ឺម៉កក្នុងដំណើរស្របទិសគ្នា វាគ្រាន់តែជារឿងតូចតាច ព្រោះពុំមានអ្នករងរបួសទេ ផ្ទុយទៅវិញ អ្វីដែលចម្លែកគឺត្រាក់ទ័ររងគ្រោះពាក់ស្លាកលេខរាជការ ។ ហេតុការណ៍គ្រោះថ្នាក់នេះបានកើតឡើងកាលពីព្រឹក ថ្ងៃទី៨ ខែមករា ឆ្នាំ២០១៧ នៅលើផ្លូវជាតិលេខ៥ ស្ថិតក្នុងភូមិនិមិត្ត១ សង្កាត់និមិត្ត ក្រុងប៉ោយប៉ែត ។
ករណីគ្រោះថ្នាក់ចរាចរណ៍ខាងលើនេះត្រូវបានលោក ម៉ារិន មេប៉ុស្តិ៍រដ្ឋបាលនគរបាលសង្កាត់និមិត្តប្រាប់ថា ដំបូងយានយន្តទាំង២បើកស្របទិសគ្នាពីលិចទៅកើត ដោយត្រាក់ទ័រសណ្តោងរ៉ឺម៉កបើក ខាងមុខ លុះដល់ចំណុចកើតហេតុស្រាប់រថយន្តក្រុងបើកវ៉ារថយន្តមួយទៀត ហើយសង្ស័យវាក់នឹងរថយន្តខាងមុខក៏បត់ចូលស្តាំវិញក៏បុករ៉ឺម៉កសណ្តោងត្រាក់ទ័រនោះពីក្រោយ បណ្តាលឲ្យត្រាក់ទ័រនោះធ្លាក់ចូលស្នាមភ្លោះ តែសំណាងល្អគ្មានអ្នករងគ្រោះទេ ។
លោកមេប៉ុស្តិ៍ប្រាប់ថា មិនបានដឹងថាត្រាក់ទ័ររងគ្រោះនេះពាក់ស្លាករាជការទេ ។ លោកបន្តថា ម្ចាស់ត្រាក់ទ័រជាចៅសង្កាត់រងទី១ សង្កាត់និមិត្ត ឈ្មោះ ម៉ុក ណារិទ្ធ ភេទប្រុស មានទីលំនៅភូមិដុងអារញ្ញសង្កាត់និមិត្ត ក្រុងប៉ោយប៉ែត ។
ជុំវិញស្លាកលេខរាជការបំពាក់លើត្រាក់ទ័រ ត្រូវម្ចាស់ប្រាប់ថា ក្មេងៗយកទៅបំពាក់លេង ខណៈឃើញនៅទំនេរ សូម្បីតែគាត់ក៏មិនបានដឹងដែរ ៕
ចែករំលែកព័តមាននេះ