ការផ្តល់កំណើតកូនប្រុសផ្តល់ភាពតានតឹងបន្ថែមទៀតលើរាងកាយជាជាងការមានកូនស្រី នេះបើយោងតាមក្រុមអ្នកស្រាវជ្រាវបានអះអាង ។
ពួកគេបាននិយាយថា ទារកជាច្រើនបង្កើតសារធាតុគីមីដែលបង្កឱ្យមានការរលាកដល់ម្តាយ ដែលអាចប៉ះពាល់ដល់កោសិការបស់ពួកគាត់។ ការមានកូនប្រុសអាចបង្កឲ្យមានផលវិបាកទាំងនេះជាងកូនស្រី ។ វាអាចនាំឲ្យមានហានិភ័យសុខភាពរយៈពេលវែងចំពោះស្ត្រីដែលមានកូនប្រុស។ ក្រុមអ្នកវិទ្យាសាស្ត្រជឿថា វាថែមទាំងរួមចំណែកដល់ការអភិវឌ្ឍនៃជំងឺធ្លាក់ទឹកចិត្ត ឬជំងឺភ្លេចភ្លាំង ។
លោក Javier Diaz-Castro Granada ប្រទេសអេស្ប៉ាញបានឱ្យដឹងថា ការផ្តល់កំណើតកូនប្រុសឬកូនស្រី មានការឈឺចាប់ដូចគ្នា ។ ប៉ុន្តែលោកបាននិយាយថា ការមានកូនប្រុសនឹងធ្វើឲ្យមានការខូចខាតកោសិកាកាន់តែច្រើន ដោយសារកូនប្រុសមានទំនោរបង្កើតសារជាតិគីមីខ្លាំងជាង។ ដោយសារកូនប្រុសបង្កើតសារធាតុបន្ថែមទៀតដែលគេស្គាល់ថាជារ៉ាឌីកាល់សេរី ដែលធ្វើឲ្យរាងកាយម្តាយឆ្លើយតបនឹងសារធាតុទាំងនេះ ដោយវាគិតថាជាការឆ្លងមេរោគ។ ដូច្នេះវាបណ្តាលឲ្យមានការរលាក និងការខូចខាតជាច្រើន ៕
ចែករំលែកព័តមាននេះ