ភាគីថៃសម្រេចឱ្យពលរដ្ឋខ្មែរប្រើប្រាស់ប័ណ្ណឆ្លងដែន អាចស្នាក់នៅបាន៧ថ្ងៃដូចមុន
- បន្ទាយមានជ័យ
ភាគីថៃបានសម្រេចអោយប្រជាពលរដ្ឋខ្មែរ ប្រើប្រាស់ប័ណ្ណឆ្លងដែនស្នាក់នៅបានរយៈពេល៧ថ្ងៃ គឺចាប់ពី
ភាគីថៃបានសម្រេចអោយប្រជាពលរដ្ឋខ្មែរ ប្រើប្រាស់ប័ណ្ណឆ្លងដែនស្នាក់នៅបានរយៈពេល៧ថ្ងៃ គឺចាប់ពី
ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា ភាគីថៃបានសម្រេចអោយប្រជាពលរដ្ឋខ្មែរ ប្រើប្រាស់ប័ណ្ណឆ្លងដែនស្នាក់នៅបានរយៈពេល៧ថ្ងៃ គឺចាប់ពីថ្ងៃទី០៤ ខែសីហា ឆ្នាំ២០២២នេះទៅ។
បើតាមមន្ត្រីគណៈកម្មការច្រកទ្វារអន្តរជាតិប៉ោយប៉ែត បានប្រាប់ឱ្យថា ភាគីថៃបានសម្រេចអោយប្រជាពលរដ្ឋខ្មែរ ដែលប្រើប្រាស់ប័ណ្ណព្រំដែន (Border Pass) អោយស្នាក់នៅរយៈ៧ថ្ងៃដូចមុនហើយ ដែលអនុវត្តន៍ចាប់ពីថ្ងៃទី០៤ ខែសីហា ឆ្នាំ២០២២ នេះតទៅ។
មន្ត្រីរូបនោះបានបញ្ជាក់ថា រយៈពេលកន្លងមក ប្រជាពលរដ្ឋខ្មែរដែលប្រើប្រាស់ប័ណ្ណព្រំដែនកម្ពុជា-ថៃ ត្រូវបានភាគីថៃអនុញ្ញាតិស្នាក់នៅរយៈពេល៣ថ្ងៃ២យប់ និងប្រជាពលរដ្ឋថៃចូលមកកម្ពុជា អនុញ្ញាតិអោយ៧ថ្ងៃ។
មន្ត្រីរូបនោះបានបញ្ជាក់ទៀតថា ប័ណ្ណព្រំដែនកម្ពុជា-ថៃនេះ គឺប្រើប្រាស់សម្រាប់ប្រជាពលរដ្ឋខេត្តជាប់ជាយដែន ហើយអាចមានសិទ្ធិដើរបានតែ១ខេត្តជាប់ជាយដែនប៉ុណ្ណោះ បើចេញ-ចូលតាមច្រកអន្តរជាតិប៉ោយប៉ែត ។ ហើយភាគីថៃចូលមកកម្ពុជា គឺមានខេត្តបន្ទាយមានជ័យ ចំណែកកម្ពុជាដែលចូលតាមច្រកខ្លងលឹក ចូលបានខេត្តស្រះកែវ ប្រទេសថៃ។
គួរបញ្ជាក់ថា ការចេញ-ចូលតាមច្រកទ្វាអន្តរជាតិប៉ោយប៉ែយ ត្រូវអនុវត្តការណែនាំរបស់ក្រសួងសុខភិបាល ដោយពិនិត្យសុខភាព ហើយភាគីថៃលុបចោលការទិញ (ថៃឡិនថាស និងធានារ៉ាប់រងសុខភាព) ផងដែរ៕
ចែករំលែកព័តមាននេះ