ជឺជីតស៊ូកម្ពុជា ឈ្នះមេដាយ១២គ្រឿងពីការប្រកួត SIAM Cup នៅថៃ
- ភ្នំពេញ
រាជធានីភ្នំពេញ ៖ ក្រុមកីឡាជឺជីតស៊ូកម្ពុជា បានឈ្នះមេដាយសរុបចំនួន១២គ្រឿងពីការចូលរួម
រាជធានីភ្នំពេញ ៖ ក្រុមកីឡាជឺជីតស៊ូកម្ពុជា បានឈ្នះមេដាយសរុបចំនួន១២គ្រឿងពីការចូលរួម
រាជធានីភ្នំពេញ ៖ ក្រុមកីឡាជឺជីតស៊ូកម្ពុជា បានឈ្នះមេដាយសរុបចំនួន១២គ្រឿងពីការចូលរួមប្រកួតក្នុងព្រឹត្តិការណ៍កីឡាជឺជីតស៊ូអន្តរជាតិ SIAM CUP នៅទីក្រុងបាងកក ប្រទេសថៃ ដែលបានប្រព្រឹត្តទៅនៅថ្ងៃទី៣០ ខែកក្កដា ឆ្នាំ២០២២ ។
លោក សៀន សុភក្ត្រ អគ្គលេខាធិការសហព័ន្ធកីឡាជឺជីតស៊ូកម្ពុជាបញ្ជាក់ថា នៅក្នុងព្រឹត្តិការណ៍នេះ មានប្រទេសចូលរួមចំនួន៣៩ ហើយប្រភេទកីឡាជឺជីតស៊ូកម្ពុជា ទទួលបានចំណាត់ថ្នាក់លេខ១២ ដោយដណ្ដើមបានមេដាយចំនួន១២គ្រឿង ក្នុងនោះមេដាយមាស០៣គ្រឿង ប្រាក់០៣គ្រឿង និងសំរឹទ្ធ០៦គ្រឿង ។
ជាមួយនឹងការដណ្តើមបានមេដាយនេះ លោកសៀន សុភក្ត្រ បានចាត់ទុកថា វាជាឱកាសដ៏ល្អ
ប្រសើរសម្រាប់កីឡាករ កីឡាការិនីជឺជីតស៊ូកម្ពុជា ដកស្រង់បច្ចេកទេសបន្ថែម ដោយអ្នកខ្លះជាកីឡាករ កីឡាការិនីថ្នាល ដែលកំពុងបណ្តុះបណ្តាលសម្រាប់គោលដៅខាងមុខ និងខ្លះទៀតជាជម្រើសជាតិ ដែលកំពុងសម្រួចគោលដៅ ឆ្ពោះទៅស្វែងរកមេដាយជូនជាតិ សម្រាប់ការប្រកួតកីឡាស៊ីហ្គេមលើកទី៣២ ឆ្នាំ២០២៣ ជាប្រវត្តិសាស្ត្រដំបូងរបស់ព្រះរាជាណាចក្រកម្ពុជា ៕
ចែករំលែកព័តមាននេះ