ADផ្ទាំងផ្សព្វផ្សាយពាណិជ្ជកម្ម

Picture

សូមប្រុងប្រយ័ត្ន! បុរសម្នាក់ បរិភោគសត្វខ្ញុង ពុល ខ្ទេចគ្រឿងក្នុង បណ្តាលឱ្យស្លា.ប់

1 អាទិត្យ មុន
  • ភ្នំពេញ

កំពង់ធំ៖ បុរសម្នាក់ បានហូបសត្វល្អិត បណ្ដាលឱ្យពុលស្លា.ប់​បាត់បង់ជីវិត មិនអាចជួយ​សង្គ្រោះបាន។  ជនរងគ្រោះឈ្មោះ ឈន ឈឿន ភេទប្រុស អាយុ…

កំពង់ធំ៖ បុរសម្នាក់ បានហូបសត្វល្អិត បណ្ដាលឱ្យពុលស្លា.ប់​បាត់បង់ជីវិត មិនអាចជួយ​សង្គ្រោះបាន។  ជនរងគ្រោះឈ្មោះ ឈន ឈឿន ភេទប្រុស អាយុ ៤២ឆ្នាំ មុខរបរធ្វើស្រែចម្ការ ត្រូវបានសាច់ញាតិដឹកទៅសង្គ្រោះនៅមន្ទីរពេទ្យកាលម៉ែត ក្នុង​រាជធានីភ្នំពេញ។ ប៉ុន្តែ​​ដោយសារតែអាការនៃឥទ្ធិពលសារជាតិពុលជ្រាបចូលពេញខ្លួន បណ្តាលឱ្យស្លា.ប់បាត់បង់ជីវិត។

ជនរងគ្រោះ បាន​បរិភោគសត្វល្អិតម្យ៉ាង ដែលត្រូវបានគេស្គាល់ថា «ខ្ញុងខ្មៅក្រហម» ហើយសាកសពត្រូវបានដឹកចេញពីពេទ្យកាល់ម៉ែត យកមកធ្វើបុណ្យនៅស្រុកវិញ កាលពីរសៀលថ្ងៃទី​១ ខែសីហា ឆ្នាំ២០២២។

គួរ​រំលឹកថា ហេតុការណ៍ពុលសត្វខ្ញុងនេះ បាន​កើត​ឡើង​ នៅព្រឹកថ្ងៃទី២៩ ខែកក្កដា ឆ្នាំ២០២២ កន្លងទៅស្ថិតនៅក្នុងចំការដំឡូងមីមួយកន្លែង ក្នុងភូមិអូរខ្សង់​ ឃុំសាគ្រាម​ ស្រុកប្រាសាទបល្ល័ង្ក ខេត្តកំពង់ធំ​។

មន្ត្រីនគរបាលប៉ុស្តិ៍សាគ្រាម បានឲ្យដឹងថា តាមការរៀបរាប់ពីក្រុមសាច់ញាតិ​ ដំបូងឡើយ ជនរងគ្រោះ និងម្តាយបានទៅចំការដំឡូង។ បុរសរងគ្រោះខាងលើ ជាកូនបានឃើញគេ​ដាក់លក់សត្វនេះ គាត់គិតថាបើទិញយកទៅលីងហូបប្រហែលជាឆ្ងាញ់ហើយមើលទៅ! គាត់ក៏បានទិញវាយកមកលាងទឹក រួចក៏ចម្អិនលីងវាឆ្អិនហើយ ក៏ហូប។ ម្តាយបានសាកហូប​ចូលមាត់បន្តិច ក៏ខ្ជាក់ចេញវិញ ដោយស្រែកប្រាប់ថា ល្វីងណាស់!។ ចំណែក​កូនប្រុស បានបន្តហូបសត្វនេះ ធម្មតា​។ បន្ទាប់ពីហូបសត្វនេះរួច ម្តាយបានខ្ជាក់ចោលហើយ​គាត់បានផឹកទឹកដូង ធ្វើឱ្យ​ជាតិពុល ក៏សាបអស់ទៅ។ ចំណែកកូនគាត់ហូបច្រើន ក៏ចាប់ផ្តើម មានអាការៈមិនស្រួលខ្លួន រាកផង ក្អួតផង ដោយគិតស្មានថា វាមិនអីទេ គ្រាន់តែពុល​ចំណីធម្មតា។ គាត់ក៏មិនបានយកកូនទៅព្យាបាលនៅមន្ទីរពេទ្យភ្លាមៗ​នោះទេ គឺគាត់បាន​ប្រើថ្នាំព្យាបាល នៅផ្ទះអស់រយៈពេលប្រហែលពីរបីថ្ងៃ សភាពជំងឺហាក់មិនថយសោះ ហើយកាន់​តែធ្ងន់ធ្ងរឡើងៗ ឃើញដូច្នេះ សាច់ញាតិ ក៏សម្រេចដឹករូបគាត់ទៅកាន់មន្ទីរពេទ្យ នៅពេលដឹកទៅ​ដល់មន្ទីរពេទ្យ ក្រោយពីត្រួតពិនិត្យយ៉ាងយកចិត្តទុកដាក់រួចមក គ្រូពេទ្យបានប្រាប់ថា ហួសពេល​ហើយ គ្រឿងក្នុងសំខាន់ៗរបស់ជនរងគ្រោះ ត្រូវបានជាតិពុលបំផ្លិចបំផ្លាញអស់ហើយ គ្រូពេទ្យ មិនអាចជួយសង្គ្រោះជីវិតបានទេ។

ឮដូច្នេះសាច់ញាតិ ក៏សម្រេចចិត្តដឹកជនរងគ្រោះមកផ្ទះទាំងសោកស្តាយជាពន់ពេក ដើម្បីយក​មក​ធ្វើបុណ្យតាមប្រពៃណីព្រះពុទ្ធសាសនា នៅរសៀលថ្ងៃទី០១ ខែសីហាឆ្នាំ២០២២។

​អ្នកស្រុកស្គាល់សត្វល្អិតប្រភេទនេះ បានឱ្យដឹងថា សត្វ​ល្អិតនេះ មានឈ្មោះថា ខ្ញុងខ្មៅក្រហម ឬពព្លះខ្មៅក្រហម។ សត្វល្អិត​​ប្រភេទនេះ វាមានរូបរាងតូច ស្ថិតនៅក្នុងចំណោមសត្វល្អិតម្យ៉ាង ដែលគេមិនអាចយក​មកបរិភោគបានទេ បើទោះបីជាបានចម្អិនរួចហើយក៏ដោយ ពីព្រោះជាតិពុល នៅក្នុងខ្លួនរបស់វាខ្លាំងណាស់ បើមនុស្ស​ ឬក៏សត្វ បរិភោគសត្វល្អិតប្រភេទនេះហើយ នឹងត្រូវ​ទទួល​រងការខូច​ខាត​យ៉ាងធ្ងន់ធ្ងរ​ដល់​គ្រឿងក្នុងសំខាន់ៗ ដូចជា ក្រពះពោះវៀន, ក្រលៀន និងផ្លូវ​បង្ហួរនោម ព្រោះវាមានផ្ទុកកំហាប់ដ៏ច្រើននៃសារធាតុពុល៕ ថុក សុខា

Picture
Picture
Picture
Picture