យុវជនម្នាក់បានស្លា.ប់ក្នុងថ្លុកឈាមយ៉ាងអាណោចអាធ័ម
ខេត្តបន្ទាយមានជ័យ ៖ យុវជនម្នាក់បានស្លា.ប់ក្នុងថ្លុកឈាមភ្លាមៗបន្ទាប់ពីបើកម៉ូតូទៅបុកគោយន្តកន្ត្រៃពីក្រោយកាលពីវេលាម៉ោង៥ និង៥០នាទីល្ងាច ថ្ងៃទី០៣ ខែមករា …
ខេត្តបន្ទាយមានជ័យ ៖ យុវជនម្នាក់បានស្លា.ប់ក្នុងថ្លុកឈាមភ្លាមៗបន្ទាប់ពីបើកម៉ូតូទៅបុកគោយន្តកន្ត្រៃពីក្រោយកាលពីវេលាម៉ោង៥ និង៥០នាទីល្ងាច ថ្ងៃទី០៣ ខែមករា …
ខេត្តបន្ទាយមានជ័យ ៖ យុវជនម្នាក់បានស្លាប់ក្នុងថ្លុកឈាមភ្លាមៗបន្ទាប់ពីបើកម៉ូតូទៅបុកគោយន្តកន្ត្រៃពីក្រោយកាលពីវេលាម៉ោង៥ និង៥០នាទីល្ងាច ថ្ងៃទី០៣ ខែមករា ឆ្នាំ២០១៧ លើកំណាត់ផ្លូវជាតិលេខ៥៦ ក្បែរស្នាក់ការកងរាជអាវុធហត្ថថ្មដែកកេះ ស្ថិតក្នុងភូមិថ្មដែកកេះ ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ។
លោកអនុសេនីយ៍ឯក អ៊ុយ ផល្លី អធិការរងនគរបាលស្រុកថ្មពួក បានឲ្យដឹងថា ជនរងគ្រោះឈ្មោះ ជី សុជាតិ ភេទប្រុស អាយុ១៩ឆ្នាំ នៅភូមិស្រះជ្រៃ ឃុំបន្ទាយឆ្មារ ស្រុកថ្មពួក ជិះម៉ូតូម៉ាកហុងដាសេ១០០ស៊េរីចាស់ ពណ៌ស គ្មានស្លាកលេខ ចំណែកអ្នកបើកគោយន្តកន្ត្រៃឈ្មោះ ឆាម ការី ភេទប្រុស អាយុ១៩ឆ្នាំ នៅភូមិក្បាលទន្សោង ឃុំបន្ទាយឆ្មារ ស្រុកថ្មពួក ។
លោកអធិការរងបញ្ជាក់ទៀតថា តាមសាក្សីបានដែលបានឃើញនៅកន្លែងកើតហេតុ គឺមុនពេលកើតហេតុ យុវជនម្នាក់បើកម៉ូតូយ៉ាងលឿនក្នុងទិសដៅពីជើងទៅត្បូង ហើយដោយម៉ូតូគ្មានភ្លើងបំភ្លឺផ្លូវ ខណៈដល់កន្លែងកើតហេតុបានបុកគោយន្តកន្ត្រៃកំពុងឈប់លក់ត្រីនៅលើចិញ្ចើមថ្នល់ខាងស្តាំដៃពីក្រោយពេញទំហឹង បណ្តាលឲ្យអ្នកបើកម៉ូតូខ្ទាតទៅបុកនឹងកែងជ្រុងរ៉ឺម៉កគោយន្តស្លាប់ភ្លាមៗមួយរំពេច ។
ក្រោយពេលកើតហេតុ សមត្ថកិច្ចនគរបាលចរាចរណ៍ស្រុកបានចុះទៅធ្វើការវាស់វែង និងនាំខ្លួនអ្នកបើកគោយន្តមកធ្វើសាកសួរ រីឯវត្ថុតាងត្រូវបាននាំយកមករក្សាទុកនៅអធិការដ្ឋាននគរបាលស្រុកថ្មពួក ដើម្បីរងចាំធ្វើការដោះស្រាយតាមច្បាប់ផងដែរ ៕
ចែករំលែកព័តមាននេះ