ខេត្តកំពង់ឆ្នាំង ៖ ជំនាញទេសចរណ៍បដិសណ្ឋារកិច្ច បានរៀបចំបណ្តុះបណ្តាលរយៈពេល៥ថ្ងៃ ដល់សមាជិកសមាគមន៍ទេសចរណ៍ ទឹកធ្លាក់ស្រែអំពិល បានបញ្ចប់នៅថ្ងៃទី៣១ ខែកក្កដានេះ ។ ការបណ្តុះបណ្តាលនេះជាការបំពាក់ជំនាញទេសចរណ៍តាមស្តង់ដារដើម្បីសហគមន៍បម្រើអ្នកទេសចរដែលបានទៅដល់សហគមន៍ខ្លួន…
ខេត្តកំពង់ឆ្នាំង ៖ ជំនាញទេសចរណ៍បដិសណ្ឋារកិច្ច បានរៀបចំបណ្តុះបណ្តាលរយៈពេល៥ថ្ងៃ ដល់សមាជិកសមាគមន៍ទេសចរណ៍ ទឹកធ្លាក់ស្រែអំពិល បានបញ្ចប់នៅថ្ងៃទី៣១ ខែកក្កដានេះ ។ ការបណ្តុះបណ្តាលនេះជាការបំពាក់ជំនាញទេសចរណ៍តាមស្តង់ដារដើម្បីសហគមន៍បម្រើអ្នកទេសចរដែលបានទៅដល់សហគមន៍ខ្លួន ។
លោក សេង សាលី ប្រធានមន្ទីរទេសចរណ៍ខេត្តកំពង់ឆ្នាំង បានឲ្យដឹងថា មានសិក្ខាកាមសរុបចំនួន៣៧នាក់ ដែលសុទ្ធសឹងតែជាសមាជិកសមាគមទឹកធ្លាក់ស្រែអំពិល បានចូលរួមការបណ្តុះបណ្តាលនេះ ។
លោកថា ការបណ្តុះបណ្តាលនេះចង់ឱ្យសមាជិកសហគមន៍ចេះរៀបចំខ្លួនធ្វើបដិសណ្ឋារកិច្ចចំពោះភ្ញៀវទេចរដែលបានចូលមកលេងកម្សាន្ត ចង់ឱ្យសមាជិកសហគមន៍ចេះរៀបចំ ការចម្អិនម្ហូបអាហារប្រកបដោយអនាម័យ ។
ប្រធានមន្ទីរ ខេត្តកំពង់ឆ្នាំងក៏បានសំណូមពរដល់ក្រសួងទេសចរណ៍ ជួយធ្វើផ្លូវកៅស៊ូចូលទៅតំបន់ទឹកធ្លាក់ស្រែអំពិល តំបន់ទឹកធ្លាក់ថ្មក្រាល និងតំបន់ទឹកធ្លាក់អន្លង់ស្វាយ ព្រមទាំងសូមជួយដាក់បង្គោលអង់តែនទូរស័ព្ទបង្កើនសេវ៉ាអ៊ីនធឺណែត តាមតំបន់ទឹកធ្លាក់ទាំងនោះ ដើម្បីភ្ញៀវទេសចរពេលមកលេងកំសាន្តបានបង្ហោះពីរូបភាព ទេសភាព ទឹកធ្លាក់ បានភ្លាមៗ ដែលជាចំណុចទាក់ទាញ និងបង្កើនភ្ញៀវទេសចរណ៍ឱ្យមកលេងខេត្តកំពង់ឆ្នាំងកាន់តែច្រើនឡើងថែមទៀត ។
លោក ម៉ឹង វិសាលសុខ មេឃុំក្តុលសែនជ័យ បានសំណូមពរដល់ក្រសួងជួយឧបត្ថម្ភចង្ក្រានសំរាប់ដុតសំរាម សម្រាប់ការដុតកាកសំណល់ក្នុងតំបន់ទឹកធ្លាក់ស្រែអំពិលផងដែរ ។
លោក ជុក ជំនោរ ប្រធាននាយកដ្ឋានអភិវឌ្ឍន៍ ផលិតផលទេសចរណ៍ ក្រសួងទេចរណ៍ដែលបានចូលរួមបិទវគ្គបណ្តុះបណ្តាលនេះបានផ្ដាំផ្ញើដល់សមាជិកសហគមន៍ទឹកធ្លាក់ស្រែអំពិល សូមយកចិត្តទុកដាក់ថែរក្សាការពារដែនធម្មជាតិរបស់ខ្លួនឲ្យបានគង់វង្ស និងត្រូវយកចិត្តទុកដាក់យកចំណេះដឹងដែលខ្លួនបានរៀនពេល៥ ថ្ងៃដើម្បីយកមកអនុវត្តឲ្យមានប្រសិទ្ធភាព ក្នុងការបដិសណ្ឋារកិច្ចចំពោះភ្ញៀវ ដូចជាការចំអិនអាហារប្រកបដោយអនាម័យ និងសូមខិតខំរកចំណេះដឹងបន្ថែមទៀតស្តីពីការធ្វើម្ហូបច្រើនមុខ កុំតែមុខម្ហូបដដែល ដូចជា មាន់ដុត ត្រីអាំង ឬប្រហុកអាំង ។
ត្រូវចេះច្នៃប្រឌិតមុខម្ហូបអោយបានច្រើនមុខសម្រាប់ផ្លាស់ប្ដូរ ក្នុងការលក់ឱ្យភ្ញៀវទេសចរ ដើម្បីពួកគាត់ជក់ចិត្ត និងណែនាំភ្ញៀវ មកលេងកំសាន្តកាន់តែច្រើនថែមទៀត៕
ចែករំលែកព័តមាននេះ