ADផ្ទាំងផ្សព្វផ្សាយពាណិជ្ជកម្ម

Picture

ឃាត់ខ្លួន​បុរស​ម្នាក់ ក្រោយ​វា​.​យ​គ្នា​ផ្អើល​ដល់​អ្នក​ភូមិ​ជិតខាង

1 ខែ មុន
  • មណ្ឌលគិរី

បុរស​ម្នាក់​ត្រូវ​បាន​សមត្ថកិច្ច​ឃាត់ខ្លួន ហើយ​បុរស​ម្នាក់​ទៀត​ត្រូវ​បាន​បញ្ជូន​ទៅ​ពេទ្យ ក្រោយ​ពេល​ពួក​គេ

ខេត្តមណ្ឌលគិរី ៖ បើ​តាម​សេចក្តីរាយការណ៍​បានឱ្យ​ដឹង​ថា បុរស​ម្នាក់​ត្រូវ​បាន​សមត្ថកិច្ច​ឃាត់ខ្លួន ហើយ​បុរស​ម្នាក់​ទៀត​ត្រូវ​បាន​បញ្ជូន​ទៅ​ពេទ្យ ក្រោយ​ពេល​ពួក​គេ​ប្រទូស​គ្នា​ក្នុង​វង់​ផឹកស៊ី បង្ក​ឲ្យ​មានការ​ភ្ញាក់ផ្អើល​ដល់​អ្នក​ភូមិ​ជិតខាង​។

បើ​តាម​សមត្ថកិច្ច​បាន​ឲ្យ​ដឹង​ថា នៅ​ថ្ងៃ​ទី​២៧ ខែកក្កដា ឆ្នាំ​២០២២ នគរបាល​បាន​ទទួល​ពាក្យបណ្តឹង​ពី​ឈ្មោះ អង ជី ភេទ​ប្រុស អាយុ​៤០​ឆ្នាំ ជា​ជនជាតិ​ខ្មែរ រស់នៅ​ភូមិ​ជី​ក្លប់ ឃុំ​សុខសាន្ត ស្រុក​កោះ​ញែក ថា មាន​ករណី​ហិ​.​ង្សា​នៅ​ចំណុច​ស្រែ​តា​អង ស្ថិត​ក្នុងភូមិ​ជី​ក្លប់ កាលពី​ថ្ងៃ​ទី ២៥ ខែកក្កដា ឆ្នាំ​២០២២ វេលា​ម៉ោង​១១​និង​៣០​នាទី​យប់ ។

សមត្ថកិច្ច​បន្ត​ថា ជន​រង​គ្រោះ​ឈ្មោះ អង ជី ភេទ​ប្រុស អាយុ​៤០​ឆ្នាំ ជនជាតិ​ខ្មែរ រស់នៅ​ភូមិ​-​ឃុំ​កើតហេតុ​ខាងលើ ចំណែក​ជន​បង្ក​វិញ​ឈ្មោះ ឈឿ​ង ខេន ភេទ​ប្រុស អាយុ​៤៧​ឆ្នាំ ជនជាតិ ខ្មែរ មុខរបរ​កសិករ រស់នៅ​ភូមិ​-​ឃុំ​ជាមួយ​គ្នា ហើយ​បាន​យក​ជ្រុ​ញ​វា​.​យ​ចំ​ពីលើ​ក្បាល​ជន​រង​គ្រោះ បណ្តាល​ឱ្យ​បែក​ប្រវែង ៦​សង្ទីម៉ែត្រ ជំរៅ​ប្រហែល ២​សង្ទីម៉ែត្រ ។

Picture

ក្រោយ​ពី​ទ​ទួ​ពាក្យបណ្តឹង​រួច​មក កម្លាំង​ប៉ុស្តិ៍​នគរបាល​រដ្ឋបាល​សុខសាន្ត បាន​ហៅ​ជន​ដៃដល់​មក​ប៉ុស្តិ៍ ដើម្បី​សួរនាំ ហើយ​ជន​ដៃដល់​ក៏​បាន​សារភាព​ថា ពិតជា​បាន​វា​.​យ​ជន​រង​គ្រោះ​ជាមួយនឹង​ជ្រុ​ញ​ពិតមែន​។ ចំពោះ​មូលហេតុ​វា​.​យ​គ្នា ព្រោះតែ​ផឹកស្រា​ស្រវឹង​រៀង​ៗ​ខ្លួន ហើយ​ក៏​កើត​ទំនាស់​ពាក្យ​សម្ដី​គ្នា ទើប​បណ្ដាល​ឱ្យ​កើត​ហិ​.​ង្សា​តែ​ម្តង​។

ករណី​ខាងលើ​នេះ កម្លាំង​ប៉ុស្តិ៍​បាន​ធ្វើ​កំណត់ហេតុ រួច​បញ្ជូន​ជន​ដៃដល់​ទៅ​អធិការ​ស្រុក ដើម្បី​ចាត់ការ​បន្ត​តាម​នីតិវិធី​ច្បាប់ ៕