ADផ្ទាំងផ្សព្វផ្សាយពាណិជ្ជកម្ម

Picture

​នារី​វ័យ ១៧​ឆ្នាំ ម្នាក់ ជាអ្នកបកប្រែភាសាចិន ​ដេកស្លា.ប់ ក្នុងបន្ទប់​

2 អាទិត្យ មុន
  • ក្រចេះ

ខេត្តក្រចេះ៖ សព​នារី​វ័យ ១៧ឆ្នាំ ម្នាក់ ត្រូវគេប្រទះឃើញដេកស្លា.ប់ ក្នុង​បន្ទប់​ ដោយមាន​ការអះអាងពីសមត្ថកិច្ចថា នារីម្នាក់នោះ ស្លា.ប់​ដោយការឆ្លងចរន្តអគ្គិសនីឆក់ស្លា.ប់ នៅលើគ្រែក្នុងបន្ទប់របស់ខ្លួន…

ខេត្តក្រចេះ៖ សព​នារី​វ័យ ១៧ឆ្នាំ ម្នាក់ ត្រូវគេប្រទះឃើញដេកស្លា.ប់ ក្នុង​បន្ទប់​ ដោយមាន​ការអះអាងពីសមត្ថកិច្ចថា នារីម្នាក់នោះ ស្លា.ប់​ដោយការឆ្លងចរន្តអគ្គិសនីឆក់ស្លា.ប់ នៅលើគ្រែក្នុងបន្ទប់របស់ខ្លួន ស្ថិតនៅចំណុចភូមិឧបសម្ព័ន្ធ​អូរត្រូន ឃុំក្បាលដំរី ស្រុកសំបូរ ខេត្តក្រចេះ។

ហេតុការណ៍​ប្រទះឃើញសពជនរងគ្រោះខាងលើនោះ បានកើតឡើង កាលពីព្រឹកថ្ងៃទី២៧ ខែកក្កដា ឆ្នាំ ២០២២។

របាយការណ៍របស់នគរបាលស្រុកសំបូរអោយដឹងថា នារីរងគ្រោះ ឈ្មោះ ឃន ស្រីពៅ អាយុ ១៧ឆ្នាំ មានទីលំនៅភូមិសង្គមឃុំសណ្ដាន់ ស្រុកសំបូរ ខេត្តក្រចេះ ជាអ្នកបកប្រែភាសាចិន ស្នាក់នៅក្នុងក្រុមហ៊ុនរ៉ែមាស (ស៊ឹងយន្តគ័ងយិក ខូអិលធីឌី) ស្ថិតក្នុងភូមិ-ឃុំ កើតហេតុ ខាងលើ។

នគរបាលស្រុកសំបូរបន្តថា ករណីខាងលើ គឺជនរងគ្រោះបានដោតបញ្ចូលភ្លើងទូរស័ព្ទចោល​លើគ្រែគេងរបស់ខ្លួន ហើយទៅងូតទឹកដោយត្រឡប់មកវិញទាំងខ្លួននៅសំណើម ក៏បានប្រះ​ខ្លួនគេង ទៅលើព្រីភ្លើងដោតបញ្ចូលថ្មទូរស័ព្ទ ដែលកំពុងតែបញ្ចូល​ភ្លើង ទើបបណ្ដាលឱ្យ​ឆក់ស្លា.ប់ នៅក្នុងបន្ទប់ តែម្តង។

ក្រោយពេលកើតហេតុភ្លាមៗ សមត្ថកិច្ចនគរបាលនៃអធិការ​ដ្ឋាននគរបាលស្រុកសំបូរ សហការជាមួយកម្លាំងការិយាល័យបច្ចេកទេស និងកោសល្យវិច្ច័យ រួមជាមួយក្រុមគ្រូពេទ្យ និង​អាជ្ញាធរមូលដ្ឋាន ក្រោមការសម្របសម្រួលពីព្រះរាជអាជ្ញា​អមសាលាដំបូងខេត្តក្រចេះ បានចុះទៅពិនិត្យសាកសព និងជុំវិញកន្លែងកើតហេតុ​។

ជាលទ្ធផល កម្លាំងសមត្ថកិច្ចចម្រុះ បានសន្និដ្ឋានថា ករណីនេះ នារីរងគ្រោះពិតជាបាន​ស្លា.ប់ដោយសារឆក់ខ្សែភ្លើងពិតប្រាកដមែន ក្រោយការពិនិត្យធ្វើកំណត់ហេតុ និងធ្វើ​កោសល្យវិច្ច័យ​រួចរាល់ សមត្ថកិច្ចបានប្រគល់សពជូនក្រុមគ្រួសារធ្វើបុណ្យតាមប្រពៃណី៕

Picture
Picture