ខេត្តកណ្ដាល ៖ គូស្នេហ៍មួយគូបានណាត់គ្នាមកហូបចុករួចរាល់ហើយ កាលពីវេលាម៉ោង១២ថ្ងៃត្រង់ថ្ងៃទី២៦ ខែកក្កដា ឆ្នាំ២០២២ នៅចំណុចចំការស្វាយ ភូមិក្តីកណ្តាល ឃុំសារិកាកែវ ស្រុកល្វាឯម ខេត្តកណ្តាល រួចបន្តគេងជាមួយគ្នារហូតបានសម្រេច ស្រាប់តែកើតមានរឿងវា.យតប់គ្នាបែកផ្សែង បណ្តាលឲ្យខាងប្រុសរងរបួសធ្ងន់ចូលពេទ្យ រីឯខាងស្រីត្រូវសមត្ថកិច្ចចាប់ខ្លួន ពាក់ព័ន្ធ.អំពើហិ.ង្សាដោយចេតនាមានស្ថានទម្ងន់ទោស ព្រោះតែបែកធ្លាយរូបថតរួមភេទជាមួយគ្នាកន្លងមក ។
ជនរងគ្រោះខាងលើ ឈ្មោះ រ៉ី រិទ្ធី ភេទប្រុស អាយុ២៣ឆ្នាំ ជាកម្មករ មានទីលំនៅភូមិព្រែកតាអុងទី៣ ឃុំពាមឧកញ៉ាអុង ស្រុកល្វាឯម ខេត្តកណ្តាល ។ ចំណែកនារីដៃដល់ ឈ្មោះ ស្រួន ស្រីពេជ្រ អាយុ២២ឆ្នាំ ធ្វើការក្រុមហ៊ុនឆ្នោតឡូតូ មានទីលំនៅ ភូមិពាមតាឯក ឃុំពាមឧកញ៉ាអុង ស្រុកល្វាឯម ខេត្តកណ្តាល(ឃាត់ខ្លួន) ។
តាមសេចក្តីរាយការណ៍ថា កន្លងមក ឈ្មោះ ស្រួន ស្រីពេជ និងឈ្មោះ រ៉ី រិទ្ធី ធ្លាប់មានទំនាក់ទំនងស្នេហាស្រឡាញ់គ្នាចាប់តាំងពីឆ្នាំ២០១៥ មកម្ល៉េះ ទើបនៅក្នុងឆ្នាំ២០២២ នេះគូស្នេហ៍ទាំងពីរក៏មានភាពរកាំរកូស ក៏ប៉ុន្តែនៅមានការឆាតទំនាក់ទំនងគ្នាតាម Telegram ទៅវិញទៅមកធម្មតា ។
លុះវេលាម៉ោង៧កន្លះព្រឹកថ្ងៃខែខាងលើ នាង ស្រួន ស្រីពេជ និង បុរស រ៉ី រិទ្ធី បាន Chat ណាត់ជួបគ្នានៅចំណុចខ្ទមចាំចំការស្វាយ ស្ថិតក្នុងភូមិក្តីកណ្ដាល ឃុំសារិកាកែវ ស្រុកល្វាឯម ខេត្តកណ្ដាល ដើម្បីទទួលទានអាហារជំគ្នា ។
សេចក្តីរាយការណ៍បន្តថា វេលាម៉ោង៩កន្លះព្រឹក ខាងប្រុសបានទៅដល់គោលដៅមុន និងកំពុងអង្គុយចាំខាងស្រីយកម្ហូបទៅដែរ ។ គូស្នេហ៍ទាំងពីរក៏បានអង្គុយជជែកគ្នាលេង និងមួយសន្ទុះក៏នាំគ្នាហូបបាយកញ្ចប់ ដែលជាបាយរបស់នាង ស្រួន ស្រីពេជ ខ្ចប់យកទៅធ្វើការរាល់ថ្ងៃ ។ ក្រោយពេលហូបបាយរួចហើយ អ្នកទាំងពីរក៏បានស្ម័គ្រចិត្តព្រមព្រៀមគ្នារួមដំណេកនៅក្នុងខ្ទមចាំចំការនោះតែម្តង ។
បន្ទាប់ពីគូស្នេហ៍ទាំងពីរនាំគ្នាហូបចុកក្នុងខ្ទមចាំចំការស្អាតបាតរួចរាល់ហើយ ខាងស្រីបានសុំទូរស័ព្ទដៃខាងប្រុសមើលរូបភាព ដោយខាងស្រីមានការសង្ស័យដៃគូខាងប្រុសធ្លាប់ Chat រូបភាពអាក្រាតរបស់នាង នៅជាមួយគេ(រ៉ី រិទ្ធី) កន្លងមក រហូតអ្នកទាំងពីរមានការប្រតាយប្រតប់ដណ្ដើមទូរសព្ទគ្នា ។
ខណៈពេលកំពុងប្រវាយប្រតប់ឈ្មោះគ្នាបែកផ្សែងនោះ នាង ស្រួន ស្រីពេជ ក្រឡេកឃើញកូនកាំ.បិតចិតបន្លែ សៀតនៅជញ្ជាំងខ្ទមចាំចំការ ក៏ស្ទុះយកនោះចា.ក់ទៅលើគូស្នេហ៍ រ៉ី រិទ្ធី បណ្ដាលឲ្យរងរបួសត្រង់បំពង់.ក ទើបឈ្មោះ រ៉ី រិទ្ធី បានយកដៃខ្ទប់ឈាមរត់ចេញពីខ្ទមចាំចំការសំដៅទៅផ្ទះអ្នកជិតខាង ហើយនាង ស្រួន ស្រីពេជ ក៏រត់តាមពីក្រោយដោយដៃកាន់កូនកាំបិត លុះបានចម្ងាយប្រហែលជា២០ម៉ែត្រនាងបោះកំបិតចោល និងចេះតែរត់តាមគូស្នេហ៍ក្នុងបំណងជូនទៅពេទ្យ ។
ពេលនោះបានអ្នកជិតខាង ឈ្មោះ នួន ណែត ឌុបជនរងគ្រោះតាមម៉ូតូទៅកាន់មន្ទីរពេទ្យបង្អែកស្រុកល្វាឯម ហើយត្រូវបញ្ជូនបន្តទៅមន្ទីរពេទ្យកាល់ម៉ែត រាជធានីភ្នំពេញ ចំណែកស្រីស្នេហ៍ត្រូវបានសមត្ថកិច្ចឃាត់ខ្លួនភ្លាមៗ ដើម្បីកសាងសំណុំរឿងតាមនីតិវិធី ៕
ចែករំលែកព័តមាននេះ