រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ពាក់ព័ន្ធករណីចោរអាកា៧នាក់ចូលប្លន់ផ្ទះប្រជាពលរដ្ឋមួយកន្លែង បណ្តាល ឱ្យបងប្រុសម្នាក់បានឃើញហេតុការណ៍នោះក៏រត់មកជួយ តែត្រូវក្រុមជនសង្ស័យបា.ញ់ឱ្យរបួសធ្ងន់នោះ គាត់បានស្លា.ប់ហើយនៅវេលាម៉ោង០៤ទៀបភ្លឺថ្ងៃទី៣០ ធ្នូ នេះ ស្ថិតនៅក្នុងមន្ទីរពេទ្យព្រះកុសុមៈ ដោយត្រូវក្រុមគ្រួសារបញ្ជូនសពមកធ្វើបុណ្យប្រពៃណី
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ពាក់ព័ន្ធករណីចោរអាកា៧នាក់ចូលប្លន់ផ្ទះប្រជាពលរដ្ឋមួយកន្លែង បណ្តាល ឱ្យបងប្រុសម្នាក់បានឃើញហេតុការណ៍នោះក៏រត់មកជួយ តែត្រូវក្រុមជនសង្ស័យបាញ់ឱ្យរបួសធ្ងន់នោះ គាត់បានស្លាប់ហើយនៅវេលាម៉ោង០៤ទៀបភ្លឺថ្ងៃទី៣០ ធ្នូ នេះ ស្ថិតនៅក្នុងមន្ទីរពេទ្យព្រះកុសុមៈ ដោយត្រូវក្រុមគ្រួសារបញ្ជូនសពមកធ្វើបុណ្យប្រពៃណីនៅផ្ទះក្នុងភូមិព្រៃក្រាយ សង្កាត់ស្នោ ខណ្ឌពោធិ៍សែនជ័យ (ទីតាំងកើតហេតុ) ។
គួររំលឹកថា កាលពីវេលាម៉ោង០៨ និង៤៥នាទីយប់ ថ្ងៃទី២៦ ធ្នូ ឆ្នាំ២០១៦កន្្លងមក ស្ថិតក្នុងភូមិព្រៃក្រាយ សង្កាត់ស្នោ ខណ្ឌពោធិ៍សែនជ័យ មានករណីប្លន់យកទ្រព្យសម្បត្តិចូលដល់ក្នុងផ្ទះ ដែលជនសង្ស័យប្រដាប់ដោយកាំភ្លើងអាកា៦ដើម មានគ្នា៧នាក់។ តាមប្រភពព័ត៌មានពីជនរងគ្រោះជាប្រពន្ធឈ្មោះ ភី ធឿន អាយុអាយុ៣៨ឆ្នាំ មុខរបរកសិករ និងប្ដីឈ្មោះ កែម កន អាយុ៤៤ឆ្នាំ បានប្រាប់ថា មុនពេលកើតហេតុក្រុមគ្រួសាររបស់ កំពុងអង្គុយមើលទូរទស្សន៍ជុំគ្នា រូបគាត់អង្គុយមើលទូរទស្សន៍ ចំណែកឯប្តីដេកមើលទូរទស្សន៍នៅមុខ និងកូនប្រុសអាយុ១២ឆ្នាំអង្គុយមើលអែបជញ្ជាំង។
បន្ទាប់មកជនសង្ស័យបានចូលមកគំរាម ហើយបានយកស្កុតរុំមាត់ស្ត្រីរងគ្រោះជាប្រពន្ធជាប់ ដើម្បីកុំឲ្យស្រែក និងបន្តរុំបុរសជាប្តី ហើយនឹងកូនប្រុសដែលកំពុងមើលទូរទស្សន៍ជាមួយ រួមទាំងកូនស្រីដែលដេកក្នុងបន្ទប់ម្នាក់ទៀត។ ជនរងគ្រោះបានរាយការណ៍ប្រាប់សមត្ថកិច្ចបន្តថា ជនសង្ស័យបានយកកណ្ដៀវគំរាម កូនស្រីរបស់គាត់ឈ្មោះ កន វីឡា អាយុ១៧ឆ្នាំ ឲ្យយករបស់របរមានតម្លៃឲ្យពួកគេ ដែលក្នុងនោះជនសង្ស័យយកបានរួមមានលុយ ៥០០ដុល្លារ ខ្សែដៃប្លាទីន ៥ជីកន្លះ ក្រវិល១ជីកន្លះ កងដៃ១គូតម្លៃ១៥០ដុល្លារ។
ក្រោយពីជនសង្ស័យយករបស់របរទាំងនេះបានហើយ ក៏បាននិយាយទៅកាន់ស្ត្រីរងគ្រោះថា កន្លងមកគ្រួសារជនរងគ្រោះ បានធ្វើបាបគ្រួសាររបស់ពួកគេខ្លាំងណាស់ ហើយក៏នាំគ្នីគ្នារត់គេចខ្លួនតាមវាលស្រែក្រោយផ្ទះបាត់ទៅ។ នៅពេលជនសង្ស័យកំពុងធ្វើសកម្មភាពប្លន់ ក៏មានបងប្រុសម្នាក់បានឃើញហេតុការណ៍នោះ បានរត់មកជួយ តែត្រូវក្រុមជនសង្ស័យបានបាញ់ បណ្ដាលឲ្យរងរបួសធ្ងន់ ទំនងជាត្រូវពោះវៀន និងត្រូវចំដៃ។ បច្ចុប្បន្នជនរងគ្រោះត្រូវបាន ដឹកបញ្ជូនទៅកាន់មន្ទីពេទ្យ កាល់ម៉ែត ដើម្បីធ្វើការសង្គ្រោះ ។
ចែករំលែកព័តមាននេះ