ខេត្តបាត់ដំបង ៖ គ្រាប់កាំភ្លើងត្បាល់ ធុន៦០មីលីម៉ែត្រ ជាង១០គ្រាប់ ត្រួវម្ចាស់ចម្ការប្រទះឃើញ នៅពេលចាប់ផ្ដើមលើករងដាំដំឡូងមី នៅក្នុងដីចម្ការរបស់ខ្លួន កាលពីព្រឹកថ្ងៃទី២៥ មិថុនានេះ…
ខេត្តបាត់ដំបង ៖ គ្រាប់កាំភ្លើងត្បាល់ ធុន៦០មីលីម៉ែត្រ ជាង១០គ្រាប់ ត្រួវម្ចាស់ចម្ការប្រទះឃើញ នៅពេលចាប់ផ្ដើមលើករងដាំដំឡូងមី នៅក្នុងដីចម្ការរបស់ខ្លួន កាលពីព្រឹកថ្ងៃទី២៥ មិថុនានេះ ត្រង់ចំណុចភូមិកណ្ដាល ឃុំកំពង់ល្ពៅ ស្រុកសំឡូត ដែលគេសន្និដ្ឋានថា ជាគ្រាប់ដែលនៅសេសសល់នៅក្នុងដីតាំងពីសម័យសង្គ្រាម ក្នុងទសវត្សឆ្នាំ១៩៨០ ។
ប្រភពពីមន្ត្រីមូលដ្ឋាន បានរាយការណ៏ថា ប្រជាពលរដ្ឋឈ្មោះ ភួង ហ៊ួត ប្រុសអាយុ៥៨ឆ្នាំ ជាម្ចាស់ចម្ការ ជាអ្នកប្រទះឃើញគ្រាប់យុទ្ធភណ្ឌទាំងនោះ ។
សេចក្ដីរាយការណ៏ បានឲ្យដឹងទៀតថា គាត់បានប្រទះឃើញនៅពេលគាត់ចាប់ផ្ដើមលើករងដាំដំឡូងមី ប៉ុន្តែកាលពេលចុះភ្ជួរ រាល់ឆ្នាំកន្លងមក មិនធ្លាប់ប្រទះឃើញម្ដងសោះ បែរជាប្រទះឃើញនៅពេលនេះ ពេលដែលគាត់ចុះភ្ជួរលើករងដាំដំឡូង ធ្វើឲ្យគាត់ភ័យរន្ធត់ តែសំណាងល្អ ពុំមានផ្ទុះទេ ។
យពីប្រទះឃើញគ្រាប់កាំភ្លើងរណូករណែលលើដីចម្ការបែបនេះ ម្ចាស់ចម្ការ ក៏បានរាយការណ៏ប្រាប់អាជ្ញាធរ និងសមត្ថកិច្ចដែនដីភ្លាមៗដែរ ដើម្បីចុះពិនិត្យ ។
គេឃើញសមត្ថកិច្ច និងមន្ត្រីអង្គភាពកម្ចាត់មីន ស៊ីម៉ាក់ បានចុះទៅកាន់ចំណុចកើតហេតុ ដើម្បីពិនិត្យ និងធ្វើការរុករកគ្រាប់បន្តនៅតំបន់នោះ ។
បើតាមមន្ត្រីមូលដ្ឋាន បានរាយការណ៏ថា គ្រាប់ដែលគេរកឃើញនៅលើដីចម្ការ មានចំនួន១១គ្រាប់ ក្នុងនោះគ្រាប់កាំភ្លើងត្បាល់ធុន៦០មីលីម៉ែត្រ ចំនួន១០គ្រាប់ និងប្រភេទគ្រាប់ឡង់ ចំនួន០១គ្រាប់។ គ្រាប់ទាំងនេះ មួយចំនួន មានសភាពច្រេះចាប់ តែវាអាចបង្កគ្រោះថ្នាក់ ប្រសិនធ្វើឲ្យបះពាល់ធ្ងន់ធ្ងរ ។
ប្រភពដដែលបានបញ្ជាក់ថា បើតាមពិនិត្យជាក់ស្ដែង លើស្ដានភាពគ្រាប់ និងទីកន្លែងកាកសំណល់សង្គ្រាមទាំងនេះ ត្រូវបានគេកប់ក្នុងដីអំឡុងសង្គ្រាមក្នុងទសវត្សឆ្នាំ៨០ ហើយវានៅសេសសល់រហូតមកដល់ពេលនេះ។ ប៉ុន្តែក្រោយពីត្រូតពិនិត្យ និងរាវរកបន្ថែមលើទីតាំងនោះ មន្ត្រីស៊ីម៉ាក់ បានយកប្រមូលយកគ្រាប់យុទ្ធភណ្ឌទាំង១១គ្រាប់នោះ ទៅកម្ទេចចោលហើយ ។
ទោះយ៉ាងណា ប្រជាពលរដ្ឋ ដែលរស់នៅឬធ្វើចម្ការនៅតំបន់នោះ គួរតែមានការប្រុងប្រយ័ត្ន បើប្រទះឃើញគ្រាប់កាំភ្លើង ឬ មានការសង្ស័យ ត្រូវរាយការណ៏ជាបន្ទាន់ទៅកាន់អាជ្ញាធរ ឬសមត្ថកិច្ច ឬមន្ត្រីអង្គភាពកម្ចាត់មីន ស៊ីម៉ាក់ ផ្ទាល់ ដែលនៅជិតបំផុត ដើម្បីចុះអន្តរាគមន៏ទាន់ពេលវេលា ៕
ចែករំលែកព័តមាននេះ