ខេត្តកំពត ៖ ករណីឃាតកម្មអតីតប្តីដែលទើបលែងលះបានចំនួន២ខែ ហើយបានសម្លាប់ប្រុសស្នេហ៍របស់ប្រពន្ធកាលពីវេលាទាបភ្លឺថ្ងៃទី២៨ ខែធ្នូ ឆ្នាំ២០១៦ នៅភូមិដំណាក់ចំបក់
ខេត្តកំពត ៖ ករណីឃាតកម្មអតីតប្តីដែលទើបលែងលះបានចំនួន២ខែ ហើយបានសម្លាប់ប្រុសស្នេហ៍របស់ប្រពន្ធកាលពីវេលាទាបភ្លឺថ្ងៃទី២៨ ខែធ្នូ ឆ្នាំ២០១៦ នៅភូមិដំណាក់ចំបក់ ឃុំសំរោងលើ ស្រុកបន្ទាយមាស ខេត្តកំពត។ ក្រោយពីកាប់ប្រហារជាច្រើនពូថៅបណ្តាលឲ្យបុរសដែលជាគូស្នេហ៍របស់ស្ត្រីមេម៉ាយស្លាប់យ៉ាងអាណោចអាធ័ម ហើយជនដៃដល់បានរត់គេចខ្លួនបាត់នោះ នៅរសៀលថ្ងៃទី២៩ ខែធ្នូ ឆ្នាំ២០១៦ កម្លាំងមន្ទីរយុត្តិធម៌ កងរាជអាវុធហត្ថខេត្តដឹកនាំដោយលោកវរសេនីយទោ ហែម ចន្ទ័ដារ៉ា មេបញ្ជាការរង និងជាប្រធានមន្ទីរយុត្តិធម៌កងរាជអាវុធហត្ថខេត្តបានឲ្យដឹងថា កម្លាំងរបស់លោកបានចុះទៅឃាត់ខ្លួនជនល្មើសឈ្មោះ ជយ័ ប៊ុនធឿន ដែលបានកាប់ប្រហារទៅលើឈ្មោះសៅ ចាន់ថន ជាប្រុសស្នេហ៍របស់អតីតប្រពន្ធបណ្តាលឲ្យស្លាប់កាលពីវេលាទាបភ្លឺ ថ្ងៃទី២៨ ខែធ្នូ ឆ្នាំ២០១៦កន្លងមកថ្មីៗនេះត្រូវបានឃាត់ខ្លួនបានហើយ។
ជននេះបានសារភាពប្រាប់សមត្ថកិច្ចយើងថា ករណីដែលខ្លួនហ៊ានលើកដៃកាប់ប្រហារឈ្មោះ សៅ ចាន់ថន នេះដោយសារខ្លួនមានកំហឹងជាមួយឈ្មោះនេះ ដែលខ្លួនមិនទាន់អស់អាល័យពីប្រពន្ធផង ឈ្មោះនេះហ៊ានទៅទាក់ទងប្រពន្ធខ្លួន ទើបខ្លួនទ្រាំមិនដាច់ចិត្តសម្លាប់តែម្តង។ លោកបន្តទៀតថា ជនសង្ស័យក្រោយពីឃាត់ខ្លួនបាននៅក្នុងភូមិឃុំខាងលើ កម្លាំងមន្ទីរយុត្តិធម៌បាននាំខ្លួនជនសង្សយ័ទៅឲ្យធ្វើត្រាប់នៅកន្លែងកើតហេតុរួចនាំមកកាន់មន្ទីរយុត្តិធម៌កងរាជអាវុធហត្ថខេត្ត ដើម្បីសាកសួរបន្ត និងកសាងសំណុំរឿងបញ្ជូនទៅតុលាការចាត់ការតាមច្បាប់៕
ចែករំលែកព័តមាននេះ