កំលាំងអាវុធហត្ថខេត្តកំពង់ស្ពឺបង្ក្រាបក្រុមក្មេងទំនើងបង្ហោះម៉ូតូជិត២០នាក់ កោសក់ ធ្វើកិច្ចសន្យាអប់រំ និងដកហូតម៉ូតូទុកចំនួន៣ខែ
- កំពង់ស្ពឺ
ខេត្តកំពង់ស្ពឺ៖ ក្រុមក្មេងទំនើងចំនួន១៦នាក់ ដែលបានធ្វើសកម្មភាពបង្ហោះម៉ូតូតាមផ្លូវសាធារណៈយ៉ាងអនាធិបតេយ្យ ត្រូវបានកម្លាំងកងរាជអាវុធហត្ថខេត្តកំពង់ស្ពឺ សហការ បង្ក្រាបនិងឃាត់ខ្លួនបានជាបន្តបន្ទាប់ក្នុងភូមិសាស្ត្រក្រុងច្បារមន និងភូមិសាស្ត្រស្រុកសំរោងទង ខណៈដែលក្រុមក្មេងទំនើងពពាក់ពពូនមិនព្រមចូលផ្ទះដើរលេងដាច់យប់និងបង្ហោះម៉ូតូធ្វើឲ្យប៉ះពាល់ដល់សណ្ដាប់ធ្នាប់សង្គម។ ធ្វើការកោសក់ លោតកង្កែប អាវ៉ង់ ធ្វើអនាម័យ និងធ្វើកិច្ចសន្យា បញ្ឈប់រាល់សកម្មភាពទំនើងដែលសង្គមមិនទទួលស្គាល់ ព្រមទាំងដកហូតម៉ូតូទុករយៈពេល៣ខែ ជាការព្រមាន។
មន្ត្រីអាវុធហត្ថខេត្តកំពង់ស្ពឺបាននិយាយឲ្យដឹងថា÷ ដោយអនុវត្តតាមបទបញ្ជាយ៉ាងម៉ឺងម៉ាត់របស់លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ កម្លាំងជំនាញកងរាជអាវុធហត្ថ បានសហការធ្វើល្បាតតាមមូលដ្ឋាននិងតំបន់ងាយរងគ្រោះ។ ហើយបានធ្វើការបង្ក្រាបនិងឃាត់ខ្លួនក្មេងទំនើងចំនួន២ក្រុមផ្សេងគ្នាចំនួន១៦នាក់ ក្រោយពីពួកគេបានធ្វើសកម្មភាពទំនើងដោយបានបង្ហោះម៉ូតូ អុកឡុកតាមដងផ្លូវសាធារណៈយ៉ាងអនាធិបតេយ្យ ដែលជាហេតុបង្កអោយមានការភ័យខ្លាចដល់ប្រជាពលរដ្ឋជុំវិញ ប៉ះពាល់សណ្តាប់ធ្នាប់សាធារណៈនិងសន្តិសុខសង្គម នៅក្នុងភូមិសាស្ត្រក្រុងច្បារមននិងស្រុកសំរោងទង។
ប្រតិបត្តិការបង្ក្រាបនេះ ត្រូវបានធ្វើឡើងចំនួនពីរទីតាំងផ្សេងគ្នា ដោយទីតាំងទី១÷ កម្លាំងអង្គភាពនគរបាលយុត្តិធម៌ នៃបញ្ជាការដ្ឋានកងរាជអាវុធហត្ថខេត្តកំពង់ស្ពឺ ធ្វើការបង្ក្រាបនិងឃាត់ខ្លួនជាក់ស្តែងនូវក្មេងទំនើងបង្ហោះម៉ូតូចំនួន១២នាក់ ក្រោយពីពួកគេបានប្រព្រឹត្តកាលពីវេលាម៉ោង៨និង៤០នាទីយប់ថ្ងៃទី៨ ខែសីហា ឆ្នាំ២០២៦ នៅចំណុចដីឡូត៍មួយកន្លែងក្រោយពន្ធធនាគារ ខេត្តកំពង់ស្ពឺ ស្ថិតនៅក្នុងភូមិទួលគក សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។ ក្មេងទំនើងដែលឃាត់ខ្លួនបានទី១-មានឈ្មោះ ពៅ រដ្ឋា ភេទប្រុស អាយ១៨ឆ្នាំ មុខរបរកម្មករ ទី២-ឈ្មោះ ប៊ុន សុភ័ក្ត្រ ភេទប្រុស អាយុ១៧ឆ្នាំ មុខរបរកម្មកររោងចក្រ ទី៣-ឈ្មោះ សាន ពិសិទ្ធ ភេទប្រុស អាយុ១៨ឆ្នាំ មុខរបរកម្មកររោងចក្រ ទី៤-ឈ្មោះ គីម មករា ភេទប្រុស អាយុ១៨ឆ្នាំ មុខរបរកម្មកររោងចក្រ ទី៥-ឈ្មោះ ប៊ុន សោភា ភេទប្រុស អាយុ២០ឆ្នាំ មុខរបរកម្មកររោងចក្រ ទី៦-ឈ្មោះ ចន សត្យា ភេទប្រុស អាយុ១៧ឆ្នាំ មុខរបរកម្មកររោងចក្រ ទី៧-ឈ្មោះណែម មុទិតា ភេទប្រុស អាយុ១៥ឆ្នាំ មុខរបរកម្មកររោងចក្រ ទី៨-មានឈ្មោះ សាន វិសាល ភេទប្រុស អាយុ១៦ឆ្នាំ មុខរបរកម្មករ ទី៩-ឈ្មោះ សុខុន ករណាពេជ្រ ភេទប្រុស អាយុ១៧ឆ្នាំ មុខរបរកម្មកររោងចក្រ ទី១០-ឈ្មោះ ឃឹម លីហៀង ភេទប្រុស អាយុ១៦ឆ្នាំ មុខរបរនៅផ្ទះ ទី១១-ឈ្មោះ ជិន រ៉ានុត ភេទប្រុស អាយុ១៨ឆ្នាំ មុខរបរកម្មកររោងចក្រ និងទី១២-មានឈ្មោះ យ៉ុង រតនា ភេទប្រុស អាយុ១៨ឆ្នាំ មុខរបរកម្មកររោងចក្រ។
ចំណែកទីតាំងទី២÷ កម្លាំងអង្គភាពនគរបាលយុត្តិធម៌ នៃបញ្ជាការដ្ឋានកងរាជអាវុធហត្ថខេត្តកំពង់ស្ពឺ បានបន្តធ្វើការបង្ក្រាបនិងឃាត់ខ្លួនបានចំនួន៤នាក់បន្ថែមទៀត ដោយពួកគេបានធ្វើសកម្មភាពបង្ហោះម៉ូតូវេលាម៉ោង១១និង៣០នាទីរំលងអាធ្រាត្រ ថ្ងៃទី៨ ខែសីហា ឆ្នាំ២០២៦ នៅតាមបណ្ដោយផ្លូវជាតិលេខ៤ ស្ថិតនៅក្នុងភូមិត្រពាំងសាំងជៀក ឃុំត្រពាំងគង ស្រុកសំរោងទង ខេត្តកំពង់ស្ពឺ។ក្មេងទំនើងដែលត្រូវឃាត់ខ្លួនទី១-មានឈ្មោះ សន ឧត្ដម ភេទប្រុស អាយុ២០ឆ្នាំ មុខរបរកម្មកររោងចក្រ ទី២-ឈ្មោះ សន ចំរើន ភេទប្រុស អាយុ១៨ឆ្នាំ មុខរបរនៅផ្ទះ ទី៣-ឈ្មោះ ឆាយ ម៉េងហៀង ភេទប្រុស អាយុ១៧ឆ្នាំ មុខរបរកម្មកររោងចក្រ និងទី៤-មានឈ្មោះ ចន រក្សា ភេទប្រុស អាយុ១៧ឆ្នាំ មុខរបរកម្មកររោងចក្រ។
មន្ត្រីអាវុធហត្ថខេត្តកំពង់ស្ពឺបានបញ្ជាក់ថា÷ ក្នុងរង្វង់ប្រតិបត្តិការបង្ក្រាបក្រុមក្មេងទំនើងទាំង២ទីតាំងខាងលើនេះ កម្លាំងអអាវុធហត្ថដកហូតវត្ថុតាងរួមមាន៖ម៉ូតូចំនួន៨គ្រឿង,ទូរស័ព្ទចំនួន១៦គ្រឿង,ខ្សែកលោហៈធាតុពណ៌ទង់ដែងចំនួន១ខ្សែ និងកងដៃលោហៈធាតុពណ៌ទង់ដែងចំនួន១ផងដែរ។
បច្ចុប្បន្នក្មេងទំនើងទាំង១៦នាក់ខាងលើនេះ ត្រូវបានកម្លាំងអាវុធហត្ថខេត្តកំពង់ស្ពឺ បានយកមកធ្វើការអប់រំ ធ្វើកិច្ចសន្យាបញ្ឈប់រាល់សកម្មភាពទំនើងដែលនាំឱ្យប៉ះពាល់ដល់ការសិក្សា បំផ្លាញទ្រព្យសម្បត្តិក៏ដូចជាកិត្តិយសគ្រួសារ ព្រមទាំងបង្ករការភ័យខ្លាចដល់អ្នកជុំវិញ បង្កភាពអនាធិបតេយ្យក្នុងសង្គម និងដកហូតម៉ូតូ១២គ្រឿង យកទៅរក្សាទុករយៈពេល៣ខែ នៅទីបញ្ជាការ កងរាជអាវុធហត្ថខេត្តកំពង់ស្ពឺ កោសក់ លោតកង្កែប និងធ្វើការបោសសំអាត អនាម័យ។ ព្រមទាំងអនុវត្ត តាមបទបញ្ជាដ៏ម៉ឺងម៉ាត់របស់សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលធ្លាប់មានប្រសាសន៍កន្លងមកពាក់ព័ន្ធនឹងក្មេងទំនើង ត្រូវអនុវត្តគ្រប់វិធានការឱ្យបានតឹងរឹងបំផុត ទាំងវិធានការរដ្ឋបាល និងវិធានការច្បាប់ ពិសេសក្មេងទំនើងបង្ហោះម៉ូតូនៅតាមដងផ្លូវសាធារណៈ ត្រូវឃាត់ម៉ូតូរក្សារទុករយៈពេល ៣ខែ ចំពោះការប្រព្រឹត្តលើកទី១ និង៦ខែ ប្រសិនបើមិនរាងចាលនៅតែប្រព្រឹត្តលើកទីពីរបន្តទៀត៕
ចែករំលែកព័តមាននេះ