តុល្យការនៃការពុលស្រាបិទកាលពីចុងសប្តាហ៍បុណ្យណូអែលកន្លងទៅនៅប៉ាគីស្ថានមកដល់ថ្ងៃទី២៨ ធ្នូ អ្នកស្លា.ប់ឡើងដល់៣៤នាក់ ហើយប៉ូលិសកំណត់អត្តសញ្ញាណមនុស្សសង្ស័យ៤នាក់ជាអ្នកបិទស្រានោះ ។
តុល្យការនៃការពុលស្រាបិទកាលពីចុងសប្តាហ៍បុណ្យណូអែលកន្លងទៅនៅប៉ាគីស្ថានមកដល់ថ្ងៃទី២៨ ធ្នូ អ្នកស្លាប់ឡើងដល់៣៤នាក់ ហើយប៉ូលិសកំណត់អត្តសញ្ញាណមនុស្សសង្ស័យ៤នាក់ជាអ្នកបិទស្រានោះ ។
សោកនាដកម្មនេះកើតមាននាឱកាសបុណ្យណូអែលក្នុងទីក្រុងគ្រឹស្ត TOBA TEK SINGH ស្ថិតនៅចម្ងាយប្រមាណជា៣០០គីឡូម៉ែត្រខាងត្បូងរដ្ឋធានីអីុស្លាម៉ាបាដ ពេលមនុស្សជាច្រើនសិបនាក់នាំគ្នាផឹកស្រាមានជាតិពុលផលិតនៅមូលដ្ឋាន ។
វេជ្ជបណ្ឌិត ASIF MEHMOOD SALEEMI អ្នកគ្រប់គ្រងមន្ទីរពេទ្យរដ្ឋនៃទីក្រុង TOBA TEK SINGH គូសបញ្ជាក់ប្រាប់ AFP ថា តុល្យការថ្មីអ្នកស្លាប់ឡើងដល់៣៤នាក់ ព្រោះមនុស្ស១០នាក់ទៀតដែលពុលស្រាបានស្លាប់នាពេលយប់ ។ លោកនិយាយថា មនុស្សប្រមាណជា១០៥នាក់់ដែលពុលស្រាត្រូវបានបញ្ជូនមកមន្ទីរពេទ្យលោក ហើយមួយចំនួនត្រូវផ្ទេរទៅកាន់មន្ទីរពេទ្យឯទៀតៗក្នុងតំបន់ ។
តុល្យការមុននេះកាលពីថ្ងៃទី២៧ ធ្នូ រៀបរាប់ពីមនុស្សស្លាប់២៤នាក់ភាគច្រើនជាគ្រឹស្តសាសនិក ។ អធិការប៉ូលិសលោក ATIF IMRAN ថ្លែងប្រាប់ AFP ថា មនុស្ស៤នាក់ជាប់សង្ស័យជាអ្នកបិទស្រា ហើយចែកចាយស្រានេះ រួចពួកគេក៏ជាអ្នកផឹកវាដែរ ហើយក្នុងចំណោមពួកគេ ម្នាក់ត្រូវស្លាប់២នាក់ទៀតស្ថិតក្នុងស្ថានភាពធ្ងន់ធ្ងរ រួចអ្នកទី៤ត្រូវចាប់ខ្លួន ។
ការលក់ស្រាត្រូវហាមឃាត់ចំពោះប្រជាជនប៉ាគីស្ថានដែលជាអ្នកកាន់សាសនាអ៊ិស្លាមមានភាគច្រើន ក៏ប៉ុន្តែពួកគ្រឹស្ត និងពួកជនបរទេសពុំមែនអ៊ិស្លាមអាចអនុញ្ញាតឱ្យទិញស្រាផឹកបានតែក្នុងតម្លៃខ្ពស់ ៕
ចែករំលែកព័តមាននេះ