ការរលាកមានសារៈសំខាន់ដល់ប្រព័ន្ធព្យាបាលក្នុងរាងកាយ ។ វាជួយការពាររាងកាយរបស់អ្នកប្រឆាំងនឹងពពួកបាក់តេរី និងបង្កើនល្បឿននៃដំណើរការព្យាបាល នៅពេលដែលអ្នករងរបួសឬឈឺ ។ ប៉ុន្តែការរលាករ៉ាំរ៉ៃ
ការរលាកមានសារៈសំខាន់ដល់ប្រព័ន្ធព្យាបាលក្នុងរាងកាយ ។ វាជួយការពាររាងកាយរបស់អ្នកប្រឆាំងនឹងពពួកបាក់តេរី និងបង្កើនល្បឿននៃដំណើរការព្យាបាល នៅពេលដែលអ្នករងរបួសឬឈឺ ។ ប៉ុន្តែការរលាករ៉ាំរ៉ៃ និងយូរអង្វែងអាចមានផលប៉ះពាល់យ៉ាងខ្លាំងដល់រាងកាយ ។ ការរលាករ៉ាំរ៉ៃមានទំនាក់ទំនងទៅនឹងបញ្ហាសុខភាព ។ ពួកវារួមមាន ជំងឺហឺត រលាកច្រមុះ ជំងឺក្រិនសរសៃឈាម រលាកអញ្ចាញធ្មេញ ជំងឺពោះវៀន ជំងឺរលាកពោះវៀន ជំងឺរលាកសន្លាក់រ៉ាំរ៉ៃ និងមហារីក ។
ប៉ុន្តែអ្វីដែលគួរឱ្យចាប់អារម្មណ៍អាហារដែលអ្នកបរិភោគអាចមានឥទ្ធិពលយ៉ាងខ្លាំងទៅលើការរលាកនៅក្នុងរាងកាយរបស់អ្នក ។ អាហារមួយចំនួនប្រយុទ្ធប្រឆាំងនឹងការរលាក តែអាហារមួយចំនួនទៀតអាចនាំឱ្យមានការរលាកទៅវិញ ។ ខាងក្រោមនេះគឺជាអាហារដែលអាចបង្កើតការរលាកដល់រាងកាយរបស់អ្នក ។
១-ជាតិកាបូអីុដ្រាតកែច្នៃ ៖ អាហារដែលធ្វើពីជាតិកាបូអីុដ្រាតកែច្នៃដូចជានំប៉័ង អង្ករ នំប៉័ងវែង គ្រាប់ធញ្ញជាតិសម្រាប់អាហារពេលព្រឹកអាចនាំឱ្យមានការរលាកក្នុងរាងកាយ។
ម្សៅដែលបានកែច្នៃហើយមិនមានជាតិកាកសរសៃសម្រាប់ការរំលាយអាហារយឺតៗ និងគ្មានសារធាតុចិញ្ចឹម ដែលមានន័យថារាងកាយរបស់អ្នករំលាយអាហារយ៉ាងលឿន ដែលនាំឱ្យកើនជាតិស្ករក្នុងឈាម ។ វាបណ្តាលឱ្យរាងកាយមានការឆ្លើយតបទៅនឹងការរលាកដំបូង។ ជំនួសឱ្យការបរិភោគអាហារសម្បូរជាតិកាបូអីុដ្រាតកែច្នៃ អ្នកអាចជ្រើសយកអាហារដែលមានជាតិកាកសរសៃខ្ពស់ អាហារដែលមានជាតិកាបូអីុដ្រាតមិនទាន់កែច្នៃនិងល្អចំពោះសុខភាព ។ ប្រភពដ៏ល្អបំផុតនៃអាហារទាំងនេះគឺ oatmeal quinoa barley អង្ករសំរូប និងគ្រាប់ធញ្ញជាតិផ្សេងទៀត ។
២-ស្ករកែច្នៃ ៖ ស្ករដែលអ្នកបរិភោគជារៀងរាល់ថ្ងៃក៏អាចបណ្តាលឱ្យអ្នកមានគ្រោះថ្នាក់ផងដែរ ព្រោះវាបន្ថែមបរិមាណយ៉ាងច្រើននៃជាតិស្ករ fructose ដែលអាចបង្កឱ្យមានការរលាកក្នុងរាងកាយ ។ វាថែមទាំងមានទំនាក់ទំនងទៅនឹងការកើនឡើងហានិភ័យនៃជំងឺមួយចំនួនដូចជា ជំងឺមេតាបូលីស និងទឹកនោមផ្អែមប្រភេទ២ ។ ជំនួសឱ្យជាតិស្ករកែច្នៃ សូមជ្រើសយកជាតិស្ករធម្មជាតិដូចជាស្ករ stevia ទឹកឃ្មុំ ឬស្ករ blackstrap molasses ក្នុងការបន្ថែមរសជាតិដល់ភេសជ្ជៈរបស់អ្នក ។
៣-ខ្លាញ់កែច្នៃ ៖ ខ្លាញ់ដែលឆ្លងកាត់ការកែច្នៃអាចបង្កើនកម្រិតនៃជាតិកូឡេស្តេរ៉ុលអាក្រក់ក្នុងរាងកាយ និងកាត់បន្ថយកូឡេស្តេរ៉ុលល្អ ។ ស្របគ្នានេះដែរ ខ្លាញ់ទាំងនេះអាចបណ្តាលឱ្យមានការរលាកដែលបង្កគ្រោះថ្នាក់យ៉ាងខ្លាំងដល់រាងកាយ ។ ខ្លាញ់កែច្នៃភាគច្រើនមាននៅក្នុងអាហារបំពង អាហារ fast foods និងអាហារដុត សូមព្យាយាមជៀសវាងអាហារទាំងនេះ។ ជំនួសឲ្យការបរិភោគអាហារសម្បូរជាតិខ្លាញ់កែច្នៃ សូមសាកល្បងប្រើប្រេងដែលល្អចំពោះសុខភាពដូចជា ប្រេងអូលីវ ឬប្រេងដូង ។
៤-ប្រេងធ្វើម្ហូបទូទៅ ៖ ប្រេងចម្រាញ់ពីរុក្ខជាតិសម្រាប់ចម្អិនអាហារ ព្រមទាំងប្រេងចម្រាញ់ពីគ្រាប់ពូជរុក្ខជាតិដែលត្រូវបានគេប្រើច្រើននៅក្នុងផ្ទះ និងភោជនីយដ្ឋានមានកម្រិតអាស៊ីតខ្លាញ់ Omega-6 ខ្ពស់ខ្លាំង និងមានអាស៊ីតខ្លាញ់ Omega 3 ទាប ។ របបអាហារដែលមាន Omega-6 មិនសមាមាត្រនឹង Omega-3 នឹងជំរុញឱ្យមានការរលាក និងនាំឱ្យមានជំងឺរលាក ដូចជាជំងឺបេះដូង និងមហារីក ។
សូមធ្វើការផ្លាស់ប្តូរប្រេងចម្អិនអាហាររបស់អ្នកទៅជាប្រេងអូលីវ និងប្រេងដូងវិញដើម្បីទទួលបានផលប្រយោជន៍នៃភ្នាក់ថារប្រឆាំងនឹងការរលាកពីអាស៊ីតខ្លាញ់អូមេហ្កា ៣ ៕
ចែករំលែកព័តមាននេះ