ហួសហេតុពេកហើយ ! មិនព្រមចែកឲ្យ ចង់សម្លាប់មួយគ្រួសារ
ខេត្តស្វាយរៀង ៖ បុរសម្នាក់ត្រូវបានសមត្ថកិច្ចចាប់ខ្លួនកាលពីរសៀលថ្ងៃទី២៦ ខែធ្នូ ឆ្នាំ២០១៦ បន្ទាប់ពីបុរសរូបនោះត្រូវបានស្ត្រីជាម្តាយប្តឹងចោទប្រកាន់ថា ប៉ុនប៉ងសម្លាប់ …
ខេត្តស្វាយរៀង ៖ បុរសម្នាក់ត្រូវបានសមត្ថកិច្ចចាប់ខ្លួនកាលពីរសៀលថ្ងៃទី២៦ ខែធ្នូ ឆ្នាំ២០១៦ បន្ទាប់ពីបុរសរូបនោះត្រូវបានស្ត្រីជាម្តាយប្តឹងចោទប្រកាន់ថា ប៉ុនប៉ងសម្លាប់មួយគ្រួសារ តែសំណាងល្អគាត់ដឹងទាន់ ។
សមត្ថកិច្ចបានឲ្យដឹងថា ជនសង្ស័យឈ្មោះ សៅ ណន ភេទប្រុស អាយុ២១ឆ្នាំ មុខរបរមិនពិតប្រាកដ ចំណែកស្ត្រីជាម្តាយដែលដាក់ពាក្យបណ្ដឹងឈ្មោះ សោម សារឿន អាយុ៥៩ឆ្នាំ មុខរបរកសិករ ។ គ្រួសារនេះរស់នៅភូមិបាយ៉ាប ឃុំបាសាក់ ស្រុកស្វាយជ្រំ ខេត្តស្វាយរៀង ។
ស្ត្រីជាម្តាយបានឲ្យសមត្ថកិច្ចដឹងថា ដោយសារតែខឹងឪពុកមិនព្រមចែកទ្រព្យសម្បត្តិឲ្យ ជនសង្ស័យជាកូនបានខឹងយ៉ាងខ្លាំងរហូតដាក់ថ្នាំបំពុលសត្វចូលទៅក្នុងទឹកពាងប៉ុនប៉ងសម្លាប់មួយគ្រួសារដើម្បីយកទ្រព្យសម្បត្តិ ប៉ុន្តែសំណាងល្អគាត់ជាម្តាយដឹង ក៏ប្តឹងសមត្ថកិច្ចឲ្យចាប់ខ្លួនតែម្តង ។
នៅចំពោះមុខសមត្ថកិច្ច ជនសង្ស័យបានសារភាពថា ពិតជាបានដាក់ថ្នាំបំពុលសត្វចូលទឹកពាងមែន ។ យោងតាមពាក្យបណ្ដឹងរបស់ស្ត្រីជាម្តាយ និងចម្លើយសារភាពរបស់ជនសង្ស័យ សមត្ថកិច្ចក៏បានកសាងសំណុំរឿងបញ្ជូនជនសង្ស័យទៅស្នងការដ្ឋាននគរបាលខេត្តដើម្បីចាត់ការបន្តតាមនីតិវិធីច្បាប់ ៕
ចែករំលែកព័តមាននេះ