ADផ្ទាំងផ្សព្វផ្សាយពាណិជ្ជកម្ម

Picture

អភិបាល​រាជធានី​ជំរុញ​ឱ្យ​មាន​ផែនការ​គ្រប់គ្រង​យកចិត្តទុកដាក់ មើលថែ​ដើមឈើ​ឱ្យ​បាន​ល្អ

1 ឆ្នាំ មុន
  • ភ្នំពេញ

រាជធានី​ភ្នំពេញ ៖ ឯកឧត្តម ឃួ​ង ស្រេង អភិបាល​នៃ​គណៈ​អភិបាល​រាជធានី​ភ្នំពេញ បាន​ជំរុញ​ឱ្យ​មន្ទីរ​កសិកម្ម រុក្ខា​ប្រមាញ់ និង​នេសាទ រាជធានី​ភ្នំពេញ…

រាជធានី​ភ្នំពេញ ៖ ឯកឧត្តម ឃួ​ង ស្រេង អភិបាល​នៃ​គណៈ​អភិបាល​រាជធានី​ភ្នំពេញ បាន​ជំរុញ​ឱ្យ​មន្ទីរ​កសិកម្ម រុក្ខា​ប្រមាញ់ និង​នេសាទ រាជធានី​ភ្នំពេញ និង​អាជ្ញាធរ​ខណ្ឌ​ទាំង​១៤ យកចិត្តទុកដាក់​ពិនិត្យ មើលថែ​ដើមឈើ​គ្រប់​ប្រភេទ​ដែល​បាន​ដាំ​រួច​នៅ​ក្នុង​រាជធានី​ភ្នំពេញ​ឱ្យ​បាន​ល្អ ពិសេស​ត្រូវ​ជួយ​បំផុស​ប្រជាពលរដ្ឋ ចេះ​ស្រឡាញ់​និង​មើលថែ​ដើមឈើ​ផង កុំ​សម្លាប់​ដើមឈើ​។ ការ​ជំរុញ​បែប​នេះ​របស់​ឯកឧត្តម ឃួ​ង ស្រេង បាន​ធ្វើ​ឡើង​នា​ព្រឹក​ថ្ងៃ​ទី​២១ ខែ​កក្ក ដា ឆ្នាំ​២០២២​នេះ​ក្នុង​ពិធី​ដាំ​ដើមឈើ​អបអរសាទរ​រុក្ខទិវា ៩ កក្កដា ឆ្នាំ​២០២២ នៅ​បរិវេណ​វត្ត​ភ្នៀ​ត​សិម្ពលី ស្ថិត​ក្នុងភូមិ​ស្វាយ សង្កាត់​ស្នោរ ខណ្ឌ​កំ​បូល រាជធានី​ភ្នំពេញ​។

ឯកឧត្តម ឃួ​ង ស្រេង បាន​មាន​ប្រសាសន៍​លើក​ឡើង​ថា ៖ នៅ​រាជធានី​ភ្នំពេញ ថ្វី​ត្បិត​តែ​ពុំ​មាន​ផ្ទៃដី​ទំនេរ មាន​ទំហំ​ធំ​សម្រាប់​ដាំ​ឈើ ជា​ចម្ការ​ក៏​ពិតមែន ប៉ុន្តែ​អាជ្ញាធរ​បាន​ខិតខំ​ប្រឹងប្រែង​ការ​ថែទាំ​ដាំ​ដើមឈើ​ជា​ប្រចាំ​នៅ​តាម​សួនច្បារ​សាធារណៈ​នានា ពិសេស​តែងតែ​រៀបចំ​ប្រារ​ព្ឋ​ពិធី​ដាំ​ដើមឈើ​ជា​រៀង​រាល់​ឆ្នាំ​ដូច​បណ្តា​ខេត្ត​នានា​ទូ​ទាំង​ប្រទេស​ដែរ​។ បន្ថែម​ពី​នេះ​ទៀត សកម្មភាព​បណ្តុះ​កូន​ឈើ និង​ចែកចាយ​កូន​ឈើជូន​សាធារណជន អង្គភាព​សាធារណៈ សាលារៀន វត្ត​អារាម សម្រាប់​យក​ទៅ​ដាំ ត្រូវ​បាន​អនុវត្ត ជា​ធម្មតា​ស្រប​តាម​រដូវ​កាល​ដាំ​ដុះ​មិន​មានការ​អាក់ខាន​ឡើយ ដោយ​គ្រាន់តែ​មិន​មានការ​ជួបជុំ​គ្នា​ប្រារព្ធ​ពិធី​ប៉ុណ្ណោះ​។

ឯកឧត្តម ឃួ​ង ស្រេង បាន​បន្ត​ទៀត​ថា នៅ​រាជធានី​ភ្នំពេញ បាន​ត្រៀម​ដើមឈើ​ចំនួន​២0​ម៉ឺន​ដើម ដើម្បី​ដាំ​នៅ​ឧទ្យាន ។ សម្រាប់​មន្ទីរ​កសិកម្ម រុក្ខា​ប្រមាញ់ និង​នេសាទ​រាជធានី​ភ្នំពេញ និង​អាជ្ញាធរ​ខណ្ឌ​ទាំង​១៤ ត្រូវ​យកចិត្តទុកដាក់ ក្នុង​ការ​ពិនិត្យ​មើលថែ​ដើមឈើ​គ្រប់​ប្រភេទ​ដែល​យើង​បាន​ដាំ​រួច ព្រោះ​មាន​មនុស្ស​ខ្លះ លួច​សម្លាប់​ដើមឈើ​របស់​យើង​។ នេះ​ជា​បញ្ហា​មួយ​ដែល​យើង​ត្រូវ​តែ​យកចិត្តទុកដាក់ មើលថែ​ដើមឈើ​ឱ្យ​បាន​ម៉ត់ចត់​។ លោក ចាន់ រិ​ទ្ធី ប្រធាន​មន្ទីរ​កសិកម្ម រុក្ខា​ប្រមាញ់ និង​នេសាទ​រាជធានី​ភ្នំពេញ បាន​មាន​ប្រសាសន៍​លើក​ឡើង​ថា​៖ រុក្ខទិវា ត្រូវ​ប្រារឰ​ធ្វើ​ឡើង​នៅ​ថ្ងៃ​ទី​០៩ ខែកក្កដា ជា​រៀង​រាល់​ឆ្នាំ ក្រោម​ព្រះ​រាជាធិបតី​ភាព​ដ៏​ខ្ពង់ខ្ពស់​របស់​ព្រះ​មហា ក្សត្រ​នៃ​ព្រះរាជាណាចក្រ​កម្ពុជា ឬ​ព្រះរាជ​តំណាង​។

ការ​រៀបចំ​ពិធី​អបអរសាទរ​ទិវា​ដាំ​ដើមឈើ​ជា​ប្រពៃណី​ជាតិ​ឆ្នាំ​នេះ មន្ទីរ​កសិកម្ម រុក្ខា ប្រមាញ់ និង​នេសាទ​រាជធានី​ភ្នំពេញ បាន​កំណត់​យក​បរិវេណ វត្ត​ភ្នៀ​ត​សិម្ពលី ស្ថិត​ក្នុងភូមិ​ស្វាយ សង្កាត់​ស្នោរ ខណ្ឌ​កំ​បូល រាជធានី​ភ្នំពេញ ជាទី​តាំង​សម្រាប់​ប្រារព្ធ​ពិធី​។ កាលពី​ថ្ងៃ​ទី​១៩ ខែកក្កដា ឆ្នាំ ២០១៩​កន្លង​ទៅ ពី​ធី​ដាំ​ដើមឈើ​អបអរសាទរ​ពិធី​រុក្ខទិវា ០៩ កក្កដា ឆ្នាំ ២០១៩ ត្រូវ​បាន​ធ្វើ​ឡើង​នៅ​វត្ត​និគ្រោធ​វ័ន (​ហៅ​វត្ត​គល់​ទទឹង​) តែ​សម្រាប់​ពិធី​ឆ្នាំ​នេះ យើង​ដាំ​ដើមឈើ​ចម្រុះ​ប្រភេទ (​មាន​ក្រ​ញូ​ង ធ្នង់ នាងនួន បេង គគីរ ឈើទាល គី​នី​ន ច្រេស កកោះ សាគូ​រ៉ា ត្នោត ក្ងោក អំពិល​បារាំង ឥន្ទនេល រាំងភ្នំ រាំង​ទឹក និង​ដើម​ពោធិ៍​) សរុប​ចំនួន ១ ០៧២​ដើម​។

លើស​ពី​នេះ យើង​បាន​ដាំ​ដើមឈើ​ចំនួន ៣ ១១៦​ដើម ទៀត នៅ​តាម​បណ្តា​វត្ត​អារាម សាលារៀន និង​ដងផ្លូវ​សាធារណៈ​នានា នៅ​ក្នុងភូមិ​សាស្ត្រ​រាជធានី​ភ្នំពេញ ខណ្ឌ​រដ្ឋបាល​ព្រៃឈើ ភ្នំពេញ នៃ​មន្ទីរ​កសិកម្ម រុក្ខា​ប្រមាញ់ និង​នេសាទ​រាជធានី​ភ្នំពេញ បាន​ធ្វើការ​បណ្តុះ​កូន​ឈើ​ជា​ច្រើន​ប្រភេទ ចំនួន​ប្រមាណ ៣០០០០​ដើម​ក្នុង​១​ឆ្នាំ សម្រាប់​ទុក​ប្រគេន​ព្រះសង្ឃ និង​ចែក​ជូន​ប្រជា ពលរដ្ឋ​យក​ទៅ​ដាំ ដែល សម្រាប់​ឆ្នាំ​២០២២ ដោយ​គិត​ត្រឹម​ដំណាច់ខែ​មិថុនា​នេះ មានកូន​ឈើ​ទុក​ត្រៀម​សម្រាប់​ចែក​ជូន​ដល់​សាលា រៀន វត្ត​អារាម សាលា​ខណ្ឌ គ្រឹះស្ថានសាធារណៈ និង​ប្រជាពលរដ្ឋ សរុប​ប្រមាណ​ជាង ៤០ ០០០​ដើម​៕ ដោយ ៖ ច​ន ណា​រិ​ទ្ធ

អត្ថបទសរសេរ ដោយ

កែសម្រួលដោយ