ឃើញជិះកង់ដឹកសំពីងសំពោងគ្របជិតឈឹង សង្ស័យហៅសួរនាំបែកធ្លាយស្រាបៀ៣កេស
- កំពង់ឆ្នាំង
កម្លាំងអធិការនគរបាលក្រុងកំពង់ឆ្នាំង បានឃាត់ជនសង្ស័យម្នាក់គ្រាកំពុងតែជិះកង់ដឹក
កម្លាំងអធិការនគរបាលក្រុងកំពង់ឆ្នាំង បានឃាត់ជនសង្ស័យម្នាក់គ្រាកំពុងតែជិះកង់ដឹក
ខេត្តកំពង់ឆ្នាំង ៖ កម្លាំងអធិការនគរបាលក្រុងកំពង់ឆ្នាំង បានឃាត់ជនសង្ស័យម្នាក់គ្រាកំពុងតែជិះកង់ដឹកស្រាបៀរដែលលួចបាននៅតាមផ្លូវ ។ ហេតុការណ៍នេះបានកើតឡើងកាលពីវេលានៅម៉ោង១២និង១៥នាទីរំលងអធ្រាត្រឈានចូលថ្ងៃទី១៩ ខែកក្កដា ឆ្នាំ២០២២ ។
អធិការដ្ឋាននគរបាលក្រុងកំពង់ឆ្នាំង លោក ឆាយ ខេមរដ្ឋ បានឱ្យដឹងថា ខណៈពេលដែលកម្លាំងនគរបាលក្រុងកំពង់ឆ្នាំង សហការជាមួយនគរបាលប៉ុស្តិ៍រដ្ឋបាល បានចុះល្បាតតាមគោលដៅមួយចំនួនក្នុងក្រុងកំពង់ឆ្នាំង ក៏បានប្រទះឃើញមុខសញ្ញាចាស់ឈ្មោះ គាន រ៉ុង ហៅ អោប រ៉ុង ភេទប្រុស អាយុ៣៦ឆ្នាំ រស់នៅភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំងខេត្តកំពង់ឆ្នាំង ដែលជាមុខសញ្ញាធ្លាប់ជាប់ពន្ធនាគារចំនួន៣លើក ក្នុងនោះករណី(លួច) និងករណីហិ.ង្សា ដោយជិះកង់ដឹកអីវ៉ាន់សំពីងសំពោងគ្រប់ជិតឈឹង។
លោកបន្តថា ដោយឃើញដូចនេះ ធ្វើឱ្យមានការសង្ស័យ កម្លាំងសមត្ថកិច្ចក៏បានឃាត់ ដើម្បីសួរនាំ ទើបដឹងថា អីវ៉ាន់នោះគឺជាស្រាបៀរចំនួន៣កេសដែលជនសង្ស័យរូបនេះបានលួចពីហាងមួយកន្លែង នៅម្តុំទួលអពិល ។
ក្រោយពីទទួលបានចម្លើយសារភាពពីជនសង្ស័យរួចមក កម្លាំងសមត្ថកិច្ចនៃអធិការក្រុងកំពង់ឆ្នាំង បានឃាត់ខ្លួនជនសង្ស័យខាងលើ ដើម្បីធ្វើតេស្តទឹកនោមរកសារធាតុញៀ.ន ជាលទ្ធផលគឺជនសង្ស័យមានផ្ទុកសារធាតុញៀ.នមួយករណីទៀត។
បច្ចុប្បន្ន សមត្ថកិច្ចកំពុងតែកសាងសំណុំរឿងបញ្ជូនជនសង្ស័យ រួមនឹងវត្ថុតាងទៅកាន់តុលាការ ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ