រាជធានីភ្នំពេញ ៖ បន្ទប់ជួលកម្មករចំនួន ៤បន្ទប់ ត្រូវបានអគ្គិភ័យឆាបឆេះបណ្ដាលឲ្យខូចខាតទាំងស្រុង ខណៈដែលម្ចាស់ចាក់សោទុកចោលនាំគ្នា ទៅធ្វើការអស់។ អគ្គិភ័យនេះបង្កឲ្យមានការ ភ្ញាក់ផ្អើលកាលពីវេលាម៉ោង ៩និង៣០នាទីព្រឹក…
រាជធានីភ្នំពេញ ៖ បន្ទប់ជួលកម្មករចំនួន ៤បន្ទប់ ត្រូវបានអគ្គិភ័យឆាបឆេះបណ្ដាលឲ្យខូចខាតទាំងស្រុង ខណៈដែលម្ចាស់ចាក់សោទុកចោលនាំគ្នា ទៅធ្វើការអស់។ អគ្គិភ័យនេះបង្កឲ្យមានការ ភ្ញាក់ផ្អើលកាលពីវេលាម៉ោង ៩និង៣០នាទីព្រឹក ថ្ងៃទី២២ ខែធ្នូ ឆ្នាំ២០១៦ នៅចំណុចផ្សារសេរីភាព ស្ថិតនៅភូមិបាក់ទូក សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។
បន្ទប់ទាំង៤ ដែលត្រូវអគ្គិភ័យឆាបឆេះគឺបន្ទប់លេខ៦ (ទី១)ម្ចាស់ឈ្មោះ ឃុន រដ្ឋា ភេទស្រី អាយុ ២៤ឆ្នាំ មុខរបរកម្មកររោងចក្រ (ទី២)បន្ទប់លេខ៧ ម្ចាស់ឈ្មោះ នៅ សុគន្ធ ភេទប្រុស អាយុ៤២ឆ្នាំ ជាអ្នកបើកបររថយន្ត (ទី៣)បន្ទប់លេខ៨ មានម្ចាស់ឈ្មោះ ធេត ភេទស្រី អាយុ ២៥ឆ្នាំ មុខរបរកម្មកររោងចក្រ និង(ទី៤)បន្ទប់លេខ៩ ម្ចាស់ឈ្មោះ គឹម កញ្ញា ភេទប្រុស អាយុ២៨ឆ្នាំ មុខរបរកម្មកររោងចក្រ ។
បន្ទប់ទាំង៤នេះ ត្រូវបានអគ្គិភ័យឆាបឆេះអស់ទាំងស្រុង។ ទោះបីជាយ៉ាងណា នេះចាត់ទុកជាសំណាង ដែលនៅចំណុចនោះ ជាដីឡូតិ៍ប្រមាណ៣ហិតតា ដែលមានបន្ទប់ជួលជាប់គ្នាជាង១ពាន់បន្ទប់ ។ ប្រភពព័ត៌មាននៅកន្លែងកើតហេតុ បានឲ្យដឹងថា កាលពីល្ងាចថ្ងៃទី២១ ខែធ្នូ គេបានឃើញបន្ទប់លេខ៩ មានឆ្លងចរន្តអគ្គិសនីទុស្សេដោយបានឆេះកង្ហារចំនួន ២គ្រឿង។ លុះព្រឹកឡើងថ្ងៃទី២២ ខែធ្នូនេះ ក៏ឆ្លងចរន្តអគ្គិសនីម្តងទៀត បានបណ្តាលឲ្យចេញផ្សែងហុយៗ និងមានជាអណ្ដាតភ្លើងឆេះឆាបពេញក្នុងបន្ទប់ និងឆេះរាលដាលទៅបន្ទប់នៅក្បែរនោះ។
ភ្លាមៗនោះ ប្រជាពលរដ្ឋដែលនៅក្បែរកន្លែងហេតុ បាននាំគ្នាយកបំពង់ពន្លត់អគ្គីភ័យមកបាញ់ពន្លត់ទាន់ គឺបណ្តាលឲ្យបន្ទប់ចំនួន ៤បានរងការខូចខាតទាំងស្រុង។តាមសមត្ថកិច្ចឲ្យដឹងថា ការកើតមានអគ្គីភ័យ នេះបណ្តាលមកពីទុស្សេខ្សែភ្លើង ហើយឆេះរាលដាលទៅខោអាចអាវ ឆាបឆេះតែម្តង៕
ចែករំលែកព័តមាននេះ