យុវសិស្សម្នាក់ជិះម៉ូតូទាក់ដៃចង្កូតគ្នា ជាមួយអ្នកដំណើរតាមផ្លូវជាតិលេខ៣
- ភ្នំពេញ
រាជធានីភ្នំពេញ ៖ យុវសិស្សម្នាក់បានជិះម៉ូតូ១គ្រឿងក្នុងល្បឿនលឿនជែងម៉ូតូអ្នកដំណើរ១គ្រឿង
រាជធានីភ្នំពេញ ៖ យុវសិស្សម្នាក់បានជិះម៉ូតូ១គ្រឿងក្នុងល្បឿនលឿនជែងម៉ូតូអ្នកដំណើរ១គ្រឿង
រាជធានីភ្នំពេញ ៖ យុវសិស្សម្នាក់បានជិះម៉ូតូ១គ្រឿងក្នុងល្បឿនលឿនជែងម៉ូតូអ្នកដំណើរ១គ្រឿងទៀត ដែលកំពុងដំណើរតាមផ្លូវជាមួយគ្នា ប៉ុន្តែជែងអត់ផុតបានទាក់ដៃចង្កូតគ្នា បណ្ដាលឲ្យដួលបោកផ្ទប់ទៅលើថ្នល់ រងរបួសធ្ងន់ទាំងសងខាងនិងត្រូវបានរថយន្តពេទ្យដឹកយកទៅសង្គ្រោះបន្ទាន់ភ្លាមៗតែម្ដង។
ហេតុការណ៍ខាងលើនេះបានកើតឡើងកាលពីវេលាម៉ោង១២និង៤០នាទីថ្ងៃត្រង់ថ្ងៃទី១៦ ខែកក្កដា ឆ្នាំ២០២២ នៅតាមផ្លូវជាតិលេខ៣ ត្រង់ចំណុចក្រាំងដូនទៃ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពព័ត៌មានបានឲ្យដឹងថា យុវសិស្សខាងលើពុំត្រូវបានស្គាល់អត្តសញ្ញាណទេ នៅមុនពេលកើតហេតុបានជិះម៉ូតូ១គ្រឿងម៉ាកហុងដាស្គូពី ពណ៍ខៀវលាយផ្ទៃមេឃលាយខ្មៅ ពាក់ស្លាកលេខភ្នំពេញ 1JH-3772 ធ្វើដំណើរក្នុងទិសដៅស្របគ្នាពីត្បូងទៅជើង លុះពេលទៅដល់ត្រង់ចំណុចកើតហេតុ បានជែងម៉ូតូ១គ្រឿងទៀតម៉ាកហុងដាឌ្រីម ធុនសេ១២៥ ពណ៍ខ្មៅ ពាក់ស្លាកលេខ កំពង់ធំ 1E-6929 ជិះគ្នា២នាក់ក្នុងទិសដៅស្របគ្នាដែរ ប៉ុន្តែប៉ះចំស៊យជែងអត់ផុតក៏បានជ្រុលទៅទាក់ដៃចង្កម៉ូតូហុងដាឌ្រីម ធុនសេ១២៥នោះ បណ្ដាលឲ្យដួលបោកផ្ទប់ថ្នល់ទាំងកម្រោលទាំង២គ្រឿងនិងបង្កឲ្យយុវសិស្សនោះព្រមទាំងភាគីអ្នកជិះម៉ូតូហុងដាឌ្រីមសេ១២៥មនាក់ផងរងរបួសធ្ងន់។
ប្រភពដដែលបានបន្តទៀតថា ក្រោយពេលកើតហេតុអ្នករងគ្រោះទាំង២នាក់ត្រូវបានបញ្ជូនទៅកាន់មន្ទីរពេទ្យដើម្បីសង្គ្រោះបន្ទាន់ ចំណែកនគរបាលប៉ុស្តិ៍ចោមចៅទី២បានចុះទៅធ្វើការវាស់វែងនិងនាំយកម៉ូតូទាំង២គ្រឿងទៅរក្សាទុកបណ្ដោះអាសន្នរង់ចំការដោះស្រាយគ្នានៅពេលក្រោយទៀត៕
ចែករំលែកព័តមាននេះ