ចាប់ខ្លួនយុវជនទំនើង៤នាក់ ដែលវាយតប់គ្នានៅតាមដងផ្លូវផ្លូវសាធារណៈ
រាជធានីភ្នំពេញ ៖ យុវជនទំនើង៤នាក់ចំនួន២ក្រុម ត្រូវបាននគរបាលខណ្ឌសែនសុខ និងនគរបាលប៉ុស្តិ៍ភ្នំពេញថ្មី ធ្វើការឃាត់ខ្លួនកាលពីម៉ោង១០ និង៣០នាទីព្រឹក ថ្ងៃទី២០
រាជធានីភ្នំពេញ ៖ យុវជនទំនើង៤នាក់ចំនួន២ក្រុម ត្រូវបាននគរបាលខណ្ឌសែនសុខ និងនគរបាលប៉ុស្តិ៍ភ្នំពេញថ្មី ធ្វើការឃាត់ខ្លួនកាលពីម៉ោង១០ និង៣០នាទីព្រឹក ថ្ងៃទី២០ ខែធ្នូ ឆ្នាំ២០១៦នេះ បន្ទាប់ពីមានទំនាស់ វាយតប់គ្នា នៅតាមដងផ្លូវ១០១៩ ក្នុងភូមិក្រុងថ្មី សង្កាត់ភ្នំពេញថ្មី ខណ្ឌសែនសុខ។ យុវជនទំនើងដែលត្រូវឃាត់ខ្លួន ក្រុមទី១ឈ្មោះ វណ្ណ ស៊ីណា អាយុ១៦ឆ្នាំ ស្នាក់នៅភូមិភ្នំពេញថ្មីសង្កាត់ភ្នំពេញថ្មី ខណ្ឌសែនសុខ និងឈ្មោះ មុំ ច័ន្ទដេត អាយុ២១ឆ្នាំ ស្នាក់នៅភូមិបាយ៉ាប សង្កាត់ភ្នំពេញថ្មី ខណ្ឌសែនសុខ ជិះម៉ូតូMSX ពណ៌ស ពាក់ស្លាកលេខ ភ្នំពេញ1SQ-2103។
ចំណែកភាគីក្រុមទី២.ឈ្មោះហួង ណៃ អាយុ១៩ឆ្នាំ ស្នាក់នៅភូមិបាយ៉ាប សង្កាត់ភ្នំពេញថ្មី ខណ្ឌសែនសុខ និងឈ្មោះ ពៅ សំណាង អាយុ២៣ឆ្នាំ ស្នាក់នៅភូមិបាយ៉ាប សង្កាត់ភ្នំពេញថ្មី ខណ្ឌសែនសុខ ជិះម៉ូតូម៉ាក ហុងដា សេ១២៥ ។ តាមនគរបាលខណ្ឌសែនសុខ បានឲ្យដឹងថា មុនកើតហេតុគេឃើញយុវជនទំនើងទាំង២ក្រុមមានគ្នាប្រមាណ៤នាក់ បានជិះម៉ូតូដេញវាយគ្នាយ៉ាងអនាធិបតេយ្យនៅតាមដងផ្លូវ១០១៩ ក្នុងទិសដៅពីជើងទៅត្បូង។
ខណៈនោះត្រូវបានកម្លាំងនគរបាលខណ្ឌសែនសុខដេញឃាត់បានចំនួន០៤នាក់ ទាំងសងខាងបញ្ជូនទៅកាន់អធិការខណ្ឌសែនសុខដើម្បីសាកសួរ។ នៅចំពោះមុខសមត្ថកិច្ចយុវជនក្រុមទី១ បានប្រាប់ឲ្យដឹងថា មូលហេតុ ដែលវាយតប់គ្នាដោយសារតែ ភាគីទី២បានជិះម៉ូតូដឺដងឲ្យក្រុមរបស់ខ្លួនជាយូរមកហើយ ទើបនៅព្រឹកនេះជិះជួបក៏បានដេញវាយតែម្តង៕
ចែករំលែកព័តមាននេះ