ប្រជាពលរដ្ឋដែលរស់នៅសង្កាត់អណ្តូងខ្មែរ ក្រុងកំពតខេត្តកំពត ក៏ដូចជាប្រជាពលដែលប្រើប្រាស់ និងចរាចរណ៍លើដងផ្លូវក្រាលកៅស៊ូមួយខ្សែ ដែលតភ្ជាប់ពីផ្លូវបំបែកផ្លូវជាតិលេខ៣
ខេត្តកំពត ៖ ប្រជាពលរដ្ឋដែលរស់នៅសង្កាត់អណ្តូងខ្មែរ ក្រុងកំពតខេត្តកំពត ក៏ដូចជាប្រជាពលដែលប្រើប្រាស់ និងចរាចរណ៍លើដងផ្លូវក្រាលកៅស៊ូមួយខ្សែ ដែលតភ្ជាប់ពីផ្លូវបំបែកផ្លូវជាតិលេខ៣ កំពត-ខេត្តព្រះស៊ីហនុ ស្ថិតក្នុងសង្កាត់អណ្តូងខ្មែរ ក្រុងកំពត ដែលផ្លូវនេះមានប្រវែងប្រហែលតែជាង៣០០ម៉ែត្រតែប៉ុណ្ណោះ បើគិតពីផ្លូវបំបែកផ្លូវជាតិលេខ៣ មកដល់ក្បាលស្ពានឥន្ទនូត្រើយខាងលិច។
ផ្លូវនេះ រងការខូចខាតយ៉ាងដំណំជាយូរខែមកហើយដែរ គេពុំទាន់ឃើញមន្ត្រីរជំនាញសាធារណការ និងដឹកជញ្ជូនខេត្ត និងអាជ្ញាធរ សង្កាត់និងក្រុង គ្មានចំណាត់ជួសជុល ឬធ្វើយ៉ាងណានៅឡើយទេ។
ប្រជាពលរដ្ឋដែលបានធ្វើចរាចរណ៍លើដងផ្លូវមួយខ្សែនេះ ក៏ដូចជាពលរដ្ឋដែលរស់នៅក្បែរផ្លូវបានឲ្យដឹងថា ផ្លូវនេះ អ្នកធ្វើចរាចរណ៍បុកគ្នារវាងម៉ូតូនិងម៉ូតូជាញឹកញាប់ ដោយសារតែការគេចជង្ហុក ព្រោះផ្លូវមួយខ្សែនេះ មានជង្ហុកជ្រៅៗ និងដក់ទឹកទៀតផង ព្រមទាំងមានការលំបាកក្នុងការធ្វើដំណើរជារៀងរាល់ថ្ងៃរបស់ប្រជាពលរដ្ឋ ខ្លាំងណាស់។
ប្រជាពលរដ្ឋដែលរស់នៅតាមបណ្តោយផ្លូវមួយខ្សែនេះ ក៏បានបញ្ជាក់ទៀតថា ដើម្បីចៀសវាងពីការគ្រោះថ្នាក់ចរាចរណ៍ជាញឹកញាប់ ដោយសារផ្លូវមានជង្ហុកច្រើននេះ ប្រជាពលរដ្ឋសូមសំណូមពរដល់អាជ្ញាធរគ្រប់ជាន់ថ្នាក់ ជាពិសេសលោក ជីង គួង ប្រធានមន្ទីរសាធារណការនិងដឹកជញ្ជូនខេត្តកំពត មេត្តាបើកភ្នែកមើលផង ។
ព័ត៌មានបន្ថែមនឹងផ្សាយជូននៅលើកាសែតកោះសន្តិភាព ។
ចែករំលែកព័តមាននេះ