រាជធានីភ្នំពេញ ៖ មួកសុវត្ថិភាព ពណ៌ខ្មៅ ដែលមានសភាពនៅថ្មីអាចប្រើបានចំនួន០១ ត្រូវបានគេប្រទះឃើញនៅលើព្រះកេសរូបសំណាករបស់សម្តេចព្រះសង្ឃរាជ្យ ជួន ណាត នាព្រឹកថ្ងៃទី១៤ ខែកក្កដានេះ នៅចំណុចរង្វង់មូលសម្តេចព្រះសង្ឃរាជ្យ ជួន ណាត ។
![](https://kohsantepheapdaily.com.kh/wp-content/uploads/2022/07/14c806587637d871e83de3a5d07b1154.jpg)
ដែលទំនងជាម្ចាស់ខ្វះកន្លែងទុកហើយមើលទៅ? បានជាយកទៅទុកលើព្រះកេសរូបសំណាករបស់សម្តេចព្រះសង្ឃរាជ្យ បែបនេះទៅវិញ? ដែលធ្វើអោយអ្នកដំណើរដែលធ្វើដំណើរតាមផ្លូវបានឃើញ និងហួសចិត្តយ៉ាងខ្លាំងផងដែរ។
![](https://kohsantepheapdaily.com.kh/wp-content/uploads/2022/07/f7fc968477b583c218e2de0bd07122bb.jpg)
បើតាមអ្នកដំណើរតាមផ្លូវម្នាក់បាននិយាយថា នៅពេលដែលរូបគាត់ធ្វើដំណើរជិះម៉ូតូតាមផ្លូវនៅចំណុចរង្វង់មូលសម្តេចព្រះសង្ឃរាជ្យ ជួន ណាត បានប្រទះឃើញរបស់មួយខ្មៅៗនៅលើព្រះកេសរូបសំណាករបស់សម្តេចព្រះសង្ឃរាជ្យ ជួន ណាត ដោយមានការងឿងឆ្ងល់ថា វាជារបស់អ្វី? លុះឈប់ម៉ូតូពិនិត្យមើលទៅទើបដឹងថា វា គឺជាមួកសុវត្ថិភាព។
![](https://kohsantepheapdaily.com.kh/wp-content/uploads/2022/07/1acc484acf1ffdc22d5429972e74b692.jpg)
មួកសុវត្ថិភាពនេះដែរ មើលទៅវានៅថ្មីគ្រាន់បើអាចប្រើបានវាទំនងជាត្រូវបានម្ចាស់ខ្វះកន្លែងទុក ហើយយកទៅទុកលើព្រះកេសរបស់សម្តេចព្រះសង្ឃរាជ្យបែបនេះតាមមើល?ដោយមិនដឹងជារបស់អ្នកណាម្នាក់នោះឡើយ?
![](https://kohsantepheapdaily.com.kh/wp-content/uploads/2022/07/8f2b45bf77cadc63cb97b78899bd4c79.jpg)
តាមប្រភពដដែលបានប្រាប់បន្តទៀតថា ការយកមួកសុវត្ថិភាពមកដាក់លើព្រះកេសរូបសំណាករបស់សម្តេចព្រះសង្ឃរាជ្យ ជួន ណាត បែបនេះ ហាក់បីដូចជា មិនសមរម្យទាល់តែសោះ ចំណែកឯកម្លាំងអាជ្ញាធរមូលដ្ឋានក៏មិនបានយកចិត្តទុកដាក់ និងមើលការខុសត្រូវផងដែរ នេះគេគ្រាន់តែយកមួកមកដាក់ពីលើចុះបើមានបំណងអាក្រក់មកធ្វើការបំផ្លិចបំផ្លាញវិញនោះ តើវាទៅជាយ៉ាងណា?
![](https://kohsantepheapdaily.com.kh/wp-content/uploads/2022/07/0bcdcdcc49dc737a3cdacdc9754a3606.jpg)
ចំណុចរង្វង់មូលសម្តេចព្រះសង្ឃរាជ្យ ជួន ណាត នេះដែរ គឺស្ថិតនៅក្រោមការគ្រប់គ្រង និងទទួលការខុសត្រូវរបស់សង្កាត់ទន្លេបាសាក់ ខណ្ឌចំការមន ប្រហែលជាមិនបានដឹងថា មានមួកសុវត្ថិភាពមួយត្រូវបានគេយកមកដាក់លើព្រះកេសរូបសំណាករបស់សម្តេចព្រះសង្ឃរាជ្យ ជួន ណាត ទេតាមមើល? ។
ហើយការយកមួកមកដាក់បែបនេះ វាហាក់បីដូចជា ការប្រមាថលើរូបសំណាក និងមិនសមរម្យទាល់តែសោះ ៕
![](https://kohsantepheapdaily.com.kh/wp-content/uploads/2022/07/52c149f304aee2a1f129c1d2e4898e94.jpg)
![](https://kohsantepheapdaily.com.kh/wp-content/uploads/2022/07/e5d8b557c6f9e536421276aa25882752.jpg)
![](https://kohsantepheapdaily.com.kh/wp-content/uploads/2022/07/f7f5e8ec6991ca11afdf4f37238314c3.jpg)
![](https://kohsantepheapdaily.com.kh/wp-content/uploads/2022/07/bc49741a5a2e1704b23cff877523bcb6.jpg)
![](https://kohsantepheapdaily.com.kh/wp-content/uploads/2022/07/4196bfd6fdedd502a8bdcd1c507cf55d.jpg)
ចែករំលែកព័តមាននេះ