បុរសម្នាក់ត្រូវបានក្រុមគ្រួសារដើររក និងប្រទះឃើញស្លា.ប់នៅក្នុងទឹកជិតស្ពានដង្កៀបក្តាម ស្ថិតក្នុងភូមិស្តុកកប្បាស ឃុំបន្ទាយព្រាល ស្រុករលាប្អៀរ គ្រាដែលបុរសរូបនោះចេញពីផ្ទះ ដើម្បី
ខេត្តកំពង់ឆ្នាំង ៖ បុរសម្នាក់ត្រូវបានក្រុមគ្រួសារដើររក និងប្រទះឃើញស្លា.ប់នៅក្នុងទឹកជិតស្ពានដង្កៀបក្តាម ស្ថិតក្នុងភូមិស្តុកកប្បាស ឃុំបន្ទាយព្រាល ស្រុករលាប្អៀរ គ្រាដែលបុរសរូបនោះចេញពីផ្ទះ ដើម្បីមកលើកមងចាប់ត្រី ។
បើតាមសមត្ថកិច្ចនគរបាលបានអោយដឹងថា ជនរងគ្រោះមានឈ្មោះ អ៊ិន អ៊ុល អាយុ៦៣ឆ្នាំ មានទីលំនៅភូមិទ័ពត្បែង ឃុំបន្ទាយព្រាល ស្រុករលាប្អៀរ ។
ប្រភពដដែលបានបន្តថា ដោយស្រង់សម្ដីរបស់គ្រួសារជនរងគ្រោះឲ្យដឹងថា មុនពេលកើតហេតុ ជនរងគ្រោះបានចេញផ្ទះម៉ោងប្រមាណជាង៥ព្រឹក ដើម្បីទៅលើកមងចាប់ត្រី នៅចំណុចជិតស្ពានដង្កៀបក្តាម។ ប៉ុន្តែបាត់មិនឃើញត្រឡប់មកវិញ រហូតដល់ម៉ោងជាង១១ថ្ងៃត្រង់ ដោយបាត់យូរពេក ក្រុមគ្រួសារក៏បាននាំគ្នាដើរទៅរក ហើយក៏បានប្រទះឃើញស្លា.ប់នៅក្នុងទឹកក្បែរកំពតព្រៃ ជិតស្ពានតែម្តង ។
សមត្ថកិច្ចបានបញ្ជាក់ថា ជនរងគ្រោះ អាចបានដើរធ្លាក់អន្លង់ជ្រៅ ហើយប្រហែលជាខ្យល់.គផង ទើបបណ្ដាលឲ្យលង់ស្លា.ប់បែបនេះ ។
ក្រោយពេលធ្វើការកោសល្យវិច្ច័យរួច សមត្ថកិច្ចក៏បានប្រគល់ស.ពជនរងគ្រោះទៅក្រុមគ្រួសារ ដើម្បីធ្វើបុណ្យតាមប្រពៃណី។
សូមបញ្ជាក់ថា ជនរងគ្រោះមានប្រពន្ធឈ្មោះ ស៊ុម សុខ មានកូន៥នាក់ ក្នុងប្រុស៣នាក់ និងស្រី២នាក់ផងដែរ៕
ចែករំលែកព័តមាននេះ