រាជធានីភ្នំពេញ ៖ ជាកន្លែងកម្សាន្តសប្បាយ មានមនុស្សស្រីប្រុសបានទៅច្រៀងលេងនៅហាងខារ៉ាអូខេ ប៉ុន្តែស្ត្រីមេផ្ទះភាគច្រើនមិនសប្បាយចិត្តឡើយ បើដឹងថាស្វាមីខ្លួនបានចូលខារ៉ាអូខេនោះ ។ ស្ត្រីខ្លះខឹងស្វាមីខ្លាំង រហូតបង្កើតជាជម្លោះជាមួយស្វាមីទៀតផង បើដឹងថា…
រាជធានីភ្នំពេញ ៖ ជាកន្លែងកម្សាន្តសប្បាយ មានមនុស្សស្រីប្រុសបានទៅច្រៀងលេងនៅហាងខារ៉ាអូខេ ប៉ុន្តែស្ត្រីមេផ្ទះភាគច្រើនមិនសប្បាយចិត្តឡើយ បើដឹងថាស្វាមីខ្លួនបានចូលខារ៉ាអូខេនោះ ។
ស្ត្រីខ្លះខឹងស្វាមីខ្លាំង រហូតបង្កើតជាជម្លោះជាមួយស្វាមីទៀតផង បើដឹងថា ប្តីខ្លួនលួចចូលខារ៉ាអូខេ ។ សួរ និងសុំចិត្តប្រពន្ធ ដើម្បីចូលខារ៉ាអូខេ ប្រហែលសម្រាប់បុរសៗភាគច្រើនមិនស្រួលនោះឡើយ ។ បើសុំត្រង់ៗទំនងបុរសជាស្វាមីគ្មានឱកាសស្គាល់ខារ៉ាអូខេនោះទេ ។
ស្ត្រីមិនចូលចិត្តឲ្យស្វាមីចូលខារ៉ាអូខេ ពីព្រោះតែពួកគាត់យល់ថា នៅទីនោះបុរសៗអាចមានឱកាសសប្បាយជាមួយនារីផ្សេងក្រៅពីខ្លួនបាន ។ ទំនងរឿងនេះមានតែបុរសដែលចូលចិត្តចូលខារ៉ាអូខេនោះទេ ទើបដឹងច្បាស់ ។ នៅក្នុងបន្ទប់ខារ៉ាអូខេ មានភ្លើងពណ៌ មានការច្រៀងរាំកម្សាន្ត និងមាននារីស្អាតៗរងចាំអង្គុយកំដរភ្ញៀវ ។
នារីបម្រើការងារនៅក្នុងហាងខារ៉ាអូខេ ជាការងារមួយដែលបានផ្តល់ប្រាក់ចំណូលចិញ្ចឹមជីវិតដល់នារីក្មេងៗ មិនតិចនាក់ទេនៅកម្ពុជា ។ កាលពីអំឡុងហាងខារ៉ាអូខេបិទទ្វារ ដើម្បីការការពារទប់ស្កាត់ការឆ្លងរាលដាលជំងឺកូវីដ១៩ នាពេលកន្លងមកនេះមិនត្រឹមធ្វើឲ្យម្ចាស់អាជីវកម្មអាខារ៉ូខេជាច្រើនបានខាតបង់នោះទេ នារីបម្រើការក្នុងខារ៉ាអូខេជាច្រើននាក់ បានបាត់ចំណូលប៉ះពាល់ជីវភាព លំបាកក្នុងការរស់នៅប្រចាំថ្ងៃ ហើយមាននារីមួយចំនួនបានចុះតាមផ្លូវស្វែងរកការជួយអន្តរាគមន៍ជាសាធារណទៀតផង ។
និយាយពីរបររាត្រីក្នុងបន្ទប់ខារ៉ាអូខេ អ្នកកំដរភ្ញៀវត្រូវតែតុបតែងកាយឲ្យស្រស់ស្អាត ឲ្យសមទៅនឹងភ្លើងពណ៌ចម្រុះក្នុងបន្ទប់ខារ៉ាអូខេ ដែលមានភ្ញៀវសុទ្ធតែជាបុរសស្លៀកពាក់យ៉ាងសមសួន ជាអតិថិជន និងដែលជាប្រភពផ្តល់ប្រាក់ចំណូលដល់ពួកគេ ។
នៅក្នុងបន្ទប់ខារ៉ាអូខេ នារីកំដរភ្ញៀវមិនត្រឹមអង្គុយជិតបុរសជាជាអតិថិជននោះទេ ពួកគាត់ត្រូវច្រៀង និងរាំ ព្រមទាំងទទួលទានគ្រឿងស្រវឹងជាមួយភ្ញៀវ ។ មាននារីខារ៉ាអូខេជាច្រើន ធ្វើការនៅពេលយប់មិនមានប្រាក់ខែឡើយ ពួកគាត់ទទួលចំណូលពីប្រាក់ដែលភ្ញៀវឲ្យ ។ ភ្ញៀវចូលចិត្ត ភ្ញៀវស្រឡាញ់ ពិសេសប៉ះភ្ញៀវសម្បូរលុយដៃទូលាយពួកគាត់នឹងទទួលប្រាក់ចំណូលច្រើនទៅតាមនោះ ។ ប៉ុន្តែបើប៉ះភ្ញៀវមានឥរិយាបទមិនល្អ ភ្ញៀវស្រវឹងកាច ពួកគាត់ក៏យ៉ាប់ទៅតាមនោះ ជួនកាលអាចរងអំពើហិ.ង្សាទៀតផង ។
ដើម្បីប្រាក់នារីបម្រើការនៅហាងខារ៉ាអូខេ តែងតែសម្របសម្រួលខ្លួនធ្វើយ៉ាងណាផ្តល់ការសប្បាយដល់ភ្ញៀវ ដើម្បីខ្លួនបានប្រាក់រង្វាន់ ។ ពួកគេអាចធ្វើគ្រប់យ៉ាងដែលអាចធ្វើបាន ដើម្បីប្រាក់រហូតដល់ការបម្រើភាពសប្បាយដល់បុរសជាដើម ដែលជាហេតុផលសំខាន់ ដែលបានជាស្ត្រីមេផ្ទះជាច្រើនមិនសប្បាយចិត្តចំពោះស្វាមីចូលខារ៉ាអូខេនោះ ។
តាមពិតទៅនៅតាមបន្ទប់ខារ៉ាអូខេ តែងតែហាមមិនឲ្យមានរឿងលើគ្រែ និងជួញដូរផ្លូវភេទឡើយ ប៉ុន្តែប្រាកដណាស់ នៅពេលបុរសស្ត្រី នៅជិតគ្នា អោបគ្នា និងទទួលទានគ្រឿងស្រវឹងដូចគ្នា ខណៈម្ខាងជាអ្នកត្រូវរកប្រាក់ចិញ្ចឹមជីវិត និងម្ខាងទៀត ជាអ្នករកការសប្បាយ រឿងលើគ្រែប្រាកដជាត្រូវបានជជែកគ្នា ។
ត្រូវគ្នាពួកគេចេញទៅក្រៅ ឬនៅក្នុងហាងខារ៉ាអូខេខ្លះទៀត គេមានសេវាបន្ទប់ស្នាក់នៅក្នុងអគារតែមួយនោះតែម្តង ។ វាំងនននៅពីក្រោយបន្ទប់ខារ៉ាអូខេ បានក្លាយជារឿងដែលអ្នកណាក៏ដឹង នៅពេលគេនិយាយដល់សេវាកម្មកម្សាន្តមួយបែបនេះ ៕
ចែករំលែកព័តមាននេះ