ខេត្តកំពង់ស្ពឺ-ខេត្តព្រះសីហនុ ៖ ខណៈនេះទឹកភ្លៀងបានជន់លិចកំណាត់ផ្លូវជាតិលេខ០៤ ហើយ ត្រង់ចំណុចស្ពានសំរោង ចន្លោះគីឡូម៉ែត្រលេខ១១៥-១១៦ ស្ថិតនៅភូមិស្ទឹងច្រាល ឃុំអូរបាក់រទះ ស្រុកកំពង់សីលា ខេត្តព្រះសីហនុ…
ខេត្តកំពង់ស្ពឺ-ខេត្តព្រះសីហនុ ៖ ខណៈនេះទឹកភ្លៀងបានជន់លិចកំណាត់ផ្លូវជាតិលេខ០៤ ហើយ ត្រង់ចំណុចស្ពានសំរោង ចន្លោះគីឡូម៉ែត្រលេខ១១៥-១១៦ ស្ថិតនៅភូមិស្ទឹងច្រាល ឃុំអូរបាក់រទះ ស្រុកកំពង់សីលា ខេត្តព្រះសីហនុ ជាប់ព្រំប្រទល់ ភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្ដកំពង់ស្ពឺ ។
ប្រឈមនឹងជំនន់ទឹកភ្លៀង ហូរកាត់កំណាត់ផ្លូវជាតិខាងលើនេះ ដូច្នេះការធ្វើដំណើរឆ្លងកាត់ចំណុចនេះ ត្រូវបានបិទចរាចរណ៍ជាបណ្ដោះអាសន្ន សូមបងប្អូនប្រជាពលរដ្ឋ មេត្ដាជ្រាប និងបង្វៀងទិសដៅទៅកាន់ផ្លូវជាតិលេខ៣ ជាបណ្ដោះអាសន្នសិន ។
សូមជម្រាបថា ភ្លៀងនៅបន្ដធ្លាក់នៅផ្នែកខាងលើ នៃខ្នងភ្នំគិរីរម្យ នឹងបណ្ដាលឲ្យមានជំនន់ទឹកភ្លៀង ផ្នែកខាងក្រោម ពិសេសពាក់ព័ន្ធ ផ្លូវជាតិលេខ៤ ចំណុចស្ពានសំរោងតែម្ដង ។
ជាមួយគ្នានេះដែរ បើតាមលោកអភិបាលខេត្តព្រះសីហនុ បានណែនាំអោយកម្លាំងសមត្ថកិច្ច និងអាជ្ញាធរចុះទៅបិទចរាចរណ៍ ផ្អាកការធ្វើដំណើរឆ្លងកាត់តាមផ្លូវជាតិលេ៤ ជាបណ្តោះអាសន្ន ដោយដាក់កម្លាំង២គោលដៅ រួមមាន ៖
1 – គោលដៅចំណុចរូបសំណាក់សម្តេចសង្ស (វាលរេញ-ស្ទឹងហាវ)
2 – ចំណុចរង្វង់មូលវាលរេញ ។
បងប្អូនប្រជាពលរដ្ឋ និងសាធារណជនទាំងអស់ ដែលមានបំណងធ្វើដំណើរពីខេត្តព្រះសីហនុ ទៅរាជធានីភ្នំពេញ សូមបង្វែរទិស ដោយធ្វើដំណើរតាមផ្លូវជាតិលេខ៣ (វាលរេញ-កំពត-ភ្នំពេញ) វិញ ដោយសារតែស្ថានភាពជំនន់ទឹកភ្លៀង នៅផ្លូវជាតិលេខ៤ ត្រង់ចំណុចស្ពានស្ទឹងសំរោង ចន្លោះគីឡូម៉ែត្រលេខ១១៥-១១៦ ស្ថិតក្នុងភូមិស្ទឹងសំរោង ឃុំអូរបាក់រទេះ ស្រុកកំពង់សីលា ត្រូវបិទផ្លូវ ផ្អាកការធ្វើចរាចរណ៍ជាបណ្តោះអាសន្ន ៕
ចែករំលែកព័តមាននេះ