អ្នកគួរតែដឹងថា រាងកាយរបស់អ្នកមានអតុល្យភាពអ័រម៉ូនឬគ្មាន តាមរយៈរោគសញ្ញាដែលមានទំនាក់ទំនងជាមួយនឹងអតុល្យភាពអ័រម៉ូន ។ បើទោះបីជាមានរោគសញ្ញាជាច្រើនដែលអាចជាសញ្ញានៃអតុល្យភាពអ័រម៉ូន
អ្នកគួរតែដឹងថា រាងកាយរបស់អ្នកមានអតុល្យភាពអ័រម៉ូនឬគ្មាន តាមរយៈរោគសញ្ញាដែលមានទំនាក់ទំនងជាមួយនឹងអតុល្យភាពអ័រម៉ូន ។ បើទោះបីជាមានរោគសញ្ញាជាច្រើនដែលអាចជាសញ្ញានៃអតុល្យភាពអ័រម៉ូន ប៉ុន្តែថ្ងៃនេះ យើងនឹងលើកយករោគសញ្ញាទាំង៤ចំណុចដែលបង្ហាញពីអតុល្យភាពអ័រម៉ូន ៖
១-ការឡើងទម្ងន់ ៖ តើអ្នកបានធ្វើលំហាត់ប្រាណទៀងទាត់ និងមានរបបអាហារយ៉ាងតឹងរឹុងចំពោះខ្លួនឯងតែហាក់ដូចជាមិនឃើញមានលទ្ធផលអ្វីប្លែកដែរឬទេ? ការឡើងទម្ងន់រហូត ផ្ទុយនឹងអ្វីដែលអ្នកបានខិតខំប្រឹងប្រែងក្នុងការបញ្ចុះទម្ងន់អាចជាសញ្ញាបង្ហាញថា អ្នកប្រហែលជាមានបញ្ហាអតុល្យភាពអ័រម៉ូនហើយ ។ ការរំលាយអាហារដែលកំណត់ពីបរិមាណក្នុងការបាត់បង់ទម្ងន់របស់អ្នក និងនៅពេលដែលអ័រម៉ូនរបស់អ្នកមិនមានតុល្យភាព វាបន្ថយសមត្ថភាពនៃរាងកាយក្នុងការដុតបំផ្លាញកាឡូរី ហើយលទ្ធផលវានឹងធ្វើឲ្យរាងកាយរបស់អ្នកមានភាពស៊ាំនឹងការសម្រកទម្ងន់ ។ ជាតិខ្លាញ់ភាគច្រើនផ្តុំគ្នានៅត្រង់បរិវេណពោះ ដែលធ្វើឱ្យវាកាន់តែពិបាកក្នុងការសម្រកជាតិខ្លាញ់ទាំងនោះ។ នេះទំនងជាមកពីរាងកាយរបស់អ្នកនៅតែព្យាយាមរក្សាអ័រម៉ូន estrogen និង cortisol នៅក្នុងខ្លួន ។
២-មានអារម្មណ៍ចង់បរិភោគកាន់តែច្រើន ៖ នៅពេលដែលអ្នកមានអតុល្យភាពអ័រម៉ូន ក្រៅពីបញ្ហាការឡើងទម្ងន់រហូត អ្នកក៏នឹងសម្គាល់ឃើញថា រាងកាយរបស់អ្នកហាក់ដូចជាមិនចេះឆ្អែត ឬអ្នកតែងតែឃ្លានអាហារមួយចំនួនដូចជាជាតិស្ករ ។ សូម្បីតែអ្នកបានបរិភោគអាហារមួយពេលរួចហើយ ក៏អ្នកនៅតែចង់បរិភោគកាន់តែច្រើនថែមទៀត ។ វាអាចបណ្តាលមកពីការកើនឡើងនៃអ័រម៉ូនដែលត្រូវបានគេស្គាល់ថាអ័រម៉ូន ghrelin ដែលជាអ័រម៉ូនទទួលខុសត្រូវក្នុងការរំញោចភាពឃ្លានរបស់អ្នក ។
៣-កង្វះចំណង់រួមភេទ ៖ ការរួមភេទគឺជារឿងធម្មតានៃជីវិតរបស់មនុស្សពេញវ័យ ហើយវាមានទំនាក់ទំនងទៅនឹងអត្ថប្រយោជន៍ជាច្រើន ។ នៅពេលដែលអ្នកមានបញ្ហាអតុល្យភាពអ័រម៉ូន អ្នកនឹងសម្គាល់ឃើញថា អ្នកខ្វះចំណង់ផ្លូវភេទ ។ ដោយមិនគិតពីអ្វីដែលដៃគូរបស់អ្នកបានខិតខំធ្វើដាក់អ្នក អ្នកនៅតែមិនមានអារម្មណ៍ជំរុញឱ្យមានការរួមភេទនោះទេ ។ វាអាចជាលទ្ធផលមិនប្រក្រតីនៃកម្រិតអ័រម៉ូន estrogen ទីរ៉ូអីុត អ័រម៉ូន testosterone និង cortisol ដែលជាអ័រម៉ូនសំខាន់នៅក្នុងរាងកាយរបស់ស្ត្រី ។ អ័រម៉ូនទាំងនេះសំខាន់សម្រាប់ចំណង់ផ្លូវភេទរបស់អ្នកសម្បើមណាស់ ។
៤-ការគេងមិនលក់ ៖ អ័រម៉ូន progesterone និងអ័រម៉ូន estrogen ក្នុងកម្រិតទាប និងអ័រម៉ូន cortisol ក្នុងកម្រិតខ្ពស់នឹងមានផលប៉ះពាល់ដោយផ្ទាល់ទៅលើគុណភាពនៃការគេងរបស់អ្នក ។ មិនត្រឹមតែប៉ុណ្ណោះវាអាចបង្កឱ្យមានការបែកញើសយប់។ គុណភាពនៃការគេងមានសារៈសំខាន់ណាស់ដល់សុខភាពរបស់អ្នក ៕
ចែករំលែកព័តមាននេះ