ខេត្តព្រះសីហនុ ៖ គិតត្រឹមម៉ោង១១និង៣០នាទីថ្ងៃថ្ងៃទី១២ កក្កដា នេះ កម្ពស់ទឹកនៅចំណុចស្ពានស្ទឹងសំរោង គឺមានកម្ពស់ឡើងដល់៥,៣០ម៉ែត្រហើយ ខណៈកម្ពស់ត្រូវប្រកាសអាសន្នគឺ៥,៨០ម៉ែត្រ ស្ថិតត្រង់ចំណុចផ្លូវជាតិលេខ៤…
ខេត្តព្រះសីហនុ ៖ គិតត្រឹមម៉ោង១១និង៣០នាទីថ្ងៃថ្ងៃទី១២ កក្កដា នេះ កម្ពស់ទឹកនៅចំណុចស្ពានស្ទឹងសំរោង គឺមានកម្ពស់ឡើងដល់៥,៣០ម៉ែត្រហើយ ខណៈកម្ពស់ត្រូវប្រកាសអាសន្នគឺ៥,៨០ម៉ែត្រ ស្ថិតត្រង់ចំណុចផ្លូវជាតិលេខ៤ ក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សិលា ខេត្តព្រះសីហនុ ។
ទោះជាមិនទាន់ឡើងដល់ចំណុចប្រកាសអាសន្នក្តី ប៉ុន្តែមន្ត្រីមានសមត្ថកិច្ចនិងអាជ្ញាធរពាក់ព័ន្ធបានចុះទៅដល់គោលដៅស្ពាននេះហើយ ដើម្បីត្រៀមបម្រុងធ្វើការក្នុងករណីទឹកបន្តឡើងក្នុងគ្រាហ៍ណាមួយ ។
សូមបញ្ជាក់ដែរថា ក្រសួងធនធានទឹកក៏បានចេញសេចក្តីជូនដំណឹងដែរថា គិតចាប់ពីថ្ងៃទី១៣ ដល់១៩ កក្កដា គឺមានភ្លៀងធ្លាក់ពីតិចទៅបង្គួរលាយឡំដោយផ្គរ រន្ទះ និងខ្យល់កន្ត្រាក់ ។
យោងតាមសេចក្តីជូនដំណឹងស្ដីពីស្ថានភាពធាតុអាកាសឱ្យដឹងទៀតថា ក្នុងអំឡុងមួយសប្តាហ៍ខាងមុខនេះ ព្រះរាជាណាចក្រកម្ពុជានឹងទទួលឥទ្ធិពលជាបន្តបន្ទាប់ គឺចាប់ពីថ្ងៃទី១៣-១៤ ខែកក្កដា ឥទ្ធិពលពីប្រព័ន្ធសម្ពាធទាប ITCZ ភ្ជាប់ទៅនឹងសម្ពាធទាបសកម្មនៅលើសមុទ្រចិនខាងត្បូង និងខ្យល់មូសុងនិរតីក្នុងកម្រិតពីមធ្យមទៅខ្លាំង ។
ព័ត៌មានបន្ថែមកោះសន្តិភាពនឹងមានផ្សាយជួនបន្ត ។
ចែករំលែកព័តមាននេះ