ពិនិត្យស្ថានភាពជំនន់ទឹកភ្លៀងជន់លិចភូមិដំណាក់ពពូល រកដំណោះស្រាយជូនពលរដ្ឋ
- កំពង់ឆ្នាំង
បន្ទាប់ពីទទួលសំណូមពរពីប្រជាពលរដ្ឋដែលរស់នៅភូមិដំណាក់កំពូល សង្កាត់កំពង់ឆ្នាំង ក្រុងកំពង់ឆ្នាំង ស្ដីពីសា្ថនភាព ជំនន់ទឹកភ្លៀង បណ្ដាលឲ្យ
ខេត្តកំពង់ឆ្នាំង ៖ បន្ទាប់ពីទទួលសំណូមពរពីប្រជាពលរដ្ឋដែលរស់នៅភូមិដំណាក់កំពូល សង្កាត់កំពង់ឆ្នាំង ក្រុងកំពង់ឆ្នាំង ស្ដីពីសា្ថនភាព ជំនន់ទឹកភ្លៀង បណ្ដាលឲ្យលិចលង់លំនៅឋាន និងផ្លូវផងនោះ នៅព្រឹកថ្ងៃទី១២ ខែកក្កដា ឆ្នាំ២០២២ លោក យិន សាវ៉េន អភិបាលក្រុងកំពង់ឆ្នាំង រួមនឹងលោកស្រី កែវ សុផាត ចៅសង្កាត់កំពង់ឆ្នាំង ដើម្បីប្រជុំសម្របសម្រួលរកដំណោះស្រាយជាមួយប្រជាពលរដ្ឋ ។
នៅក្នុងឱកាសនោះផងដែរ លោក យិន សាវ៉េន អភិបាលក្រុងកំពង់ឆ្នាំង បានបញ្ជាក់ថា ដោយសារតែបងប្អូនប្រជាពលរដ្ឋ កន្លងទៅចាក់ដី សាងសង់លំនៅដ្ឋាន មិនមានដាក់ប្រព័ន្ធលូទឹកឲ្យបានត្រឹមត្រូវ ទើបបណ្ដាលឲ្យជន់លិចបែបនេះ។ លោកក៏បញ្ជាក់ដែរថា ដើម្បីរំដោះទឹកជូនប្រជាពលរដ្ឋបាន លុះត្រាតែកាយប្រឡាយតាមបណ្ដោយផ្លូវ ហើយប្រជាពលរដ្ឋត្រូវចូលរួមដាក់លូមុខផ្ទះរៀងៗខ្លួន ប៉ុន្តែបងប្អូនត្រូវចូលរួមបដិភាគក្នុងការកាយប្រឡាយផងដែរ ។
នៅក្នុងឱកាសនោះ ប្រជាពលរដ្ឋបានស្ម័គ្រចិត្តក៏បរិច្ចាគថវិកា ដើម្បីរួមចំណែកក្នុងការរំដោះទឹកផងដែរ។
គួរបញ្ជាក់ផងដែរថា ផ្លូវបឹងធំ ស្ថិនៅក្នុងភូមិដំណាក់ពពូលខាងលើ ដែលកំពុងរងការខូចខាតគឺតាមមន្ត្រីជំនាញបានបញ្ជាក់ថា ជាប់កិច្ចកង់ត្រាជាមួយអង្គការ ចាយការ ទើបអាជ្ញាធរមិនហ៊ានជួសជុល និងកសាងបែបនេះ ៕
ចែករំលែកព័តមាននេះ