ខេត្តឧត្តរមានជ័យ ៖ មន្ត្រីរាជការកម្ពុជា-ថៃ ព្រះសង្ឃ និងប្រជាពលរដ្ឋប្រុស-ស្រីជិត២០០នាក់ និងរថយន្ត១៥គ្រឿង មូលមតិនាំគ្នាយកទៀនព្រះវស្សាប្រគេនព្រះសង្ឃគង់ចាំព្រះវស្សាអស់ត្រីមាស ក្នុងទីអារាម១៧វត្ត ក្នុងស្រុកអន្លង់វែង ខេត្តឧត្តរមានជ័យ…
ខេត្តឧត្តរមានជ័យ ៖ មន្ត្រីរាជការកម្ពុជា-ថៃ ព្រះសង្ឃ និងប្រជាពលរដ្ឋប្រុស-ស្រីជិត២០០នាក់ និងរថយន្ត១៥គ្រឿង មូលមតិនាំគ្នាយកទៀនព្រះវស្សាប្រគេនព្រះសង្ឃគង់ចាំព្រះវស្សាអស់ត្រីមាស ក្នុងទីអារាម១៧វត្ត ក្នុងស្រុកអន្លង់វែង ខេត្តឧត្តរមានជ័យ តាមច្រកទ្វារអន្តរជាតិជាំ កាលពីរសៀលថ្ងៃទី១១ កក្កដា ឆ្នាំ២០២២ ។
ពិធីបុណ្យនេះដែរ ក៏មានការជួបជុំពុទ្ធបរិស័ទ ព្រះរតនត្រ័យ និមន្តព្រះសង្ឃ ចម្រើនព្រះបរិត្ត ដើម្បីឧទ្ទិសមហាកុសលផលបុណ្យ ជូនដល់ញ្ញាតិការទាំង៧សណ្តាន និងបុព្វការីជនដែលបានចែកឋានទៅកានបរមលោកខាងមុខ មកទទួលយកផល្លាអានិសង្ឃ ដែលកើតចេញអំពីបុណ្យក្នុងថ្ងៃនេះ តាមបែបប្រពៃណី ព្រះពុទ្ធសាសនា ដែលជាសាសនារបស់រដ្ឋ ។
ទេយ្យទានដែលបានវេរ និងប្រគេនដល់ព្រះសង្ឃដល់វត្តទាំង១៧ ក្នុងមួយវត្តៗថ្ងៃនេះ រួមមានទៀនព្រះវស្សា១គូបច័យបច័យ១ពាន់បាត បច្ច័យសម្រាប់កសាង១២លាន លុយបាតចំនួន៣៥៤០បាត និងលុយដុល្លា១៧១ដុល្លាអាមេរិក ។
នាឱកាសនោះ មន្ត្រីថ្នាក់ដឹកនាំ រួមទាំងប្រជាពលរដ្ឋទាំង២ប្រទេស បានលើកដៃឧទ្ទិសដល់បារមីដែលមានវត្ថុសក្តិសិទ្ធក្នុងលោកនេះ ដើម្បីសុំសេចក្តីសុខសេចក្តីចម្រើនជូនដល់ថ្នាក់ដឹកនាំគ្រប់លំដាប់ថ្នាក់ ក៏ដូចជាប្រជាពលរដ្ឋនៅទូទាំងប្រទេសកម្ពុជា និងប្រទេសថៃ សូមឱ្យមានភាពសំបូរសប្បាយគ្រប់ៗ ក្រុមគ្រួសារ ជាពិសេស សូមឱ្យប្រទេសជាតិទាំង២ ចៀសផុតពីជំងឺកាចសាហាវផ្សេងៗ និងមានការរីកចម្រើនលើគ្រប់វិស័យផងដែរ ៕
ចែករំលែកព័តមាននេះ