កម្លាំងសមត្ថកិច្ចនគរបាលខណ្ឌបឹងកេងកង កាលពីព្រឹកថ្ងៃទី៨ ខែកក្កដា ឆ្នាំ២០២២នេះ បានបញ្ជូនជនសង្ស័យជាឃា.តករបា.ញ់សម្លា.ប់តៃកុងឡានឧកញ៉ា លឹម ប៊ុនសួរ នាំទៅកាន់
រាជធានីភ្នំពេញ ៖ កម្លាំងសមត្ថកិច្ចនគរបាលខណ្ឌបឹងកេងកង កាលពីព្រឹកថ្ងៃទី៨ ខែកក្កដា ឆ្នាំ២០២២នេះ បានបញ្ជូនជនសង្ស័យជាឃា.តករបាញ់សម្លា.ប់តៃកុងឡានឧកញ៉ា លឹម ប៊ុនសួរ នាំទៅកាន់សាលាដំបូងរាជធានីភ្នំពេញ ដើម្បីធ្វើការសាកសួរ និងចោទប្រកាន់ជាផ្លូវការ សម្រេចឃុំខ្លួនដាក់ពន្ធនាគារជាបណ្តោះអាសន្ន ។
ជនដៃដល់រូបនេះមានឈ្មោះ អ៊ូ សុភី ភេទប្រុស អាយុ២២ឆ្នាំ មានស្រុកកំណើតនៅស្រុកស្អាង ខេត្តកណ្តាល មុខរបរអង្គរក្ស ការពារឧកញ៉ា លឹម ប៊ុនសួរ ។
សំណុំរឿងខាងលើនេះ បាននៅលោក ហេង ផេង ព្រះរាជអាជ្ញារង តំណាងអយ្យការអមសាលាដំបូងរាជធានីភ្នំពេញ បើកការស៊ើបសួរ ។ ស្ថិតក្នុងដំណាក់ការស៊ើបសួរ តំណាងអយ្យការទំនងមិនទាន់អាចយកចម្លើយជាផ្លូវការពីជនសង្ស័យបាននៅឡើយទេ ព្រោះពេលនេះ ជនដៃដល់កំពុងស្ថិតក្នុងស្ថានសភាពវង្វេងវង្វាន់ សតិមិនប្រក្រតី ដូចមនុស្សញៀ.នថ្នាំ ។
ហើយបើតាមរបាយការណ៍សមយោគរបស់សមត្ថកិច្ច បានបញ្ជូនជនសង្ស័យជាឃា.តករទៅតុលាការ ចោទប្រកាន់ថា (មនុស្សឃា.តដោយចេតនា មានស្ថានទម្ងន់ទោស) ដែលការចោទប្រកាន់នេះ យោងទៅលើបទល្មើសជាក់ស្តែង ដែលជនសង្ស័យបានប្រព្រឹត្ត ។ ដូច្នោះសំណុំរឿងនេះ នឹងត្រូវចាត់បញ្ជូនទៅចៅក្រមស៊ើបសួរ ដើម្បីសម្រេចឃុំខ្លួនជនសង្ស័យដាក់ពន្ធនាគារជាបណ្តោះអាសន្ន រង់ចាំរហូតដល់ជនដៃដល់មានសតិគ្រប់គ្រាន់ ទើបអាចយកមកសាកសួរជាផ្លូវការឡើងវិញ ។
សូមជម្រាបថា ទីបំផុតមិនដល់២៤ម៉ោងផង ជនដៃដល់បាតដៃប្រឡាក់ឈា.មបាញ់សម្លា.ប់អ្នកបើកបររថយន្តនៅផ្ទះឧកញ៉ា លឹម ប៊ុនសួរ ជាមួយគ្នា ត្រូវបានកម្លាំងមានសមត្ថកិច្ចចម្រុះ សហការគ្នាចាប់ខ្លួនបានហើយនៅស្រុកស្អាង ខេត្តកណ្តាល ។ ជនដៃដល់ជាឃា.តកររូបនេះបានបាញ់គ្មានញញើតដៃចំនួន១១គ្រាប់ ស្រោចទៅលើបុរសជាអ្នកបើកបររថយន្តម្នាក់ទៀតឈ្មោះ គង់ សុត អាយុ៤៣ឆ្នាំ ស្លា.ប់បាត់បង់ជីវិតកាលពីរសៀលថ្ងៃទី៥ ខែកក្កដា ឆ្នាំ២០២២ នៅចំណុចផ្ទះលេខ៣៨ ផ្លូវលេខ៣២២ ស្ថិតក្នុងសង្កាត់បឹងកេង កងទី១ ខណ្ឌបឹងកេងកង ។
ក្រោយកើតហេតុកម្លាំងសមត្ថកិច្ចនគរបាលនាយកដ្ឋានព្រហ្មទណ្ឌក្រសួងមហាផ្ទៃ សហការ ជាមួយស្នងការដ្ឋាននគរបាលរាជធានីភ្នំពេញ ខេត្តកណ្តាល និងនគរបាលខណ្ឌបឹងកេងកង បានធ្វើការស្រាវជ្រាវ រហូតឈានទៅដល់ការចាប់ខ្លួនជនសង្ស័យនៅព្រឹកថ្ងៃទី៦ ខែកក្កដា ឆ្នាំ២០២២ ស្ថិតក្នុងភូមិសាស្ត្រ ស្រុកស្អាង ខេត្តកណ្តាល ជាផ្ទះឃា.តករ ។
លោកវរសេនីយ៍ឯក ស៊ឹម ពិសិដ្ឋ អធិការនគរបាលខណ្ឌបឹងកេងកង បានប្រាប់អ្នកសារព័ត៌មានឱ្យដឹងថា នាព្រឹកថ្ងៃទី៦ ខែកក្កដា ឆ្នាំ២០២២ ដោយមានការសហការរបស់កម្លាំងនគរបាលច្រើនអង្គភាព បានធ្វើការស្រាវជ្រាវតាមរកចាប់ខ្លួនជនដៃដល់ នៅក្នុងភូមិសាស្ត្រស្រុកស្អាង ខេត្តកណ្តាល ដែលជាផ្ទះរបស់ឃា.តករ ។ ហើយឃា.តករមានមាឌធំមាំដែលកម្លាំងសមត្ថកិច្ចជាច្រើននាក់បានចាប់យ៉ាងប្រទាញប្រទង់សង្កត់ក្រាបទៅលើដី ដោយទាញដៃវ៉ៃខ្នោះដល់ទៅ២ជាន់ ទើបទុកចិត្ត ។
សូមបញ្ជាក់ថា កាលពីរសៀលថ្ងៃទី៥ ខែកក្កដា ឆ្នាំ២០២២ នៅចំណុចផ្ទះលេខ៣៨ ផ្លូវលេខ៣៨ ក្នុងសង្កាត់បឹងកេងកងទី១ ខណ្ឌបឹងកេងកង ជាភូមិគ្រឹះរបស់លោកឧកញ៉ា លឹម ប៊ុនសួរ មានការភ្ញាក់ផ្អើលយ៉ាងខ្លាំង ដោយបុរសម្នាក់ឈ្មោះ គង់ សុត អាយុ៤៣ឆ្នាំ ជាអ្នកបើកបរ ស្នាក់នៅផ្ទះកើតហេតុខាងលើ នឹងមានស្រុកកំណើតឯស្រុកសំរោង ខេត្តតាកែវ ។ ចំណែកជនរងគ្រោះត្រូវបានជនដៃដល់ឈ្មោះ អ៊ូ សុភី អាយុ២២ឆ្នាំ ធ្វើការបាញ់ស្រោចរហូតទៅដល់ចំនួន១១គ្រាប់ បណ្តាលឱ្យស្លា.ប់បាត់បង់ជីវិតនៅលើកៅអីក្នុងប៉ុស្តិ៍យាម រួចជននេះក៏បានឡើងជិះម៉ូតូម៉ាក PCX មួយគ្រឿង រត់គេចខ្លួនបាត់ស្រមោលភ្លាមៗតែម្តង ។
ពាក់ព័ន្ធករណីជនដៃដល់បាញ់សម្លា.ប់ជនរងគ្រោះនោះ នៅមិនដឹងពីមូលហេតុអ្វីឲ្យច្បាស់លាស់នៅឡើយទេ ដោយគ្រាន់តែដឹងថា អ្នកទាំង២ មានគំនុំ មិននិយាយរកគ្នាអស់រយៈពេលជាយូរមកហើយ ហើយជនសង្ស័យជាមនុស្សធ្លាប់ប្រើប្រាស់គ្រឿងញៀ.នទៀតផង ៕
ចែករំលែកព័តមាននេះ