លោក សំ ប៊ុនពៅ ចៅក្រមសាលាដំបូងរាជធានីភ្នំពេញ កាលពីព្រឹកថ្ងៃទី៦ ខែកក្កដា ឆ្នាំ២០២២ នេះ បានបង្គាប់ទៅប្រធានមន្ទីរឃុំឃាំង (ម១) ព្រៃ.ស ឲ្យនាំខ្លួនជនជាប់ចោទ
រាជធានីភ្នំពេញ ៖ លោក សំ ប៊ុនពៅ ចៅក្រមសាលាដំបូងរាជធានីភ្នំពេញ កាលពីព្រឹកថ្ងៃទី៦ ខែកក្កដា ឆ្នាំ២០២២ នេះ បានបង្គាប់ទៅប្រធានមន្ទីរឃុំឃាំង (ម១) ព្រៃ.ស ឲ្យនាំខ្លួនជនជាប់ចោទឈ្មោះ ឡេង ប៊ុនស្រ៊ី ភេទប្រុស អាយុ៥៧ឆ្នាំ អតីតផ្កាយ៣យោធា មកសាកសួរបន្ថែមលើសំណុំរឿង.រំលោ.ភសេពសន្ថវៈមានស្ថានទម្ងន់ ទោសទាក់ទង និងជនល្មើស ។
សូមជម្រាបថា ចៅក្រមស៊ើបសួរសាលាដំបូងរាជធានីភ្នំពេញ បានសម្រេចឃុំខ្លួនអតីតផ្កាយ៣យោធា ឈ្មោះ ឡេង ប៊ុនស្រ៊ី ដាក់ពន្ធនាគារព្រៃ.សជាបណ្តោះអាសន្ន ដើម្បីរង់ចាំកាត់ទោសតាមផ្លូវច្បាប់ ពាក់ព័ន្ធបទល្មើសចំនួន៥ករណី ដែលសុទ្ធសឹងជាបទល្មើសព្រហ្មទណ្ឌ (បទឧក្រិដ្ឋ) រួម មាន ៖ ១- ប្រើអំពើហិ.ង្សាលើគ្រួសារ (វា.យប្រពន្ធ), ២- រំលោ.ភសេពសន្ថវៈកូនចុង, ៣- បង្ខាំងមនុស្សខុសច្បាប់, ៤- គំរា.មកំហែងថា នឹងសម្លា.ប់ និង៥- កាន់កាប់.អាវុធដោយគ្មានការអនុញ្ញាត ។
កាលដែលចៅក្រមស៊ើបសួរសាលាដំបូងរាជធានីភ្នំពេញ សម្រេចឃុំខ្លួនជនសង្ស័យរូបនេះ គឺបន្ទាប់ពីតំណាងអយ្យការបានធ្វើការចោទប្រកាន់ជាផ្លូវការ ទៅលើបទល្មើសទាំង៥ខាងលើនោះ ។
សូមជម្រាបទៀតថា កាលពីរសៀលថ្ងៃទី១០ ខែកញ្ញា ឆ្នាំ២០២ ១ កន្លងទៅ កម្លាំងសមត្ថកិច្ចការិយាល័យប្រឆាំងការជួញដូរមនុស្ស និងការពារអនីតិជន នៃកងរាជអាវុធហត្ថរាជធានីភ្នំពេញ បានចាប់បញ្ជូនជនសង្ស័យឈ្មោះ ឡេង ប៊ុនស្រ៊ី ទៅសាលាដំបូងរាជធានីភ្នំពេញ ពាក់ព័ន្ធនឹងបទល្មើសជាច្រើនករណីរួមមាន ៖ ហិ.ង្សាក្នុងគ្រួសារ, បង្ខាំងមនុស្សដោយចេតនាទុច្ចរិតក្នុងគោលដៅគំរា.មទារប្រាក់ពីប្រពន្ធ, កាន់កា.ប់អាវុធដោយគ្មានច្បាប់អនុញ្ញាត, រំលោ.ភសេពសន្ថវៈលើកូនស្រីចុង និងបទគំរា.មកំហែងថា នឹងសម្លា.ប់ ដោយយោងតាមពាក្យបណ្តឹងរបស់ជនរងគ្រោះ ។
ដោយជាប់ពាក់ព័ន្ធបទល្មើសទាំងអស់ខាងលើនោះហើយ បានជាចៅក្រមស៊ើបសួរសម្រេចឃុំខ្លួនជនសង្ស័យ ដាក់ពន្ធនាគារជាបណ្តោះអាសន្នចាប់ពីពេលនោះមក ទើបសំណុំរឿងនេះត្រូវបានលោកចៅក្រមស៊ើបសួរ នៅបន្តបើកការស៊ើបអង្កេតឲ្យបានគ្រប់ជ្រុងជ្រោយ មុនបើក សវនាការជំនុំជម្រះទោសលើអង្គសេចក្តី ។ ក្រោយពេល លោកចៅក្រមសួរចប់ ជនសង្ស័យត្រូវបានអនុរក្សពន្ធនាគារ នាំយកទៅឃុំខ្លួនបណ្តោះអាសន្នវិញ ៕
ចែករំលែកព័តមាននេះ