តារាម៉ូដែល និងជាអ្នកលបបា.ញ់ដ៏ឆ្នើមម្នាក់ ស្លា.ប់ក្នុងសមរភូមិអ៊ុយក្រែន
អ៊ុយក្រែន ៖ តារាម៉ូដែល និងជាអ្នកលបបា.ញ់ (Sniper) ជនជាតិប្រេស៊ីលដ៏ចំណានម្នាក់ ត្រូវបាន
អ៊ុយក្រែន ៖ តារាម៉ូដែល និងជាអ្នកលបបា.ញ់ (Sniper) ជនជាតិប្រេស៊ីលដ៏ចំណានម្នាក់ ត្រូវបានសម្លា.ប់តាមរយៈការវា.យប្រហារដោយគ្រាប់មីស៊ីលរបស់រុស្សី នៅក្នុងសង្គ្រាមឈ្លានពានលើអ៊ុយក្រែន។
ពោលគឺត្រឹម៣សប្តាហ៍ប៉ុណ្ណោះ បន្ទាប់ពីនាងបានចូលរួមក្នុងការប្រយុទ្ធប្រឆាំងនឹងកងកម្លាំងរបស់លោកពូទីន។ នេះបើយោងតាមប្រភពពី Daily Mail ចេញផ្សាយកាលពីថ្ងៃទី៥ ខែកក្កដា ឆ្នាំ២០២២។
នាង Thalito do Valle អាយុ៣៩ឆ្នាំ បានចូលរួមក្នុងបេសកកម្មមនុស្សធម៌ជុំវិញពិភពលោក និងធ្លាប់បានប្រយុទ្ធតតាំងជាមួយក្រុម ISIS នៅប្រទេសអ៊ីរ៉ាក់ផងដែរ។ មុនពេលនាងចូលរួមជាមួយកងកម្លាំងអ៊ុយក្រែនក្នុងនាមជាអ្នកជួយសង្គ្រោះ ក៏ដូចជាអ្នកលបបា.ញ់ផងដែរ។
ប៉ុន្តែជាអសកុល Thalito ត្រូវបានសម្លា.ប់កាលពីសប្តាហ៍មុន បន្ទាប់ពីមីស៊ីល១គ្រាប់របស់រុស្ស៊ី បានវាយប្រហារលើលេណដ្ឋានរបស់នាង នៅក្នុងទីក្រុង Kharkiv។ ដែលជាទីក្រុងភាគឦសាន ទទួលរងនូវការទម្លាក់គ្រា.ប់បែកយ៉ាងខ្លាំងក្លាបំផុតមួយ។ ហើយការវា.យប្រហារនោះ ក៏បានឆក់យកជីវិតអតីតកងទ័ពប្រេស៊ីលម្នាក់ផងដែរ គឺលោក Douglas Burigo អាយុ៤០ឆ្នាំ ដែលបានព្យាយាមត្រឡប់ទៅកាន់លេណដ្ឋាន ដើម្បីស្វែងរក Thalita ។
សូមជម្រាបថា Thalito do Valle ធ្លាប់សិក្សាផ្នែកច្បាប់ បន្ទាប់ពីបានធ្វើការជាតារាបង្ហាញម៉ូត និងជាតារាសម្តែង កាលពីកុមារភាព។ ហើយនាងបានចូលរួមក្នុងការជួយសង្គ្រោះសត្វជាមួយអង្គការក្រៅរដ្ឋាភិបាលផងដែរ។ Thalito បានចងក្រងឯកសារបទពិសោធន៍ប្រយុទ្ធក្នុងសមរភូមិនៅលើគណនី YouTube របស់នាង។ ជាមួយវីដេអូអំពីការប្រយុទ្ធតតាំងនឹងក្រុម ISIS ដែលទទួលបានការចូលមើលជាង៣ម៉ឺនដង។ រួមជាមួយវីដេអូនឹងបង្ហាញពីរបៀបដែលនាងទទួលបានការហ្វឹកហ្វឺនជាអ្នកលបបា.ញ់ នៅពេលនាងចូលរួមជាមួយក្រុម Peshmergas ដែលជាកងកម្លាំងយោធានៃតំបន់ Kurdistan របស់ប្រទេសអ៊ីរ៉ាក់៕
ចែករំលែកព័តមាននេះ