ខេត្តពោធិ៍សាត់ ៖ អ្នកលេងជាច្រើននាក់បានរត់គេចខ្លួនអស់ ខណៈសមត្ថកិច្ចបានត្រឹមប្រមូលវត្ថុតាងមួយចំនួន យកដុតកម្ទេចចោលនៅនឹងកន្លែង និងមួយចំនួនទៀតយកមករក្សាទុកជាបណ្ដោះអាសន្ន និងឃាត់ម្ចាស់ទីតាំងយកមកអប់រំធ្វើកិច្ចសន្យាលើកទីមួយ ក្នុងប្រតិបត្តិការបង្ក្រាបសង្វៀនជល់មាន់មួយកន្លែង កាលពីវេលាម៉ោង១ និង២៥នាទីរសៀលថ្ងៃទី០៤…
ខេត្តពោធិ៍សាត់ ៖ អ្នកលេងជាច្រើននាក់បានរត់គេចខ្លួនអស់ ខណៈសមត្ថកិច្ចបានត្រឹមប្រមូលវត្ថុតាងមួយចំនួន យកដុតកម្ទេចចោលនៅនឹងកន្លែង និងមួយចំនួនទៀតយកមករក្សាទុកជាបណ្ដោះអាសន្ន និងឃាត់ម្ចាស់ទីតាំងយកមកអប់រំធ្វើកិច្ចសន្យាលើកទីមួយ ក្នុងប្រតិបត្តិការបង្ក្រាបសង្វៀនជល់មាន់មួយកន្លែង កាលពីវេលាម៉ោង១ និង២៥នាទីរសៀលថ្ងៃទី០៤ កក្កដា ត្រង់ចំណុចខាងត្បូងសាលាបឋមសិក្សាជ្រៃក្រឹម ស្ថិតក្នុងភូមិ ជ្រៃក្រឹម ឃុំផ្ទះរុង ស្រុកតាលោសែនជ័យ ខេត្តពោធិ៍សាត់។
លោក អ៊ុលហៃ អធិការនគរបាលស្រុកតាលោសែនជ័យប្រាប់ឱ្យដឹងថា ក្រោយពីទទួលព័ត៌មានថាមានក្រុមអ្នកញៀនល្បែងជល់មាន់ជាច្រើននាក់កំពុងធ្វើសកម្មភាពកំពុងចាក់ភ្នាល់ល្បែងជល់មាន់យ៉ាងគគ្រឹកគ្រេងនៅទីតាំងខាងលើ ភ្លាមៗលោកបានដឹកនាំកម្លាំង ចុះដល់ទីតាំងប៉ុន្តែក្រុមអ្នកញៀនល្បែងជល់មាន់ទាំងនោះ បានរត់គេចខ្លួនអស់ បន្សល់ទុកតែនូវវត្ថុតាងនៅនឹងកន្លែង ។
កម្លាំងសមត្ថកិច្ចបានប្រមូលដុតកំទេចចោលមួយចំនួននៅហ្នឹងកន្លែង ចំណែកមួយចំនួនទៀតរួមមានម៉ូតូចំនួន៣គ្រឿង មាន់ជល់២ក្បាល ស៊ុមក្រុងមាន់២ និងឃាត់ខ្លួនម្ចាស់សង្វៀនឈ្មោះ ផន
អ៊ួញ ភេទស្រី អាយុ៣៩ឆ្នាំ រស់នៅក្នុងភូមិខាងលើមកអធិការដ្ឋាន ដើម្បីអប់រំនិងធ្វើកិច្ចសន្យា
លើកទីមួយ ។ ប៉ុន្តែក្នុងករណីមិនរាងចាល សមត្ថកិច្ចនឹងចាត់វិធានការតាមច្បាប់ជាក់ជាមិនខាន
ឡើយ ។
ចែករំលែកព័តមាននេះ