សង្គ្រាមអ៉ីរ៉ង់ ៖ សហរដ្ឋអាមេរិក និងអ៉ីរ៉ង់ សុទ្ធតែប្រកាសពីការបញ្ជូនគណៈប្រតិភូមកកាន់កាតា ដែលជាអាជ្ញាកណ្ដាលសំខាន់នៃការពិភាក្សាគ្នាក្នុងសប្ដាហ៍នេះ បន្ទាប់ពីចុងសប្ដាហ៍កំណត់ពីការវាយប្រហារគ្នាជាច្រើនក្នុងតំបន់ ។សម្រាប់ពេលនេះ អ៉ីរ៉ង់បានទទូចលើប្រការដែលថា ខ្លួនមិនបានទទួលយកការជួបគ្នាដោយផ្ទាល់ណាមួយ ជាមួយសហរដ្ឋអាមេរិកឡើយ ទោះជាក្នុងកម្រិតណាក្ដី ។
តាមអ្នកនាំពាក្យក្រសួងការបរទេសអ៉ីរ៉ង់ លោកម៉ាជីដអាល់អានសារីថា ការចរចានឹងធ្វើតែជាមួយបណ្ដាអ្នកទទួលខុសត្រូវ
កាតា ទាក់ទិនបណ្ដាចំណុចនៃកិច្ចព្រមព្រៀងក្របខណ្ឌ ការប្រគល់បណ្ដាទ្រព្យសម្បត្តិអ៉ីរ៉ុងដែលបង្កកទុក និងការលុបចោលបណ្ដាទណ្ឌកម្មលើការនាំចេញប្រេងរបស់អ៉ីរ៉ង់ ដែលជាចំណុចស្នូលនៃការពិភាក្សាគ្នា ។ ក្រុងតេហេរ៉ង់ ក៏ចង់លើកផងដែរ បញ្ហាលីបង់ ។ នេះជាសេចក្ដីថ្លែងការណ៍មួយដែលផ្ទុយនឹងសេចក្ដីថ្លែងការណ៍របស់ប្រធានាធិបតីអាមេរិក លោកដូណាល់ត្រាំ ដែលអះអាងថា ក្រុងតេហេរ៉ង់បានស្នើសុំបើកការជួបពិភាក្សាគ្នាដោយផ្ទាល់ ចាប់ពីថ្ងៃទី៣០ មិថុនា ទៅ។ ប៉ាគីស្ថានដែលក៏ជាអាជ្ញាកណ្ដាលក្នុងសំណុំរឿងនេះដែរ ធ្លាប់គូសបញ្ជាក់ថា ការពិភាក្សាគ្នាត្រូវធ្វើឡើងវិញ នាថ្ងៃទី៣០ មិថុនា ។
ក្រុងវ៉ាស៊ីនតោនបានបញ្ជូនគណៈប្រតិភូមួយដែលមានលោកSTEVE WITKOFF បេសកជនអាមេរិកសម្រាប់តំបន់មជ្ឈឹមបូព៌ានិងទីប្រឹក្សាសំខាន់លោក JARED KUSHNER មកកាន់ក្រុងដូហា ដើម្បីជួបជាមួយអ្នកអាជ្ញាកណ្ដាលកាតា ។ ភាពតានតឹងមានការកើនឡើងវិញរយៈពេលប៉ុន្មានថ្ងៃចុងក្រោយនេះ ក្នុងច្រកសមុទ្រហ័រមូស ។ បន្ទាប់ពី៤ថ្ងៃនៃការវាយប្រហារគ្នាទៅវិញទៅមក ភាគីទាំង២ហាក់ដូចជាផ្អាកការវាយប្រហារគ្នាចាប់តាំងពីថ្ងៃទី២៩ មិថុនា មក ។
២ថ្ងៃចុងក្រោយនេះ អ៉ីរ៉ង់បានវាយប្រហារនាវា២គ្រឿងក្នុងច្រកសមុទ្រហ័រមូស ពិសេសនាវាដឹកប្រេង មួយដែលដឹកប្រេងឆៅ
កាតា បន្ទាប់ពីការផ្ដួចផ្ដើមគំនិតនានាសំដៅបើកដែនទឹកអូម៉ង់ ចំពោះបណ្ដានាវាដែលចេញនិងចូលឈូងសមុទ្រពែរ្ស៍ ។ ការវាយប្រហារទាំងនោះនាំឲ្យមានការវាយប្រហារតាមអាកាសបកវិញរបស់អាមេរិកបង្កើតការព្រួយបារម្ភថ្មី ចំពោះអនាគតនៃការចរចា សំដៅបញ្ចប់ជាផ្លូវការនូវជម្លោះ ។ នាថ្ងៃទី២៨ មិថុនា អ៉ីរ៉ង់បានវាយប្រហារដោយដ្រូន និងមីស៊ីល ប្រឆាំងមូលដ្ឋានយោធាអាមេរិកនៅបារ៉ែន និងគុយវ៉ែត ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ