ចិន ៖ តាមប្រភពព័ត៌មាន Viral4real ថា លោក Lin Yue និងអ្នកស្រី Deng Yang បានចងចំណងអាពាហ៍ពិពាហ៍ជាមួយគ្នា តាំងពីឆ្នាំ២០១០មកម្ល៉េះ (គិតទៅ៦ឆ្នាំ) តែពួកគេទាំងពីរនាក់មិនដែលបានផ្សំដំណេកម្តងណាឡើយ ។ នេះក៏ព្រោះតែពួកគេធាត់ខ្លាំងពេក រហូតទៅដល់ទម្ងន់ទាំងប្តីទាំងប្រពន្ធបូកចូលគ្នា ស្មើនឹង៤០០គីឡូក្រាម ។
លោក Lin មានកម្ពស់១៦៣សង់ទីម៉ែត្រ ខណៈពេលដែលទំហំចង្កេះរបស់លោកធំខ្លាំង ដល់ទៅ១៦០សង់ទីម៉ែត្រ ។ រីឯប្រពន្ធមានកម្ពស់ត្រឹមតែ១,៦០សង់ទីម៉ែត្រ ហើយចង្កេះធំជាងលោកទៅទៀត ដល់ទៅ១៧០សង់ទីម៉ែត្រ ។ ដោយសារតែពួកគេទាំងពីរនាក់ មានក្តីសុបិន្តចង់បានកូនបង្កើតមួយដែលជារបស់ខ្លួន ពួកគេបានតាំងចិត្តយ៉ាងមុតមាំថា នឹងព្យាយាមរកវិធីសម្រកទម្ងន់ ។ ប្តីនិងប្រពន្ធបាននាំគ្នាធ្វើដំណើរ១៧០០ម៉ាយ ពី Sichuan ទៅ Jilin ដើម្បីទៅទទួលការព្យាបាល ។
អ្នកស្រី Deng ដែលជាប្រពន្ធនិយាយថា ការចង់មានកូន គឺជាកត្តាតែមួយគត់ ដែលធ្វើឲ្យពួកគាត់តាំងចិត្តថា នឹងសម្រកទម្ងន់។ អ្នកទាំងពីរជឿជាក់ថា នឹងមានប្រសិទ្ធភាពព្រោះថា កាលពីប៉ុន្មានខែមុន មានស្ត្រីម្នាក់ទទួលជោគជ័យ ក្រោយពេលវះកាត់បង្រួមក្រពះ ។
ចែករំលែកព័តមាននេះ