រាជធានីភ្នំពេញ ៖ ក្រសួងសុខាភិបាលបានបញ្ជាក់ថា បានរកឃើញអ្នកឆ្លងកូវីដ១៩បម្លែងថ្មីថែម២នាក់ទៀត តែគ្មានអ្នកស្លា.ប់ និងគ្មានព្យាបាលជា ។
ក្រសួងសុខាភិបាលបានលើកឡើង នៅថ្ងៃទី៤ កក្កដា ឆ្នាំ២០២២ថា រកឃើញអ្នកឆ្លងថ្មី០២នាក់ (ក្នុងសហគមន៍០២នាក់) ជាសះស្បើយ គ្មាន និងស្លា.ប់គ្មាន ។
គិតត្រឹមព្រឹក ថ្ងៃទី០៤ ខែកក្កដា ឆ្នាំ២០២២ កម្ពុជាបានរកឃើញអ្នកឆ្លងសរុប 136,298 នាក់ អ្នកជាសះស្បើយ 133,206 នាក់ និងអ្នកស្លា.ប់ 3,056 នាក់ ។
ក្រសួងបានលើកឡើងថា កំណើនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី០៣ ខែកក្កដា ឆ្នាំ២០២២ បានចាក់លើប្រជាជនអាយុពី១៨ឆ្នាំឡើង មាន ១០៣,៣២% ធៀបជាមួយចំនួនប្រជាជនគោលដៅ ១០លាននាក់ ។ លើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ១០០,៧៥% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់ ។ លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១០៩,៤៦% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់។លើកុមារអាយុ ០៥ឆ្នាំ មាន ១៣៤,៩៧% ធៀបជាមួយនឹងប្រជាជនគោលដៅ ៣០៤,៣១៧ នាក់។
លើកុមារអាយុ ០៣ឆ្នាំ ដល់ ក្រោម ០៥ឆ្នាំ មាន ៧០,១៥% ធៀបជាមួយនឹងប្រជាជនគោលដៅ ៦១០,៧៣០ នាក់ ។ សរុបលទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាន នាក់ មាន ៩៤,៣១%៕
ចែករំលែកព័តមាននេះ