ឈឺចាប់ និងអាណិតពេកក្រៃ ! ពេលស្តាប់ឪពុក-ម្តាយនិយាយរឿងកូនត្រូវយួនខ្ទើ.យធ្វើបាប
ខេត្តមណ្ឌលគិរី ៖ ទាក់ទិនករណីជនជាតិវៀតណាមខ្ទើ.យបានប្រើហិ.ង្សាដាក់ក្មេងប្រុសអាយុ២ឆ្នាំនោះ ត្រូវបានឪពុក-ម្តាយរបស់ក្មេងរងគ្រោះរៀបរាប់ថា …
ខេត្តមណ្ឌលគិរី ៖ ទាក់ទិនករណីជនជាតិវៀតណាមខ្ទើ.យបានប្រើហិ.ង្សាដាក់ក្មេងប្រុសអាយុ២ឆ្នាំនោះ ត្រូវបានឪពុក-ម្តាយរបស់ក្មេងរងគ្រោះរៀបរាប់ថា …
ខេត្តមណ្ឌលគិរី ៖ ទាក់ទិនករណីជនជាតិវៀតណាមខ្ទើយបានប្រើហិង្សាដាក់ក្មេងប្រុសអាយុ២ឆ្នាំនោះ ត្រូវបានឪពុក-ម្តាយរបស់ក្មេងរងគ្រោះរៀបរាប់ថា គាត់មានឈ្មោះ ឃឿន សូ និងប្រពន្ធឈ្មោះ ណេង ចិន ហើយមានកូនក្នុងបន្ទុកចំនួន៣នាក់(ស្រី២នាក់) ដែលកូនប្រុសជាកូនពៅ និងជាជនរងគ្រោះក្នុងអំពើហិង្សានោះ ។ បច្ចុប្បន្ន ក្រុមគ្រួសារគាត់ទៅធ្វើការនៅក្រុមហ៊ុនដាំដើមកាកាវ ដែលមានទីតាំងនៅភូមិពូក្រូច ឃុំស្រែអំពូម ស្រុកពេជ្រាដា ខេត្តមណ្ឌលគិរី និងស្នាក់នៅក្នុងក្រុមហ៊ុនទាំងកូនទាំងប្រពន្ធ ។
គួររម្លឹកថា ធ្វើទារុណកម្មក្មេងនៅមណ្ឌលគិរី សមត្ថកិច្ចចាប់ខ្លួនបាន៣នាក់
លោកឃឿន សូ ជាឪពុកបានឱ្យដឹងថា គ្រួសាររបស់លោក មានស្រុកកំណើតនៅឃុំកំចាយមារ ស្រុកពញ្ញាក្រែក ខេត្តត្បូងឃ្មុំ ដោយសារតែបញ្ហាជីវភាពខ្វះមុខខ្វះក្រោយ គាត់ក៏បាននាំទាំងគ្រួសារ ទៅរស់នៅនិងធ្វើការ ដោយប្រពន្ធ ធ្វើជាអ្នកបោសសម្អាតនៅស្នាក់ការក្រុមហ៊ុនដាំដើមកាកាវនោះ ។
ចំណែកគាត់ធ្វើជាកម្មករថែទាំចម្ការ ។ ករណីដែលបានកើតឡើង ចំពោះកូនប្រុសពៅគាត់ គឺគាត់និងប្រពន្ធមិនបានដឹង សូម្បីបន្តិច ។ លុះនៅពេលមានប៉ូលិសយករូបថតទៅបង្ហាញ និងប្រាប់ពីរឿងហេតុ ដែលបានកើតចំពោះកូន គាត់ចង់គាំងបេះដូងភ្លាមៗ ព្រោះតែអាណិតកូនតូច គ្មានដឹងអីបន្តិចទាល់តែសោះ ។
គាត់តែងចេញទៅធ្វើការ នៅចម្ការកាកាវបាត់ៗ ទាល់តែដល់ម៉ោងបាយ ទើបទៅហូបបាយ ដោយមិនបានចាប់អារម្មណ៍ពីអាការៈរបស់កូនឡើយ ។ ប៉ុន្តែពេលខ្លះ ប្រពន្ធគាត់សង្កេតឃើញកូន នៅពេលដែលត្រលប់ពីដើរលេងជាមួយជនបង្ក ឈ្មោះយ៉ុង ថាញ់ ចេះតែមានទឹកមុខភ័យខ្លាច និងរវើរវាយអស់កម្លាំង ព្រមទាំងមានស្លាកស្នាមកន្ទួលពេញខ្លួន ។ លុះពេលប្រពន្ធគាត់សួរឈ្មោះ យ៉ុង ថាញ់ នោះ គេចេះតែនិយាយថា កូនគាត់ដើរដួល ហើយពេលខ្លះ និយាយរកលេសដោះសារផ្សេងៗរហូត ។
ស្ត្រីឈ្មោះ ណេង ចិន ជាម្តាយរបស់ក្មេងរងគ្រោះសូ សៅ ក៏បានឱ្យដឹងដែរថា នៅពេលគាត់ជាប់រវល់ចូលទៅបោសសម្អាតកន្លែងស្នាក់ការធ្វើការក្នុងក្រុមហ៊ុនដាំដើមកាកាវ កូនប្រុសតូចតែងនៅលេងប្រលែងគ្នាជាមួយបងស្រីរបស់គេក្នុងទីធ្លាក្រុមហ៊ុន ។ តែពេលខ្លះ ឈ្មោះយ៉ុង ថាញ់ ដែលជាចុងភៅ នៅក្នុងក្រុមហ៊ុនខាងលើដែរ តែងយកនំ ឬនាំកូនគាត់ទៅដើរលេងបាត់ៗ ទាល់តែដល់ម៉ោងគេ (យ៉ុង ថាញ់) ធ្វើការ ទើបនាំត្រលប់ឱ្យគាត់វិញ ។
គាត់ថា មានការសង្ស័យជាយូរខែមកហើយដែរ ចំពោះការធ្វើទារុណកម្មកូនលើប្រុសគាត់ ដែលជនជាតិវៀតណាមជាភេទទី៣(ខ្ទើយ) បានយកប្រដាប់ទៅឆក់លើខ្លួនប្រាណកូនគាត់អាយុ០២ឆ្នាំនេះ ។
ទាំងឪពុកទាំងម្តាយរបស់ក្មេងរងគ្រោះបានបញ្ជាក់ថា គ្រួសារពួកគាត់ មិនដែលមានទំនាស់ ឬប៉ះពារពាក្យសម្តីអ្វី សូម្បីតែបន្តិចជាមួយជនបង្កឡើយ ហើយបានត្រឹមស្គាល់គ្នាក្នុងនាមជាអ្នកធ្វើការនៅកន្លែងតែមួយ ។ ពួកគាត់ក៏មិនដែលនឹកដល់ថា គេបានធ្វើអំពើដូចសត្វតិរឆ្ឆានអ៊ីចឹង ដាក់កូនរបស់ដែរ ព្រោះមើលទៅយួនខ្ទើយនោះ ស្រឡាញ់ក្មេងណាស់ តែធាតុពិតចិត្តអាក្រក់ក្រៃលែង ។
លោកសូរ សុវណ្ណ ស្នងការរងខេត្តបានឱ្យដឹងថា តាមពិតរឿងនេះ វាបានកើតឡើងយូរមកហើយ តែក្រុមអ្នកប្រព្រឹត្តក្នុងករណីនេះធ្វើការបិទបាំងរឿង ប៉ុន្តែនៅពេលបែកធ្លាយ សមត្ថកិច្ចចាប់ផ្តើមធ្វើការស្រាវជ្រាវ រហូតដល់ការឃាត់ខ្លួនបានមនុស្សចំនួនបីនាក់នៅខេត្តកំពង់ចាម ក្នុងនោះ មានជនជាតិខ្មែរចំនួន២នាក់ និងជនជាតិហូឡង់ម្នាក់។
ចំណែកលោកតូច យ៉ុន ស្នងការនគរបាលខេត្តបានបញ្ជាក់ថា ជនសង្ស័យជាជនជាតិវៀតណាមឈ្មោះ យ៉ុង ថាញ់ និងជាអ្នកធ្វើទារុណកម្មឆក់ក្មេងនោះ បានរត់គេចខ្លួន រីឯជនទាំងបីនាក់ដែលឃាត់ខ្លួននោះ គឺពួកគេអាចដឹងរឿងរ៉ាវក្នុងហេតុការណ៍ហ្នឹងច្បាស់ ហើយសមត្ថកិច្ចកំពុងធ្វើការសាកសួរនៅឡើយ រហូតមកដល់ល្ងាចថ្ងៃទី០៧ ធ្នូ នេះ ។
ចែករំលែកព័តមាននេះ