អនិច្ចា! មនុស្ស៥នាក់ជួបគ្រោះលើផ្លូវជាតិលេខ៥ ក្នុងហេតុការណ៍រថយន្តពន្លះកង់បី
- កំពង់ឆ្នាំង
យ៉ាងហោចណាស់មនុស្សចំនួន៣នាក់បានស្លា.ប់ និង២នាក់ទៀតរងរបួសធ្ងន់-ស្រាលនៅក្នុងហេតុការណ៍គ្រោះថ្នាក់ចរាចរណ៍មួយបានកើតឡើង
យ៉ាងហោចណាស់មនុស្សចំនួន៣នាក់បានស្លា.ប់ និង២នាក់ទៀតរងរបួសធ្ងន់-ស្រាលនៅក្នុងហេតុការណ៍គ្រោះថ្នាក់ចរាចរណ៍មួយបានកើតឡើង
ខេត្តកំពង់ឆ្នាំង ៖ យ៉ាងហោចណាស់មនុស្សចំនួន៣នាក់បានស្លា.ប់ និង២នាក់ទៀតរងរបួសធ្ងន់-ស្រាលនៅក្នុងហេតុការណ៍គ្រោះថ្នាក់ចរាចរណ៍មួយបានកើតឡើងនៅវេលាម៉ោង១និង៣០នាទីយប់រំលងអធ្រាត្រឈានចូលថ្ងៃទី៣ ខែកក្កដា ឆ្នាំ២០២២ ពីលើកំណាត់ផ្លូវជាតិលេខ៥ ចន្លោះគីឡូម៉ែត្រលេខ១១០ និងលេខ១១១ ស្ថិតនៅក្នុងភូមិស្រះកែវ ឃុំមេលំ ស្រុកបរិបូណ៌ ខណៈពេលដែលរថយន្តមិនស្គាល់ម៉ាកមួយគ្រឿង បុកជាមួយម៉ូតូកង់៣ ។
យោងរបាយការណ៍របស់អធិការនគរបាលស្រុកបរិបូណ៌ បានឱ្យដឹងថា នៅមុនពេលកើតហេតុ មានរថយន្តមិនស្គាល់ម៉ាកមួយគ្រឿង បានបុកជាមួយនឹងម៉ូតូកង់បីឥណ្ឌា ពាក់ស្លាកលេខ កំពង់ឆ្នាំង 1K 3754 បណ្ដាលឲ្យមនុស្សចំនួន៣នាក់បានស្លា.ប់ ក្នុងនោះអ្នកបើកបរម្នាក់ និង២នាក់ទៀតរងរបួស ។
ប្រភពដដែលបានបន្តថា អ្នកបើកបរម៉ូតូកង់បីខាងលើមានឈ្មោះ ខាន់ សំណាង អាយុ៤៣ឆ្នាំមានទីលំនៅភូមិគក ឃុំខុនរង ស្រុកបរិបូណ៌ ។ ចំណែកអ្នករួមដំណើរជាមួយមាន ១- ឈ្មោះ ផាន់ ភេទ អាយុ៣៦ឆ្នាំ រស់នៅភូមិថ្មី ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ (ស្លា.ប់) ២- ឈ្មោះ រ៉ាម៉ូ អាយុ២៨ឆ្នាំ រស់នៅភូមិច្រករំដេងលើ ឃុំស្រុក ខេត្តជាមួយគ្នា (ស្លា.ប់) ៣- ឈ្មោះចេង ចៀន ភូមិថ្មី ស្រុកខេត្តជាមួយគ្នា (រងរបួស) និង៤- ឈ្មោះ រិន រ៉េត អាយុ៣០ឆ្នាំ នៅភូមិជាមួយគ្នារងរបួសធ្ងន់ ។
ក្រោយពេលកើតហេតុ អ្នករងរបួសត្រូវបានដឹកមកសង្គ្រោះនៅមន្ទីរពេទ្យ ចំណែកម៉ូតូកង់៣ឥណ្ឌា ត្រូវបានយកទៅរក្សាទុកនៅអធិការនគរបាលស្រុកបរិបូណ៌ ដើម្បីស្រាវជ្រាវ និងចាត់ការតាមនីតិវិធី ។
ដោយឡែកតាមប្រភពព័ត៌មានពីប្រជាពលរដ្ឋវិញ បានឱ្យដឹងថា នៅមុនពេលកើតហេតុ ជនរងគ្រោះដែលជិះលើម៉ូតូកង់៣ឥណ្ឌា មានគ្នា៤នាក់ គឺជាអ្នកប្រកបមុខរបរដឹកតុនិងគ្រែតាមរ៉ឺម៉កម៉ូតូដើរលក់តាមភូមិ ។
ពលរដ្ឋបន្តថា មុនកើតហេតុ ពួកគេបានទៅសម្រាកនៅវត្តពន្លៃ ហើយ៤នាក់ ក្នុងចំណោម៥នាក់ ដែលមានមុខរបរដូចគ្នា បាននាំគ្នាជួលម៉ូតូកង់បីឥណ្ឌាជិះមកលេងក្រុងកំពង់ឆ្នាំង លុះត្រឡប់ទៅវិញ ខណៈពេលម៉ូតូកង់បីឥណ្ឌាបើកត្រឡប់មកពីត្បូងទៅជើង ក៏ស្រាប់តែជួបហេតុការណ៍គ្រោះថ្នាក់ចរាចរណ៍ដោយត្រូវរថយន្តបុកពេញទំហឹង បណ្ដាលឲ្យស្លា.ប់នៅនឹងកន្លែង ចំនួន២នាក់ រួមទាំងអ្នកបើកបរម៉ូតូកង់បីឥណ្ឌាផងដែរ ចំណែកម្នាក់ទៀតបានជាប់ជាមួយនឹងរថយន្តបង្ក ដោយបើកអូសពីកន្លែងកើតហេតុមកធ្លាក់ស្លា.ប់នៅចំណុចជិតខ្លោងទ្វារប្រាសាទជាងទង ក្នុងឃុំស្វាយជ្រុំ ស្រុករលាប្អៀរ ដែលមានចម្ងាយជិត១០ គីឡូម៉ែត្រ ដោយសាកស.ពជនរងគ្រោះមានសភាពអូសដាច់ស្នាមរលាត់ពេញខ្លួនប្រាណតែម្តង ចំណែក២នាក់ទៀតរងរបួសធ្ងន់-ស្រាល៕
ចែករំលែកព័តមាននេះ