រាជធានីភ្នំពេញ ៖ សាកសពបុរសម្នាក់ត្រូវបានគេប្រទះឃើញអណ្តែតនៅលើដងទន្លេបាសាក់ ត្រើយខាងកើត ស្ថិតក្នុងភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ បង្កការភ្ញាក់ផ្អើល០៦និង៣០នាទីព្រឹកថ្ងៃទី០២ កក្កដា នេះ ។
ស.ពជនរងគ្រោះត្រូវបានគេស្គាល់ថា ឈ្មោះ ដាំង យ៉ុងតុង ភេទប្រុស អាយុ៣៦ឆ្នាំ ជនជាតិវៀតណាម មានទីលំនៅ សង្កាត់ឃ្មួញ ខណ្ឌសែនសុខ រាជធានីភ្នំពេញ ។
តាមប្រភពព័ត៌មានអោយដឹងថា កាលពីវេលាម៉ោង២២យប់ថ្ងៃទី០១ ខែកក្កដា ឆ្នាំ២០២២ ជនរងគ្រោះបានដើរដោយថ្មើរជើងតែម្នាក់ឯង ឆ្លងកាត់ស្ពានព្រះមុន្នីវង្សចាស់ ។ លុះដល់ត្រើយខាងលិចស្ពាន ក៏បានធ្វើសកម្មភាពលោតចូលទៅក្នុងទឹកទន្លេបាត់សូន្យតែម្តង បង្កអោយមានការភ្ញាក់ផ្អើល ។ នៅវេលាព្រឹកឡើង ក៏ប្រទះឃើញសា.ក.ស.ព.អណ្តែតលើដងទន្លេបាសាក់តែម្តងទៅ ។
ក្រោយការប្រទះឃើញហើយនោះ កម្លាំងសមត្ថកិច្ចមូលដ្ឋាន បានចុះដល់ទីតាំងខាងលើ នឹងបានស្រង់ទៅលើគោក ដើម្បីធ្វើកោសល្យវិច្ច័យពិនិត្យ ។ បន្ទាប់ពី សមត្ថកិច្ចជំនាញកោសល្យវិច្ច័យ ធ្វើការពិនិត្យរួចរាល់ បញ្ជាក់ថា សពពិតជាត្រូវស្លាប់ ដោយសារលង់ទឹកប្រាកដមែន ។
ក្រោយពិនិត្យរួច សពត្រូវដឹកយកទៅតម្កល់នៅវត្តស្ទឹងមានជ័យ ដើម្បីត្រៀមបូជានៅទីនោះ ៕
ចែករំលែកព័តមាននេះ