រាជធានីភ្នំពេញ ៖ ប្រភពព័ត៌មានពីសាលាដំបូងរាជធានីភ្នំពេញ កាលពីរសៀលថ្ងៃទី០១ ខែកក្កដា ឆ្នាំ២០២២ ឲ្យដឹងថា ចៅក្រមជំនុំជម្រះសាលាដំបូងរាជធានីភ្នំពេញ បានប្រកាសសាលក្រមផ្តន្ទាទោសឧកញ៉ា លាន…
រាជធានីភ្នំពេញ ៖ ប្រភពព័ត៌មានពីសាលាដំបូងរាជធានីភ្នំពេញ កាលពីរសៀលថ្ងៃទី០១ ខែកក្កដា ឆ្នាំ២០២២ ឲ្យដឹងថា ចៅក្រមជំនុំជម្រះសាលាដំបូងរាជធានីភ្នំពេញ បានប្រកាសសាលក្រមផ្តន្ទាទោសឧកញ៉ា លាន អាហ្វ្រីលគីនីន ដាក់ពន្ធនាគារកំណត់១ឆ្នាំ តែទោសនេះត្រូវព្យួរទាំងអស់ ពាក់ព័ន្ធសំណុំរឿង (បង្វែរវត្ថុរឹបអូស ឬវត្ថុដាក់ធានា) ។ សាលក្រមបានតម្រូវឲ្យជនជាប់ចោទសងប្រាក់ជម្ងឺចិតទៅដើមបណ្តឹងរដ្ឋប្បវេណី ប៉ុន្តែទុកសិទ្ធិឲ្យប្តឹងឧទ្ធរណ៍តាមកំណត់ច្បាប់ ។
តាមប្រភពព័ត៌មានបន្តថា កាលពីថ្ងៃទី៣០ ខែមិថុនា ឆ្នាំ២០២២ ចៅក្រម លោក ទិត សុទ្ធីប៉ូរ៉ាឆាត ចៅក្រមជំនុំជម្រះសាលាដំបូងរាជធានីភ្នំពេញ បានលើកយកសំណុំរឿងខាងលើនេះ មកបើកស វនាការជំនុំជម្រះទោសដោយកំបាំងមុខ តែចាត់ទុកចំពោះមុខ និង បានប្រកាសសាលក្រមសម្រេចផ្តន្ទាទោស ឧកញ៉ា លាន អាហ្វ្រីលគីនីន ដាក់ពន្ធនាគារកំណរយៈពេលមួយឆ្នាំ (១ឆ្នាំ) តែទោសនោះត្រូវព្យួរ និងពិន័យជាប្រាក់ចូលថវិការរដ្ឋចំនួន១លានរៀល និងបង្គាប់ឲ្យសងជំងឺចិត្តដើមបណ្តឹងរដ្ឋប្បវេណីចំនួន២០ លានរៀល ។ ឧកញ៉ា លាន អាហ្វ្រីលគីនីន អាយុ៤៤ ឆ្នាំ ត្រូវបានជាប់ចោទនូវដើមបណ្តឹងពីបទ.បង្វែរវត្ថុរឹបអូស ឬវត្ថុធានា.តាមបញ្ញត្តិមាត្រា ៣៩៧ នៃក្រមព្រហ្មទណ្ឌ ប្រព្រឹត្តនៅរាជធា នីភ្នំពេញ កាលពីថ្ងៃទី១៥ ខែសីហា ឆ្នាំ២០១៨ ។
ថ្មីៗ នេះឧកញ៉ាលាន អាហ្វ្រីលគីនីន ក៏ធ្លាប់ត្រូវបានកម្លាំងសមត្ថកិច្ចនាយកដ្ឋាននគរបាលព្រហ្មទណ្ឌក្រសួងមហាផ្ទៃ កោះហៅឲ្យចូលខ្លួនទៅបំភ្លឺលើបណ្តឹង ពាក់ព័ន្ធលុយកាក់យកទៅបង្វិលធ្វើដើមទុនរកស៊ី ប៉ុន្តែនៅពេលឧកញ៉ាលាន អាហ្វ្រីលគីនីន បំភ្លឺរួច សមត្តកិច្ចនគរបាលព្រហ្មទណ្ឌ ក៏បានអនុញ្ញាតឲ្យឧកញ៉ា លាន អាហ្វ្រីលគីនីនវិលត្រឡប់ទៅផ្ទះវិញ ដោយមិនចាប់ទោសអូសដំណើរឃាត់ខ្លួនឬឃុំខ្លួនទេ សមត្ថកិច្ចបានត្រឹមវាស់កំពស់ ៕
ចែករំលែកព័តមាននេះ