សង្វៀនគុនខ្មែរពិភពលោក ជាកំពូលព្រឹត្តិការណ៍ជាប្រវត្តិសាស្ត្រប្រចាំឆ្នាំ២០២២
- ភ្នំពេញ
រាជធានីភ្នំពេញ ៖ កម្មវិធីប្រកួតប្រដាល់សង្វៀនគុនខ្មែរពិភពលោក(World Fight Tournament)ដែល
រាជធានីភ្នំពេញ ៖ កម្មវិធីប្រកួតប្រដាល់សង្វៀនគុនខ្មែរពិភពលោក(World Fight Tournament)ដែល
រាជធានីភ្នំពេញ ៖ កម្មវិធីប្រកួតប្រដាល់សង្វៀនគុនខ្មែរពិភពលោក(World Fight Tournament)ដែលគ្រោងធ្វើឡើងនៅថ្ងៃទី៦កក្កដា នៅពហុកីឡដ្ឋានជាតិមរតកតេជោ ដោយមានកិច្ចសហការជាមួយសហព័ន្ធកីឡាប្រដាល់គុនខ្មែរអន្តរជាតិ គាំទ្រដោយក្រសួងអប់រំ យុវជននិងកីឡា គណៈកម្មាធិការជាតិអូឡាំពិកកម្ពុជា ក្រោមការឧបត្ថម្ភធំដោយក្រុមហ៊ុនភេសជ្ជៈមួយ ត្រូវបានគេចាត់ទុកថា ជាព្រឹត្តិការណ៍ដ៏អស្ចារ្យបំផុតប្រចាំឆ្នាំ២០២២។ នេះបើតាមការឱ្យដឹងតាមរយៈសន្និសីទសារព័ត៌មានមួយដែលបានធ្វើឡើងកាលពីព្រឹកថ្ងៃទី៣០ មិថុនា។
លោក មាន សំអុល នាយកគ្រប់គ្រងក្រុមហ៊ុនភេសជ្ជៈ បានឱ្យដឹងថា នេះគឹជាការរួមចំណែកមួយក្នុងកម្មវិធីគួរជាទីចងចាំរបស់យើងទាំងអស់គ្នា ដើម្បីរួមគ្នាសាងប្រវត្តិសាស្ត្រថ្មីបន្ថែមទៀតសម្រាប់វិស័យកីឡាប្រដាល់គុនខ្មែរ ។ ទន្ទឹមគ្នានេះដែរយើងរីករាយក្រៃលែងដែលបានក្លាយជាផ្នែកមួយនៃព្រឹត្តិការណ៍«សង្វៀនគុនខ្មែរពិភពលោក»ដែលមានទិសដៅស្របគ្នាក្នុងការផ្សព្វផ្សាយគុនខ្មែរនិងលើកទឹកចិត្តកីឡាករប្រដាល់គុនខ្មែរត្រៀមខ្លួនឱ្យបានល្អសម្រាប់ស៊ីហ្គេមលើកទី៣២ ឆ្នាំ២០២៣ ដែលកម្ពុជាទទួលធ្វើជាម្ចាស់ផ្ទះ។
លោកឧត្តមសេនីយ៍ឯក តែម ម៉ឺន ប្រធានសហព័ន្ធកីឡាប្រដាល់គុនខ្មែរ បានផ្ដាំផ្ញើរទៅដល់មន្ត្រីគណៈកម្មការរៀបចំការប្រកួត ក៏ដូចជាកីឡាករត្រូវប្រឹងប្រែងឱ្យអស់ពីសមត្ថភាព គោរពឱ្យបាននូវក្រមសីលធម៌ និងវិន័យឱ្យបានខ្ជាប់ខ្ជួនធ្វើយ៉ាងឱ្យកម្មវិធីប្រកួតបានដំណើរការទៅល្អតាំង
ពីដើមដល់ចប់។
លោក ម៉ិល កាដូ អគ្គនាយករង អគ្គនាយកដ្ឋានក្រសួងអប់រំ យុវជន និងកីឡា បានមានប្រសាសន៍ឱ្យដឹងថា ព្រឹត្តិការណ៍សង្វៀនគុនខ្មែរអន្តរជាតិនេះ ពិតជាមានសារៈសំខាន់ខ្លាំងណាស់ព្រោះគឺជាការផ្ដល់ឱកាសដល់កីឡាករប្រដាល់គុនខ្មែរមានឱកាសបញ្ចេញថ្វីដៃ ក៏ដូចជាការពង្រឹងសមត្ថភាពបន្ថែមមុនពេលការប្រកួតកីឡាស៊ីហ្គេមឆ្នាំ២០២៣មកដល់ ។ ម្យ៉ាងវិញទៀតកម្មវិធីនេះស្របទៅតាមទិសដៅរបស់CAMSOCដែលបានផ្ដល់ឱកាសទៅដល់កីឡាជាតិនីមួយៗស្វែងរកដៃគូរៀបចំការប្រកួតជាលក្ខណៈអន្តរជាតិដើម្បីស្វែងរកបទពិសោធន៍ ក៏ដូចជាពង្រឹងសមត្ថភាពត្រៀមខ្លួនឆ្ពោះទៅស៊ីហ្គេមឆ្នាំ២០២៣។ មិនតែប៉ុណ្ណោះដើម្បីបញ្ជ្រាបការផ្សព្វផ្សាយវិស័យកីឡាប្រដាល់គុនខ្មែរទៅកាន់ពិភពលោកផងដែរ ។
លោកបានលើកឡើងទៀតថា ទោះបីជាយើងទទួលបានជោគជ័យនៅស៊ីហ្គេមវៀតណាមដែលទើបតែបញ្ចប់ទៅកាលពីពេលថ្មីៗនេះក៏ពិតមែន តែយើងរឹតតែមិនអាចមានការធ្វេសប្រហែសបានដែរ ត្រូវតែប្រឹងប្រែងជាបន្តទៀត។
ឯកឧត្តមវ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា អគ្គលេខាធិការCAMSOCបានមានប្រសាសន៍ថា ការបង្កើតឱ្យមានកម្មវិធីប្រកួតនេះឡើងគឺមានសារៈសំខាន់ខ្លាំងណាស់ ជាពិសេសកម្មវិធីថ្ងៃនេះ គឺជាការបើកទំព័រមួយក្នុងការគាំទ្ររបស់វិស័យឯកជនក្នុងដំណើរឆ្ពោះទៅស៊ីហ្គេមឆ្នាំ២០២៣ ។ ចំពោះការគាំទ្ររបស់វិស័យឯកជននេះទៀត ធ្វើឱ្យសុបិនក្លាយជាការពិត ដែលកម្ពុជារង់ចាំអស់រយៈពេល៦៤ឆ្នាំមកហើយ ។
ឯកឧត្តក៏ចង់ជំរុញទៅដល់សហព័ន្ធដទៃទៀត មានសកម្មភាពដូចសហព័ន្ធកីឡាប្រដាល់នាពេលនេះផងដែរ ។ ឯកឧត្តមសូមគាំទ្រដល់វិស័យឯកជនដែលតែងតែយកចិត្តទុកដាក់ដល់វិស័យកីឡានិងកីឡាករ កីឡាការិនីរបស់យើង ។
លោកបានបញ្ជាក់យ៉ាងច្បាស់ថា តួឯករបស់យើងគឺកីឡាករ កីឡាការិនី បើយើងយកចិត្តទុកដាក់កាន់តែច្រើនកាន់តែមានកិតិ្តយស ជាពិសេសគុនខ្មែររបស់យើង ។ ក្នុងទ្រឹស្ដីកីឡា បើមានផ្លែឈើមួយផ្លែគឺហុចឱ្យកីឡាករ កីឡាការិនីមុនគេមិនមែនហុចឱ្យគ្រូនោះទេ យើងទាំងអស់អាចមិនហូបបាន តែសម្រាប់កីឡាករ កីឡាការិនីមិនអាចអត់បាននោះទេ។
គួរម្លឹកផងដែរថា កម្មវិធីប្រកួតប្រដាល់សង្វៀនគុនខ្មែរពិភពលោក(World Fight Tournament)និងប្រព្រឹត្តទៅនៅថ្ងៃទី៦ កក្កដា ក្នុងពហុកីឡដ្ឋានជាតិមរតកតេជោចាប់ពីម៉ោង៥ដល់ម៉ោង៧យប់ ៕
ចែករំលែកព័តមាននេះ