ខេត្តសៀមរាប ៖ សេចក្តីរាយការណ៍បឋមបានឲ្យដឹងថា ភ្ញៀវដែលសំរាកនៅក្នុងផ្ទះសំណាក់យីហោ ភូមិឧទ្យាន នាំគ្នារត់ជាន់ជើងគ្នា ដោយសារភ្លើងឆេះកាលពីវេលាម៉ោង៦ និង៣០នាទីព្រឹក ថ្ងៃទី៥ ខែធ្នូ ឆ្នាំ២០១៦ ។
សេចក្តីរាយការណ៍បានឲ្យដឹងទៀតថា ផ្ទះសំណាក់ យីហោ ភូមិឧទ្យាន ស្ថិតនៅភូមិស្ទឹងថ្មី សង្កាត់ស្វាយដង្គំ ក្រុងសៀមរាប នេះ សមត្ថកិច្ចបានប្រើប្រាស់ឡានទឹកអស់៨គ្រឿង ក្នុងនោះឡានទឹករបស់ប៉ូលិសអស់៤គ្រឿង និងឡានទឹករបស់កងរាជអាវុធហត្ថអស់៤គ្រឿង ចំណែកឯភ្ញៀវពុំមានរងរបួសទេ ។
សេចក្តីរាយការណ៍បញ្ជាក់ថា ក្នុងហេតុការណ៍នោះដែរកូនប្រុសរបស់ម្ចាស់ផ្ទះសំណាក់បានរងរបួសធ្ងន់ដោយសារលោតពីលើផ្ទះ ត្រូវបានគេដឹកទៅសង្គ្រោះនៅប្រទេសថៃ ។ ចំណែកការខូចខាតនៅមិនទាន់ដឹងពិតប្រាកដនៅឡើយទេ ៕
ចែករំលែកព័តមាននេះ