ហ៊ានមែន! លួចអីវ៉ាន់ក្នុងឃ្លាំងទំនិញទុកចោល អស់លក្ខណ៍ត្រឹមពលរដ្ឋឃើញទាន់
- រតនគិរី
ជនសង្ស័យម្នាក់ ពាក់ព័ន្ធករណីលួចអីវ៉ាន់ចាប់ហួយ និងសម្ភារៈផ្សេងៗមួយចំនួនទៀត ត្រូវបានកម្លាំង
ជនសង្ស័យម្នាក់ ពាក់ព័ន្ធករណីលួចអីវ៉ាន់ចាប់ហួយ និងសម្ភារៈផ្សេងៗមួយចំនួនទៀត ត្រូវបានកម្លាំង
ខេត្តរតនគិរី ៖ បើតាមសេចក្តីរាយការណ៍បានឱ្យដឹងថា ជនសង្ស័យម្នាក់ ពាក់ព័ន្ធករណីលួចអីវ៉ាន់ចាប់ហួយ និងសម្ភារៈផ្សេងៗមួយចំនួនទៀត ត្រូវបានកម្លាំងអធិការនគរបាលក្រុងបានលុង ធ្វើការឃាត់ខ្លួនបញ្ជូនទៅសាលាដំបូងខេត្ត ដើម្បីចាត់ការតាមច្បាប់។
សេចក្តីរាយការណ៍បន្តថា ការបង្ក្រាបខាងលើនោះ កម្លាំងសមត្ថកិច្ចបានធ្វើឡើងកាលពីវេលាម៉ោង១៧និង៣០នាទីល្ងាច ថ្ងៃទី២៦ ខែមិថុនា ឆ្នាំ២០២២ ដោយមានការសម្របសម្រួលនីតិវិធីពីលោក កែវ ភក្ដី ព្រះរាជអាជ្ញារងអមសាលាដំបូងខេត្តផងដែរ។
បើតាមប្រភពពីមន្ត្រីនគរបាលក្រុងបានលុង បានឱ្យដឹងថា ជនសង្ស័យខាងលើឈ្មោះ ភឹម ប៊ុនរឿន ភេទប្រុស អាយុ២៥ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ។ ចំណែកជនរងគ្រោះជាម្ចាស់ឃ្លាំងមានឈ្មោះ ផា ថា ភេទប្រុស អាយុ៥៥ឆ្នាំ មានទីលំនៅភូមិអភិវឌ្ឍន៍ សង្កាត់ឡាបានសៀក ក្រុងបានលុង ខេត្តរតនគិរី។
មន្ត្រីនគរបាលបានបញ្ជាក់ថា នៅវេលាម៉ោង១៧និង៣០នាទីល្ងាចថ្ងៃខែឆ្នាំខាងលើ ខណៈពេលទទួលពាក្យបណ្តឹងពីប្រជាពលរដ្ឋបានរាយការណ៍ថា មានករណីលួចនៅក្នុងឃ្លាំងទំនិញទុកចោលមួយកន្លែងនោះភ្លាម កម្លាំងសមត្ថកិច្ចចុះទៅដល់កន្លែងកើតហេតុ និងបានឃាត់ខ្លួនជនសង្ស័យម្នាក់ នាំយកមកអធិការដ្ឋាននបាលក្រុងបានលុង ដើម្បីសាកសួរបន្ត។
បច្ចុប្បន្ន ជនសង្ស័យខាងលើ ត្រូវបានឃាត់ខ្លួនជាបណ្តោះអាសន្ននៅអធិការដ្ឋាននគរបាលក្រុងបានលុង ដើម្បីកសាងសំណុំរឿងបញ្ជូនទៅកាន់អយ្យការអមសាលាដំបូងខេត្ត ចាត់ការតាមនីតិវិធី៕
ចែករំលែកព័តមាននេះ